އިގްތިސާދީ އަދި ދީނީ ގޮތުން ރާއްޖެ ކުރިއަށްދާ މިސްރާބު ޝަހީމަށް ރަނގަޅު

އިސްލާމިކް މިނިސްޓަރު ޑރ. ޝަހީމް: އިގްތިސާދާއި ދީނީ ގޮތުން ރާއްޖެ ކުރިއަށްދާ މިސްރާބު ރަނގަޅު ކަމަށް އޭނާ ވިދާޅުވި -- ފޮޓޯ: އިސްލާމިކް މިނިސްޓްރީ

އިސްލާމިކް މިނިސްޓަރު ޑރ. ޝަހީމް: އިގްތިސާދާއި ދީނީ ގޮތުން ރާއްޖެ ކުރިއަށްދާ މިސްރާބު ރަނގަޅު ކަމަށް އޭނާ ވިދާޅުވި -- ފޮޓޯ: އިސްލާމިކް މިނިސްޓްރީ

ރައީސް މުހައްމަދު މުއިއްޒުގެ ވެރިކަމުގައި އިގްތިސާދީ، ދީނީ އަދި އިޖުތިމާއީ ގޮތުން ވެސް ރާއްޖެ ކުރިއަށްދާ މިސްރާބު ރަނގަޅު ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް ރޭ ވިދާޅުވެއްޖެ އެވެ.

ކައުންސިލް އިންތިހާބަށް ޕީއެންސީން މާލޭގައި ތިނަދޫ ސިޓީގެ ޖަގަހަ ހުޅުވި ރަސްމިއްޔާތުގައި ޝަހީމް ވިދާޅުވީ މުއިއްޒުގެ ބެއްލެވުމުގެ ދަށުން ރާއްޖޭގެ މިސްރާބު ހުރީ ވަރަށް ވެސް ހެޔޮ އަމާޒަކަށް ކަމަށެވެ.

"ރާއްޖޭގައި މިހާރު މިއޮތް ހެޔޮ ދުވަސްތައް އަޅުގަނޑުމެން ދަމަހައްޓަން ބޭނުންވޭ. މިގޮތުން މިކުރެވޭ މަސައްކަތްތަކުގައި އިއްޒަތްތެރި ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ޒައާމަތުގައި އެމަނިކުފާނުގެ ފުރިހަމަ ބެއްލެވުމުގެ ދަށުން ރާއްޖެ ދަތުރުކުރަމުން މިދަނީ ﷲ ގެ މަތިވެރި ރަހްމަތްފުޅާއެކުގައި ވަރަށްވެސް ހެޔޮ އަމާޒަކަށް،" ޝަހީމް ވިދާޅުވި އެވެ.

"އިޖުތިމާއީ ގޮތުންވެސް، ދީނީ ގޮތުންވެސް އަދި އިގްތިސާދީ ގޮތުންވެސް ﷲ އިރާދަކުރެއްވިއްޔާމުން ރާއްޖެ ދަތުރުކުރަމުން މިދަނީ ރަނގަޅު އަމާޒަކަށް."

އިސްލާމިކް މިނިސްޓަރު އެހެން ވިދާޅުވިއިރު، ރާއްޖޭގެ އިގްތިސާދީ ހާލަތު ގޯސްވެ، ބިލިއަނުން ފައިސާ ޗާޕު ކުރަން ސަރުކާރުން ވަނީ ނިންމައިފަ އެވެ. އަދި މި އަހަރުގެ މެދު ތެރޭގައި ރާއްޖެއިން އެއް ބިލިއަން ޑޮލަރުގެ ބޮޑު ބޭރު ދަރަންޏެއް ވެސް ދައްކަންޖެހެ އެވެ.

އޭގެ އިތުރުން، މިދިޔަ އަހަރެއްހާ ދުވަހު ތަކެތީގެ އަގު ވަނީ ވަރަށް ބޮޑަށް އުފުލިފަ އެވެ. ތަފާސްހިސާބުތަކުން ދައްކާ ގޮތުގައި ކާބޯތަކެތީގެ އަގު ވަނީ އެއް އަހަރު ދުވަހުގެ ތެރޭގައި 4.18 ޕަސެންޓު އުފުލިފަ އެވެ. ވެއެތުވެދިޔަ އަހަރު ދުވަސް ތެރޭގައި މަހުގެ އަގު ވެސް ވަނީ 6.45 ޕަސެންޓު އުފުލިފަ އެވެ.

އަގު އުފުލުނު ބާވަތްތަކުގެ އަގު ބޮޑު ވާން މެދުވެރިވީ މައިގަނޑު ސަބަބަކީ ކަޅު ބާޒާރުގައި ޑޮލަރުގެ އަގު އުފުލުން ކަމަށް ސްޓެޓިސްޓިކްސް ބިއުރޯއިން ވަނީ ބުނެފަ އެވެ.

ރޭގެ ޖަލްސާގައި ވާހަކަ ދައްކަވަމުން ޝަހީމް ވިދާޅުވީ މިހާރުގެ ހާލަތު ދެމެހެއްޓުމަށް ކުރިއަށް އޮތް ލޯކަލް ކައުންސިލް އިންތިހާބަށް ސަރުކާރުގެ ފަރާތުން ކުރިމަތިލައްވާފައި ތިބި ކެންޑިޑޭޓުން ހޮވުން މުހިންމު ކަމަށެވެ. އަދި މި ވެރިކަން ބަދަހިކަމާއެކު ދަމަހައްޓަން ވެސް ޕީއެންސީގެ ކެންޑިޑޭޓުން ހޮވުން މުހިންމު ކަމަށް އޭނާ ވިދާޅުވި އެވެ.

"އެހެންކަމުން މި ހާލަތު ދެމެހެއްޓުމަށްޓަކައި މިހާރު ކުރިމަތިލައްވާފައިވާ ކެންޑިޑޭޓުންގެ ތެރެއިން ސަރުކާރުގެ ކެންޑިޑޭޓުން، ސަރުކާރު ހިންގާ ޕާޓީގެ ކެންޑިޑޭޓުން، ސަރުކާރުގެ ތަސައްވުރަށް ތާއީދުކުރާ ކެންޑިޑޭޓުން މި އިންތިހާބު ކާމިޔާބުކުރުމަކީ ކުރިއަށް މިއޮތް ދުވަސްތަކުގައި މިވެރިކަން ބަދަހިކަމާއެކު ދެމެހެއްޓުމަށް އެޅިގެންދާނެ ވަރަށްވެސް ވަރުގަދަ ބިންގަލަކަށްވާނެ،" ޝަހީމް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox