މިދިޔަ އަހަރު ނިމުނުއިރު ޕީއެންސީގައި 74،000 މެންބަރުން، އެމްޑީޕީގައި 43،000 މެންބަރުން

މިދިޔަ އަހަރު ނިމުނުއިރު ޕީއެންސީގައި 74،000 މެންބަރުން، އެމްޑީޕީގައި 43،000 މެންބަރުން

މިދިޔަ އަހަރު ނިމުނުއިރު ވެރިކަން ކުރާ ޕީޕަލްސް ނެޝަނަލް ކޮންގްރެސް (ޕީއެންސީ) ގައި 74،048 މެންބަރުން ތިބިއިރު، އިދިކޮޅު މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގައި ތިބީ 43،784 މެންބަރުން ކަމަށް އިލެކްޝަންސް ކޮމިޝަން (އީސީ) އިން މިއަދު ބުނެފި އެވެ.

އީސީން މިދިޔަ އަހަރު ސިޔާސީ ޕާޓީތަކުގައި ތިބި މެންބަރުންގެ އަދަދުތައް ހާމަކުރި ލިސްޓުގައި 10،000 މެންބަރުން ހަމަވަނީ ދަފްތަރުގައި ތިބި ނުވަ ޕާޓީގެ ތެރެއިން ޕީއެންސީ އާއި އެމްޑީޕީގެ އިތުރުން ޖުމްހޫރީ ޕާޓީ (ޖޭޕީ) ގެ އެކަންޏެވެ. ޖޭޕީގައި މިދިޔަ އަހަރުގެ ނިޔަލަށް 12،343 މެންބަރުން ތިއްބެވެ.

ޕީއެންސީއަށް ގިނަ މެންބަރުންތަކެއް މިދިޔަ އަހަރު ވައްދާފައިވާއިރު، އެ ޕާޓީއަށް ބައެއް މީހުން ވަގަށް ވައްދާ މައްސަލަ އޮތީ ފެންމަތިވެފަ އެވެ. އެގޮތުން އެފަދަ ގިނަ މައްސަލަތަކެއް ފުލުހުންނަށް ހުށަހަޅައިގެން ދަނީ ތަހުގީގު ވެސް ކުރަމުންނެވެ.

މިދިޔަ އަހަރުގެ ނިޔަލަށް ސިޔާސީ ޕާޓީތަކުގެ ދަފްތަރުގައި ތިބި މީހުންގެ އަދަދު:

  1. ޕީޕަލްސް ނެޝަނަލް ކޮންގްރެސް (ޕީއެންސީ) - 74،048 މެންބަރުން
  2. ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ) - 43،784 މެންބަރުން
  3. ޖުމްހޫރީ ޕާޓީ (ޖޭޕީ) - 12،343 މެންބަރުން
  4. މޯލްޑިވްސް ޑިވެލޮޕްމަންޓް އެލަޔަންސް (އެމްޑީއޭ) - 9،686 މެންބަރުން
  5. އަދާލަތު ޕާޓީ (އޭޕީ) - 8،267 މެންބަރުން
  6. މޯލްޑިވްސް ނެޝަނަލް ޕާޓީ (އެމްއެންޕީ) - 5،133 މެންބަރުން
  7. ޕީޕަލްސް ނެޝަނަލް ފްރަންޓް (ޕީއެންއެފް) - 3،012 މެންބަރުން
  8. ދަ ޑިމޮކްރެޓްސް - 2،952 މެންބަރުން
  9. މޯލްޑިވްސް ލޭބާ އެންޑް ސޯޝަލް ޑިމޮކްރެޓިކް ޕާޓީ (އެމްއެލްއެސްޑީޕީ) - 1،710 މެންބަރުން

ސިޔާސީ ޕާޓީތަކުގެ ދަފްތަރުގައި މިދިޔަ އަހަރުގެ ޖޫން މަހުގެ ނިޔަލަށް ތިބި މެންބަރުންނާއި އަޅާކިޔާއިރު ޕީއެންސީއަށް އަހަރުގެ ބާކީ ދުވަސްތަކުގެ ތެރޭގައި 5،383 މެންބަރުން ވަނީ އިތުރުވެފަ އެވެ. އެ މުއްދަތުގައި އެމްޑީޕީއަށް އިތުރުވީ 19 މެންބަރުންނެވެ.

އެ މުއްދަތުގެ ތެރޭގައި އެންމެ ގިނަ ބަޔަކު ވަކިވެފައިވަނީ ޖޭޕީންނެވެ. އެގޮތުން ޕާޓީން ޖުމްލަ 1،113 މެންބަރުން ވަނީ ވަކިވެފަ އެވެ. ދެވަނައަށް އެންމެ ގިނަ މެންބަރުން ވަކިވީ 703 މެންބަރުންނާއެކު އެންއެންޕީންނެވެ. ތިންވަނައަށް އެންމެ ގިނަ މެންބަރުން ވަކިވީ 595 މެންބަރުންނާއެކު ޑިމޮކްރެޓްސްއިންނެވެ.

ސިޔާސީ ޕާޓީތަކުގެ ދަފްތަރުގައި ޖޫން 30، 2025، ގެ ނިޔަލަށް ތިބި މީހުންގެ އަދަދު:

  1. ޕީޕަލްސް ނެޝަނަލް ކޮންގްރެސް (ޕީއެންސީ) - 68.665 މެންބަރުން
  2. ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ) - 43،765 މެންބަރުން
  3. ޖުމްހޫރީ ޕާޓީ (ޖޭޕީ) - 13،456 މެންބަރުން
  4. މޯލްޑިވްސް ޑިވެލޮޕްމަންޓް އެލަޔަންސް (އެމްޑީއޭ) - 9،011 މެންބަރުން
  5. އަދާލަތު ޕާޓީ (އޭޕީ) - 8،844 މެންބަރުން
  6. މޯލްޑިވްސް ނެޝަނަލް ޕާޓީ (އެމްއެންޕީ) - 5،836 މެންބަރުން
  7. ޕީޕަލްސް ނެޝަނަލް ފްރަންޓް (ޕީއެންއެފް) - 3،046 މެންބަރުން
  8. ދަ ޑިމޮކްރެޓްސް - 3،547 މެންބަރުން
  9. މޯލްޑިވްސް ލޭބާ އެންޑް ސޯޝަލް ޑިމޮކްރެޓިކް ޕާޓީ (އެމްއެލްއެސްޑީޕީ) - 1،874 މެންބަރުން

ސިޔާސީ ޕާޓީތަކުގެ ދަފްތަރުގައި 2024 ވަނަ އަހަރު ނިމުނުއިރު 68،968 މެންބަރުންނާއެކު އޮތީ ޕީއެންސީ އެވެ. ޕީއެންސީއާ ޖެހިގެން 43،142 މެންބަރުންނާއެކު އޮތީ އެމްޑީޕީ އެވެ. ތިންވަނައިގައި 13،826 މެންބަރުންނާއެކު ޖޭޕީ އޮތްއިރު، އޭރު ދަފްތަރުގައި އޮތް ޕީޕީއެމްގައި 12،174 މެންބަރުން ތިއްބެވެ.

މީގެއިތުރުން 2024 ވަނަ އަހަރު ނިމުނުއިރު އެމްޑީއޭގައި 9،210 މެންބަރުން ތިބިއިރު، އަދާލަތުގައި ތިބީ 9،049 މެންބަރުންނެވެ. ޑިމޮކްރެޓްސްގައި އެ މުއްދަތުގައި 3،667 މެންބަރުން ތިބިއިރު، އޭރު ދަފްތަރުގައި އޮތް އެމްޓީޑީގައި 2،359 މެންބަރުން އަދި ޕީއެންއެފްގައި 2،822 މެންބަރުން ތިއްބެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox