ވާރޭތެރޭގައި ގަހަށް ފެން ދިނުން!

ވާރޭތެރޭގައި ގަހަށް ފެން ދިނުން!

ފޮޓޯތަކުން އެ ފެންނަނީ ޔޫގަންޑާގެ ހުދުމުހުތާރު ރައީސް ޔޮވެރީ މުސެވޭނީ އާއި އިންޑިއާގެ ބައެއް ސިޔާސީ ލީޑަރުން އަދި ރާއްޖޭގެ މިނިސްޓަރުން ވާރޭ ތެރޭގައި ގަހަށް ފެން ދޭ މަންޒަރެވެ.

ޔޫގަންޑާގެ ރައީސް ޔޮވެރީ މުސެވޭނީ، ބޯވާރޭތެރޭގައި ގަހަށް ފެންދިން މަންޒަރާއި އިންޑިއާގެ ބައެއް ލީޑަރުންގެ މި ފޮޓޯތަކަށް އިންތިހާއަށް ފާޑުކިޔުމާއި މަލާމާތް ރައްދުވި އެވެ. ދުނިޔޭގެ ބައެއް ލީޑަރުން ވެސް މިފަދަ ކަންކަން ކުރައްވާފައިވެ އެވެ. އެ ފޮޓޯތައް މީމަކަށް ބަދަލުވީ ފުރަތަމަ ނަޒަރުން ވެސް، އެއީ ބޭނުން ނެތް މަސައްކަތެއް ކަމާއި އާންމު ހިކުމަތާ، ސިޔާސީ ލީޑަރުން ދުރުވެފައިވާ ވަރު ފެންނާތީ އެވެ.

ގަހަށް ފެން ދިނުމަކީ ކުރަންޖެހޭ ކަމެކެވެ. ނަމަވެސް، ބޯކޮށް ވާރޭ ވެހޭ ވަގުތެއްގައި އެއީ ކުރަންޖެހޭ ކަމެއް ނޫނެވެ. އެފަދަ ވަގުތެއްގައި އެއީ ބޭކާރު މަސައްކަތެކެވެ. އެހެންވެ، ވާރޭތެރޭގައި ގަހަށް ފެން ދޭނީ ހަމައެކަނި ސިޔާސީ ލީޑަރުންނޭ ބުނެ އުޅެ އެވެ. ސަބަބަކީ ސިޔާސީ ލީޑަރުންގެ ކޮންމެ އަމަލެއްގެ ފަހަތުގައި ދެއްކުންތެރިކަމާއި މަވަންތަކަން އޮތުމެވެ. ބޯވާތެރޭގައި ކުޑަ ނަގައިގެން ގަސް އިންދަން ހުންނައިރު، ކުރިމަތީގައި އަތުރާލާފައިވާ ކެމެރާތަކުގެ ސަބަބުން ވާރޭ ވެހޭކަން ސިޔާސީ މީހުންނަށް އިހުސާސް ނުވަނީ ތޯއްޗެވެ.

Advertisement

ނޮވެންބަރު 30، 2025، ވަނަ ދުވަހަކީ މި ރާއްޖޭގައި ވެސް އެފަދަ ދުވަހަކެވެ. ވިލިމާލޭގައި 500 ގަސް އިންދުމުގެ މަޝްރޫއެއް ކުރިއަށް ގެންދިޔައީ، އެ ރަށުގައި ހުރި ދެ ނިކަ ގަހެއް ކަނޑާލުމަށްޓަކަ އެވެ.

މުއިއްޒު މޭޔަރަކަށް ހުންނެވިއިރު އެ ދެގަސް ކަނޑާލުމަށް ރައްޔިތުން އެދެމުން ދިޔަ ނަމަވެސް އެކަމެއް ނުކުރެއްވި އެވެ. ނަމަވެސް ކައުންސިލް އިންތިހާބު އަލުން ބޯމަތިވެފައި ވާއިރު، ވިލިމާލޭގައި ބޭއްވި ބައްދަލުވުމުގައި ދެ ނިކަގަސް ކަނޑާލުމަށް ފެނޭތޯ މުއިއްޒު ވޯޓެއް ނެންގެވި އެވެ. އެ ޖަލްސާގައި ބައިވެރިވި މީހުންނަށް ފެނުނީ ނިކަގަސް ކަނޑާލުމަށެވެ.

އެ ނިންމުމަށް ގިނަ ބައެއްގެ ފާޑުކިޔަމުން އަމާޒުވިޔަސް، މުއިއްޒުގެ ނިންމުން ބަދަލުކުރަން ބޭނުމެއް ނުވި އެވެ. ނަތީޖާއަކީ، އެތައް ސަތޭކަ އަހަރެއް ވެފައިވާ ދެ ނިކަގަހުގެ ބަދަލުގައި 500 ގޮފިކޮޅު ރަނގަޅު ކަމަށް ދެކުމެވެ.

ނޮވެމްބަރު 30 ވަނަ ދުވަހު ވިލިމާލޭގައި 500 ގަސް އިންދުމުގެ މަސައްކަތް ކުރިއަށް ގެންދިޔައިރު، ބޯވާރޭގައި ގަހަށް ފެންދެނީ. -- ފޮޓޯ: ޓޫރިޒަމް މިނިސްޓްރީ
ނޮވެމްބަރު 30 ވަނަ ދުވަހު ވިލިމާލޭގައި 500 ގަސް އިންދުމުގެ މަސައްކަތް ކުރިއަށް ގެންދިޔައިރު، ބޯވާރޭގައި ގަހަށް ފެންދެނީ. -- ފޮޓޯ: ޓޫރިޒަމް މިނިސްޓްރީ

ނޮވެމްބަރު 30 ވަނަ ދުވަހު ވިލިމާލޭގައި 500 ގަސް އިންދުމުގެ މަސައްކަތް ކުރިއަށް ގެންދިޔައިރު، ބޯވާރޭގައި ގަހަށް ފެންދެނީ. -- ފޮޓޯ: ޓޫރިޒަމް މިނިސްޓްރީ

ނޮވެމްބަރު 30 ވަނަ ދުވަހު ވިލިމާލޭގައި އެ ގަސްތައް އިންދުން ކުރިޔަށް ގެންދަނިކޮށް ކުއްލިއަކަށް ވާރޭ ވެހެން ފެށި ނަމަވެސް ތާވަލުކޮށްފައި އޮތް ގޮތަށް ގަސް އިންދިނުން ކުރިޔަށް ގެންދިޔަ އެވެ. ބޯކޮށް ވެހެމުން ދިޔަ ވާރެއަށް ބެލުމެއް ނެތި ގަހަށް ފެން ވެސް ދެމުންނެވެ.

ވިލިމާލޭގައި ހުރި ދެ ނިކަގަސް ކަނޑާލަން ވަގުތުން ނިންމިއިރު، މައްޗަށްގޮޅީ ގައި ހުރި ދެ ނިކަގަހެއް ކަނޑާލަން އެ ވަށުގެ ރައްޔިތުންގެ ބައްދަލުވުމުގައި ބައިވެރިވި ބައެއް މީހުން ހުށަހެޅި ނަމަވެސް، އެކަމަށް މުއިއްޒު ވަގުތުން ގޮތެއް ނުނިންމަ އެވެ. މިއީ ދެފުށް ދެގޮތްކަމުގެ ރީތި މިސާލެކެވެ.

މި ސަރުކާރުގެ ބައެއް އެހެން ކަންކަމުން ވެސް ފެންނަމުން ދަނީ ވާރޭތެރޭގައި ގަހަށް ފެން ދިނުން ފަދަ ގޮތަކަށް ބޭކާރު ކަންކަން ކުރަމުން ދިޔުމެވެ. އެފަދަ ސާފު މިސާލަކީ، ބީއެމްއެލްގެ އޭޓީއެމް ބެހެއްޓުމާއި، ޕާސްޕޯޓާއި އައިޑީކާޑު ރަށްރަށުން ހެއްދުން ބޮޑު މަޝްރޫއުއެއް ގޮތަށް ބަދަލުކޮށް، ރައީސްގެ ދަތުރުގެ އެޖެންޑާގައި ހިމަނައިގެން ކުރިއަށް ގެންދިޔުމެވެ.

މި ސަރުކާރުގެ ދެ އަހަރު ނިމިގެން ދިޔައިރު، ނިމުނު ކަމެއްގެ ގޮތުގައި ފެންނަން އޮތީ ހަމައެކަނި އޭޓީއެމް ބެހެއްޓުން ކަމަށް ބުނެވިދާނެ އެވެ. އެހެންވެ، މީގެ ކުރިން ބޭންކުގެ އާންމު މަސައްކަތުގެ ތެރެއިން ކުރިއަށް ގެންދިޔަ އޭޓީއެމް ބެހެއްޓުން، ރައީސުލްޖުމްހޫރިއްޔާގެ އެޖެންޑާގައި ހިމެނޭ ކަމަކަށް ބަދަލުކުރި އެވެ.

ޕާސްޕޯޓް ހެއްދުން ވެސް އެފަދަ އެވެ. ރަށްރަށުން ޕާސްޕޯޓު ހެއްދޭނެ ކަމަށް ސަރުކާރުން ބުނުމުން ހީވީ، އެއީ ރަށްރަށުގައި ޕްރިންޓުކޮށްފައި ޕާސްޕޯޓު ދޫކުރުން ކަމަށެވެ. ސަބަބަކީ، އެކަން ފެށި ކޮންމެ ރަށެއްގައި ކައުންސިލުން ބޮޑު ހަރަދެއް ކޮށްގެން ތަނެއް ވެސް ހެދުމުންނެވެ. ނަމަވެސް، މާލެ ފިޔަވައި އެއްވެސް ރަށެއްގައި ޕާސްޕޯޓެއް ޕްރިންޓެއް ނުކުރެ އެވެ. އެހެންވެ، ޕާސްޕޯޓު ހެއްދުން ކަމަށް ބުނެ، ކައުންސިލްތައް ލައްވައި އެ ކުރުވީ ކުރަން ނުޖެހޭ ބޭކާރު ހަރަދެކެވެ.

ރަށެއްގައި ހުންނަ މީހަކު ޕާސްޕޯޓު ހައްދަން ބޭނުންވާނަމަ، އޮންލައިންކޮށް އެޕްލައި ކުރުމުން، އިމިގްރޭޝަނުން އެ ޕާސްޕޯޓު ހައްދާފައި ރަށަށް ފޮނުވަ އެވެ. ޕާސްޕޯޓު ހަވާލުކުރަނީ ކައުންސިލް އިދާރާ މެދުވެރިކޮށެވެ. ކުރިން ވެސް އަދި މިހާރުވެސް މިކަން ކުރަނީ މިގޮތަށެވެ. އައި ބަދަލަކީ ތަންކޮޅެއް ސްޕީޑު އަވަސްވުމެވެ. އެހެންވެ، ރައީސްގެ ދަތުރުތަކުގައި ބޮޑު ހަރަދެއްކޮށްގެން އިމްގްރޭޝަން އާއި ކަމާ ގުޅޭ ވެރިން ބައިވެރިކޮށް ބޮޑު މަޝްރޫއެއްގެ ނިންމުން ފަދަ އުފާވެރި ކަމެއްގެ ގޮތުގައި އެކަން ހަދުމަކީ ބޭކާރު ކަމެކެވެ. ބޭކާރު ހަރަދެކެވެ.

ރައީސް މުއިއްޒު ރާއްޖޭގެ ހުރިހާ ރަށަކަށް ކުރެއްވި އެ ދަތުރުތަކުގެ ހަގީގީ މަގުސަދަކީ ރައްޔިތުންގެ ހިޔާލާއި މަޝްވަރާ ހޯއްދެވުމާއި، މަޝްރޫއުތައް ހަލުއި ކުރުން ކަމަށް ގަބޫލު ކުރެވުނެވެ. ނަމަވެސް ބައެއް ރަށްރަށަށް ދެ ފަހަރު، ތިން ފަހަރު ވަޑައިގެންނެވިއިރު، އެ ރަށްރަށުގައި މި ސަރުކާރުން ފެށި މަޝްރޫއުތަކުގެ ބިންގަލަށް ވުރެ މައްޗަކަށް އެންމެން ގާފޮޅެއް ވެސް އަދިވެސް ނާރަ އެވެ. އެ މިސާލުތައް މި ލިޔުމުގައި ގެނެސްދެވޭވަރަށް ވުރެ މާ ގިނަ އެވެ. ދަތުރުތަކުގެ ހަގީގީ މަގުސަދު އެނގުނީ، ހުރިހާ ރަށަކަށް ދަތުރުކުރެއްވި ރިކޯޑު މުއިއްޒު ހެއްދެވި ކަމަށް އިއުލާނު ކުރެއްވުމުންނެވެ.

ވާރޭ ވެހޭއިރު، މިނިސްޓަރުން އެއްވެ ގަހަށް އެދޭ ފެންފޮދުން ލިބޭނީ ނަތީޖާއެއް ނުފެންނާނެ ރިކޯޑެކެވެ. ހަގީގަތުގައި ރައްޔިތުން ބޭނުންވެފައި މިތިބީ ވާރޭތެރޭގައި ފެން ކުރާގަނޑު ހިފައިގެން ގަހަށް ފެންދޭ މަންޒަރު ބަލާކަށް ނޫނެވެ. ހަގީގަތަށް "ފެން ބޭނުންވާ" ތަންތަނާއި ކަންކަމަށް ސަމާލުކަން ދޭށެވެ. އަދި ވަރުބަލިކަމެއް ނެތި މަސައްކަތްކުރާކަން ފޮޓޯ، ވީޑިއޯއިން ދެއްކުމާއި ރިކޯޑު ހެދުމުގެ ބަދަލުގައި، ހަގީގީ މައްސަލަތަކަށް ހައްލު ގެންނާށެވެ. މުދަލާއި ޑޮލަރުގެ އަގު ބޮޑުވަމުންދާއިރު އެފަދަ ހަގީގީ މައްސަލަތަކާއި ރައްޔިތުންގެ ބޭނުންތައް ފުއްދައިދޭށެވެ.

ކޮމެންޓް

ފަހުގެ ޚަބަރު

ސިޓީބިޓީ: އިހުތިރާމާ ގުޅޭ ގޮތުން ރައީސް މުއިއްޒަށް ސުވާލެއް!

ރައީސް ޑރ. މުއިއްޒު "އިހުތިރާމް އަދާކުރުމުގެ ގައުމީ މަޝްރޫއު" އިފްތިތާހު ކުރެއްވި ނަމަވެސް، އެ މަޝްރޫއުގެ ތަފްސީލާއި އިހުތިރާމުގެ މާނަ ސާފުކޮށްދެއްވާފައި ނުވާތީ މި ލިޔުމުގައި ވަނީ ފާޑުކިޔާފައެވެ. އަދި މުޅި ގައުމަށް ނަސޭހަތް ދެއްވުމުގެ ކުރިން، ރައީސްގެ އަރިހުގައި ތިއްބެވި ބޭފުޅުންގެ އަމަލުތަކާއި ބަސްމަގު ހުރި ގޮތުން އެ ބޭފުޅުންނަށް އިހުތިރާމް ކުރަން ދަސްކޮށްދެއްވާފައިވޭތޯ ލިޔުމުގައި ސުވާލު އުފައްދާފައިވެއެވެ.

ރިންގު ހުސްވަންދެން ދިހަ ބާރަފަހަރަށް ގުޅުމުގެ ދީނީ ހުކުމް

ތިމާގެ އެކުވެރިޔާގެ ހާލަތްތަކާއި އުޒުރުތަކެއް ހުރެދާނެކަމަށް ބެލުމެއް ނެތި އެކުވެރިޔާއަށް އުނދަގޫވާނެހެން ދިހަބާރަ ފަހަރަށް ރިންގު ހުސްވަންދެން ފޯނުކޮށްކޮށް ހުރުމަކީ އެކުވެރިޔާގެ ޑިޖިޓަލް ޕާރސަނަލް ސްޕޭސްއަށާއި ބައުންޑަރީއަށް އަރައިގަތުމެވެ. އެކަމަކީ ދީނީގޮތުން ކޮށްގެންވާނެ ކަމެއް ނޫނެވެ.

ތަދުވަނީތަ ހިތަށް؟ ތިއީ ދެން ކޮންކަމެއް؟

މި ލިޔުމަކީ ފަރެސް އާމިރުގެ ޅެންތަކުގެ ތެރެއިން، 'ހުސްވަތެއް ދުޅައަށް ގުނުން މަކަރަށް ވެދާށި' މި ޅެމުގެ މައްޗަށް ލިޔެފައިވާ ލިޔުމެކެވެ. މި ލިޔުމުގައި ބަލާލާފައިވަނީ އެ ޅެމުގެ ވަކިވަކި ބައިތުތަކުގެ މާނައަށެވެ.

އަހަރެން ވެސް ތަރައްގީ ދެކެން ބޭނުން... އެކަމަކު

1977 ވަނަ އަހަރު ސޮވިއެޓް ޔޫނިއަނުން އައްޑޫ ގަން ކުއްޔަށް ހިފަން ހުށަހެޅި ބޮޑު އަގު، ރާއްޖޭގެ މިނިވަންކަމާއި ވަކިފަރާތަކަށް ނުޖެހޭ ސިޔާސަތު ދެމެހެއްޓުމަށްޓަކައި ރައީސް ނާސިރު ދޫކޮށްލެއްވިއެވެ. މީގެ އިތުރުން، ރާއްޖޭގެ އިގްތިސާދީ މިނިވަންކަން ކަށަވަރުކުރުމަށްޓަކައި ވޯރާ ވިޔަފާރިވެރިން ރާއްޖެއިން ފޮނުވާލައި، ގައުމީ މަސްލަހަތަށް އިސްކަންދެއްވައިގެން މުހިންމު ފިޔަވަޅުތަކެއް އެމަނިކުފާނު އެޅުއްވިއެވެ.

ސިންގަޕޫރާއި ދެކުނު ކޮރެއާގެ ފޮރިން އިންވެސްޓްމަންޓާ އަޅާކިޔުން

ރާއްޖެއަށް ބޭރުގެ އިންވެސްޓްމަންޓްތައް މުހިންމު ނަމަވެސް، ބިން ދޫކުރުމުގައި ދައުލަތަށް ލިބޭ ދާއިމީ ފައިދާއާއި ނުރައްކަލަށް ވިސްނަންޖެހެއެވެ. ސިންގަޕޫރު ފަދަ ގައުމުތަކުގައި ބޭރުގެ އިންވެސްޓަރުންނަށް ބިން ދޫކުރަނީ ހާމަކަންބޮޑު ބީލަމުގެ ނިޒާމެއްގެ ތެރެއިން، ވަކި މުއްދަތަކަށް ކުއްޔަށް ކަމަށްވާއިރު، ބިމުގެ މިލްކިއްޔާތާއި ބަނދަރު ފަދަ މުހިންމު ވަސީލަތްތައް ބާއްވަނީ ދައުލަތުގެ ބާރުގެ ދަށުގައެވެ. އެހެންކަމުން ރާއްޖޭގެ މަޝްރޫޢުތައް ކުރިއަށްގެންދާއިރު މިފަދަ ކާމިޔާބު ނަމޫނާތަކަށް ބަލައި، ދައުލަތުގެ މަންފާ އިސްކުރުން މުހިންމެވެ.

އީގަލް ހިލްސްއާ ނުލައި ވެސް ރަސްމާލެއިން ދާއިމީ ނަފާ ހޯދިދާނެ

ރަސްމާލެ ޓޫރިޒަމަށް އީގަލް ހިލްސްއަށް ދޫކޮށްލައިގެން ނުވާނެ. އޭގެ ބަދަލުގައި، ދިވެހިންގެ ފުރިހަމަ މިލްކުވެރިކަން އޮންނަ "ރަސްމާލެ ހިއްސާ" ކުންފުނިން ބިމުގެ ކޮންޓްރޯލް ހިފަހައްޓައި، ދައުލަތް އެންމެ ލޯނެއް ވެސް ނުނަގައި، ވަޒީފާތަކަށް އަމާޒުކޮށް އަމިއްލަ ހަރަދު އަމިއްލައަށް ބަލަހައްޓާ ދިރުންހުރި ސިޓީއެއް ބިނާކުރަންވީ.

ރައްޔިތުންގެ 'އިހުތިރާމު އަތުލުމުގެ' މަޝްރޫއު

ރާއްޖޭގައި އަހުލާގާއި އިހުތިރާމު ކުރުމުގެ ސިފަ އާލާކުރުމަށްޓަކައި، ރައީސް މުއިއްޒު ވަނީ ފަސް އަހަރު ދުވަހުގެ ގައުމީ ކެމްޕޭނެއް ރަސްމީކޮށް އިފްތިތާހުކޮށްދެއްވާފަ. މި ކެމްޕޭނަކީ ދުނިޔޭގެ ބައެއް ޑިކްޓޭޓަރުން ރައްޔިތުންގެ އަހުލާގު ބައްޓަންކުރަން ހިންގި ފަދަ ހަރަކާތްތަކާ އެއްގޮތް ކަމެއް.

Newsletter

Get the latest news delivered straight to your inbox