މުސާރަތައް އެއްފަހަރާ ބޮޑުކޮށްފިނަމަ ޑޮލަރުގެ ރަސްމީ ރޭޓު ހިފަހައްޓަން އޮންނަ ޕްރެޝަރު ބޮޑުވާނެ: އެމްއެމްއޭ

މިއަދު ކުރިއަށް ގެންދިޔަ ބަޖެޓު ދިރާސާ ކުރާ ކޮމިޓީގެ ބައްދަލުވުމުގައި ގަވަރުނަރު، އަހުމަދު މުނައްވަރު އާއެކު އެމްއެމްއޭގެ ބައެއް މުވައްޒަފުން ބައިވެރިވެވަޑައިގަންނަވަނީ -- ފޮޓޯ: ރައްޔިތުންގެ މަޖިލިސް

މިއަދު ކުރިއަށް ގެންދިޔަ ބަޖެޓު ދިރާސާ ކުރާ ކޮމިޓީގެ ބައްދަލުވުމުގައި ގަވަރުނަރު، އަހުމަދު މުނައްވަރު އާއެކު އެމްއެމްއޭގެ ބައެއް މުވައްޒަފުން ބައިވެރިވެވަޑައިގަންނަވަނީ -- ފޮޓޯ: ރައްޔިތުންގެ މަޖިލިސް

ސަރުކާރު މުވައްޒަފުންގެ މުސާރަތައް އެއްހަމަ ކުރުމުގެ ގޮތުން އަންނަ އަހަރު، މުވައްޒަފުންގެ މުސާރަތައް އެއްފަހަރާ ބޮޑުކޮށްފި ނަމަ، ޑޮލަރުގެ ރަސްމީ ރޭޓު ހިފަހައްޓަން ގޮންޖެހުންތަކެއް ދިމާވެދާނެ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ގަވަރުނަރު، އަހުމަދު މުނައްވަރު ވިދާޅުވެއްޖެ އެވެ.

ބަޖެޓު ދިރާސާކުރުމަށް މިއަދު ބޭއްވި ކޮމިޓީ ބައްދަލުވުމުގައި މަޖިލީހުގެ ނައިބުރައީސް، އަހުމަދު ނާޒިމް ކުރެއްވި ސުވާލަކަށް ޖަވާބުދެއްވަމުން މުނައްވަރު ވިދާޅުވީ ބަޖެޓުގައި ހުރި ރިސްކުތަކުގެ ތެރޭގައި އެންމެ މުހިންމު އެއް ކަމަކަށް ފާހަގަކުރާ ކަމަކީ ސަރުކާރު ހިންގުމަށް ކުރާ ހަރަދު އަންނަ އަހަރު ވަރަށް ބޮޑަށް އިތުރުވެގެންދާތީ ކަމަށެވެ.

އަދި އޭގެތެރެއިން އެންމެ ބޮޑުބައެއް އިތުރުވެގެންދަނީ މުސާރަތައް އެއްހަމަ ކުރުމަށް ފަށާފައިވާ މަސައްކަތް އަންނަ އަހަރު ނިންމުމަށްކަން އޭނާ ފާހަގަކުރެއްވި އެވެ.

Advertisement

"ބަޖެޓުގެ އެހާ ބޮޑު އިންސައްތައެއް ގާތްގަނޑަކަށް އަޅުގަނޑު ދަންނަވާނީ ތިންވަރަކަށް ބިލިއަން އިތުރުވެގެންދާއިރު، މުސާރަތައް އިތުރުވެގެންދާއިރު އަޅުގަނޑުމެން އެންމެ މުހިންމު ލަފަޔަކަށް ދީފައި އިންނާނީ އެ ބަހާލައިގެން ކުރިއަށް ގެންދިޔުމަށް، މާނައަކީ އެއްފަހަރާ، ހުރިހާ މުސާރަތަކެއް އެއްފަހަރާ ބޮޑުކުރެވިގެންދާ ކަމުގައިވާނަމަ ހަމަ އޭގެ ޕްރެޝަރު އައުން އެކަށީގެންވޭ އިނގޭތޯ،" މުނައްވަރު ވިދާޅުވި އެވެ.

"ހާއްސަ ގޮތެއްގައި އަޅުގަނޑުމެންގެ ފޮރިން އެކްސްޗޭންޖު މާކެޓުގައި މިހާރު އޮތް ޕްރެޝަރަށް ވުރެ ޕްރެޝަރު އިތުރުވެގެން ހަމަ ގޮސްދާނެ."

އަންނަ އަހަރަށް ލަފާކޮށް ސަރުކާރުން މަޖިލީހަށް ހުށަހަޅާފައިވާ 64 ބިލިއަން ރުފިޔާގެ ބޮޑު ބަޖެޓުގެ 62 ޕަސެންޓަކީ ރިކަރަންޓު ހަރަދެވެ.

މަޖިލީހަށް 2026 ގެ ބަޖެޓު ހުށަހަޅުއްވަމުން އޮކްޓޫބަރު 30، ގައި ފިނޭންސް މިނިސްޓަރު، މޫސާ ޒަމީރު ވިދާޅުވީ ރިކަރަންޓު ހަރަދުގެ ގޮތުގައި ޖުމްލަ ބަޖެޓުގެ 39.9 ބިލިއަން ރުފިޔާ ހަރަދުވާނެ ކަމަށެވެ. އޭގެ ތެރޭގައި މި ފަހުން ރައީސް މުހައްމަދު މުއިއްޒު ބޮޑުކުރަން ނިންމި މުވައްޒަފުންގެ މުސާރަ ހިމެނޭ ކަމަށް ވެސް ޒަމީރު ވިދާޅުވި އެވެ.

މިއަދުގެ ކޮމިޓީގައި ވާހަކަދައްކަވަމުން މުނައްވަރު ވިދާޅުވީ އެމްއެމްއޭއަށް ބޭރު ފައިސާ ލިބެނީ މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އަށް ޓެކުހުގެ ގޮތުގައި ލިބޭ ފައިސާ އާއި ބޭރު ފައިސާ މާރުކުރުމުން ލާޒިމުކުރާ ގާނޫނުގެ ދަށުން ލިބޭ ފައިސާ ކަމަށެވެ. އޭގެ އިތުރުން ދެން ބޭރު ފައިސާ ލިބެނީ ބޭރުގެ އެކި ފަރާތްތަކުން ލޯނު އެހީގެ ގޮތުގައި ނަމަވެސް، ފާއިތުވި ދެ އަހަރު ދުވަހު ބޭރުގެ އެހީ ލިބުނު އަދަދު ވަރަށް ބޮޑަށް މަދުކަން އޭނާ ފާހަގަކުރެއްވި އެވެ.

އެ ސަބަބާ ހުރެ ދިވެހިރާއްޖޭގެ ބޭރު ފައިސާ މާރުކުރުމުގެ ހިދުމަތް އެންމެ ބޭނުންވާ މިންވަރަށް ނުދެވޭ ކަމަށް މުނައްވަރު ވިދާޅުވި އެވެ. ބޭރު ފައިސާ އެންމެ އެދެވޭ މިންވަރަށް އެމްއެމްއޭއަށް ގަނެވިއްކޭނީ ރިޒާވް އިތުރުވެގެން ކަމަށް އޭނާ ވިދާޅުވި އެވެ.

މުނައްވަރު ވިދާޅުވީ މާކެޓަށް އަންނަ ޕްރެޝަރު ކުޑަކުރެވޭނީ ބޭރުފައިސާ ގަނެވިއްކުމުގެ މުއާމަލާތް އެމްއެމްއޭއިން ކުރާ މިންވަރު އިތުރުކޮށްގެން ކަމަށެވެ.

ދިވެހިރާއްޖޭގެ ރަސްމީ ޑޮލަރު ރޭޓެއްގެ ގޮތުގައި ކަނޑައަޅާފައި އެމްއެމްއޭއިން އޮންނަނީ 12.85ރ. އަށްވުރެ 20 ޕަސެންޓު ބޮޑު، ނުވަތަ ކުޑަ ނުވާ އަދަދެއްގައި ހިފެހެއްޓޭ ގޮތަށެވެ. މި ވަގުތު ރާއްޖޭގައި ރަސްމީ ރޭޓެއްގެ ގޮތުގައި ޑޮލަރު ގަނެވިއްކަމުން ދަނީ 15.42 އެކެވެ. އެއީ އެމްއެމްއޭއިން ކަނޑައަޅާފައިވާ ޕެގުގެ ތެރޭގައި ފައިސާ ގަނެވިއްކޭނެ އެންމެ މަތީ އަގެވެ.

ރަސްމީ ޑޮލަރު ރޭޓު 15.42 ގައި ހުރި ނަމަވެސް، ޑޮލަރުގެ އަގު މިފަހަކަށް އައިސް މައްޗަށް ގޮސް ކަޅު ބާޒާރުގައި ޑޮލަރެއްގެ އަގު ފާއިތުވި ތިން މަސްދުވަހު ވެސް ހުރީ 20ރ. އިން މަތީގަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox