އެޗްޑީސީއަށް ނުލިބި އޮތް 10 ބިލިއަން ރުފިޔާގެ ބޮޑު ބަޔަކީ ސަރުކާރުގެ ދަރަނި

މިއަދުގެ މާލިއްޔަތު ކޮމިޓީގައި އެޗްޑީސީގެ އެމްޑީ ޒުހައިރު (ވ) އަދި ސީއެފްއޯ ސާމިހު: އެޗްޑީސީއަށް ނުލިބި އޮތް 10 ބިލިއަން ރުފިޔާގެ ބޮޑު ބަޔަކީ ސަރުކާރުގެ ދަރަނި --- ފޮޓޯ: މަޖިލިސް އިދާރާ

މިއަދުގެ މާލިއްޔަތު ކޮމިޓީގައި އެޗްޑީސީގެ އެމްޑީ ޒުހައިރު (ވ) އަދި ސީއެފްއޯ ސާމިހު: އެޗްޑީސީއަށް ނުލިބި އޮތް 10 ބިލިއަން ރުފިޔާގެ ބޮޑު ބަޔަކީ ސަރުކާރުގެ ދަރަނި --- ފޮޓޯ: މަޖިލިސް އިދާރާ

ހައުސިން ޑިވެލޮޕްމަންޓު ކޯޕަރޭޝަން (އެޗްޑީސީ) އަށް ނުލިބި ހުރި 10.6 ބިލިއަން ރުފިޔާގެ ދަރަނީގެ ތެރެއިން ބޮޑު ބަޔަކީ ސަރުކާރާއި ސަރުކާރުގެ ކުންފުނިތަކުން އެ ކުންފުންޏަށް ނުލިބި ހުރި ފައިސާ ކަމަށް އެ ކުންފުނިން ރައްޔިތުންގެ މަޖިލީހުގެ މާލިއްޔަތު ކޮމިޓީ އަށް ދިން މައުލޫމާތު ތަކުން ހާމަވެއްޖެ އެވެ.

އެޗްޑީސީގެ ދަރަނީގެ ހިސާބުތަކުގެ އަދާހަމަ ހިއްސާކުރީ އެ ކުންފުންޏަށް ނުލިބި ހުރި ފައިސާ ހޯދުމަށް މީގެ ކުރިން މާލިއްޔަތު ކޮމިޓީން ހުށަހެޅި ކަންކަމާމެދު އަމަލުކޮށްފައިވާ ގޮތް ދިރާސާކުރުމަށް ބޭއްވި ބައްދަލުވުމެއްގަ އެވެ.

އެ މައުލޫމާތު ކަރުދާހުގައި ބުނެފައިވާ ގޮތުން މި އަހަރުގެ އޮގަސްޓު މަހުގެ ނިޔަލަށް އެޗްޑީސީއަށް ނުލިބި ހުރި ފައިސާގެ ޖުމްލަ އަދަދަކީ 10،616،836،889 ރުފިޔާ އެވެ. މީގެ ތެރެއިން ހަތް ބިލިއަނަށްވުރެ ގިނަ ފައިސާ އަކީ ސަރުކާރާއި ސަރުކާރުގެ ކުންފުނިތަކުން ނުދައްކާ ހުރި ފައިސާ އެވެ.

ސަރުކާރުން އެޗްޑީސީއަށް ނުދައްކާ ހުރި ފައިސާގެ ތަފުސީލު

  • ސަރުކާރުގެ އިދާރާތަކުން ނުދައްކާ ހުރި ފައިސާ: 294،062،218ރ.
  • ސަރުކާރުގެ ކުންފުނިތަކުން ނުދައްކާ ހުރި ފައިސާ: 1،968،712،783ރ.
  • ބިންވެރިޔާ ސްކީމުގެ ދަށުން ދޫކުރި ގޯތިތަކުގެ ބިމުގެ ބަދަލު: 1،627،601،170ރ.
  • ހައުސިން ސްކީމުތަކުގެ ކުލި ކުޑަކުރުމުގެ ބަދަލުގައި ދޭން ޖެހޭ ފައިސާ: 3،994،215،915ރ.

މިއީ ޖުމްލަ 7.88 ބިލިއަން ރުފިޔާ އެވެ. މިދިޔަ އަހަރުގެ ނިޔަލަށް ސަރުކާރުން ނުދައްކާ ހުރި ފައިސާގެ އަދަދަށްވުރެ މަދު އަދަދެކެވެ.

މިދިޔަ އަހަރުގެ ނިޔަލަށް ސަރުކާރާއި އެސްއޯއީތަކުން ނުދައްކާ ހުރީ 7.96 ބިލިއަން ރުފިޔާ އެވެ. އެ ފައިސާގެ ތެރެއިން މި އަހަރު ދައްކާފައިވަނީ އެންމެ 283 މިލިއަން ރުފިޔާ އެވެ. އޭގެ ތެރެއިން 70.6 މިލިއަން ރުފިޔާ އަކީ އެކި ސަރުކާރުތަކުން ފުލެޓުތަކުގެ ކުލި އަގުހެޔޮކުރަން ނިންމި ނިންމުންތަކުގެ ބަދަލުގެ ގޮތުގައި ސަރުކާރުން އެޗްޑީސީއަށް ދެއްކި ފައިސާ އެވެ.

ސަރުކާރުގެ އިތުރުން އޮގަސްޓު މަހުގެ ނިޔަލަށް ކޮމާޝަލް ކަސްޓަމަރުންނާއި ރެސިޑެންޝަލް ކަސްޓަމަރުން އެޗްޑީސީއަށް ނުދައްކާ ހުރި ކަމަށް އެ ކުންފުނިން ދިން މައުލޫމާތުގައި ބުނެފައިވަނީ 2.7 ބިލިއަން ރުފިޔާ އެވެ.

ކޮމާޝަލް ކަސްޓަމަރުންގެ ދަރަނީގެ ތެރޭގައި ހިމެނެނީ ބިމު ކުލީގެ ގޮތުގައި ނުލިބި ހުރި 686،138،004ރ. އާއި ޑިވެލޮޕްމަންޓު އެންޑް ސޭލްސް ރައިޓްސް ގެ ގޮތުގައި ނުލިބި ހުރި 1،069،272،750ރ. އެވެ. ކޮމާޝަލް ކަސްޓަމަރުން ނުދައްކާ ހުރި ފައިސާގެ ތެރެއިން އެޗްޑީސީއަށް މި އަހަރު ހޯދުނީ 140 މިލިއަން ރުފިޔާ އެވެ.

ރެސިޑެންޝަލް ކަސްޓަމަރުންނަށް ބަލާއިރު، ހިޔާ، ވިނަރެސް، އަދި ފޭސް އެކެއްގެ ފުލެޓުތަކުގެ ކުލީގެ ގޮތުގައި ނުލިބި އެތައް މިލިއަން ރުފިޔާއެއް އެބަހުއްޓެވެ. އެގޮތުން އޮގަސްޓު މަހުގެ ނިޔަލަށް ހިޔާ ފުލެޓުތަކުން 650 މިލިއަން ރުފިޔާ، ވިނަރެސް ފުލެޓުތަކުން 43 މިލިއަން ރުފިޔަ، އަދި ފޭސް އެކެއްގެ ފުލެޓުތަކުން 283 މިލިއަން ރުފިޔާ ކުލީގެ ގޮތުގައި ނުލިބި އެބަހުއްޓެވެ.

މިއަދުގެ ކޮމިޓީގައި ވާހަކަދައްކަވަމުން އެޗްޑީސީގެ ޗީފް ފައިނޭންޝަލް އޮފިސަރު (ސީއެފްއޯ) އަހުމަދު ސާމިހު ވިދާޅުވީ ނުލިބި ހުރި ފައިސާ ހޯދުމަށް މަޖިލީހުގެ އިރުޝާދު ތަކާއެކު ގިނަ މަސައްކަތްތަކެއް ކުރަމުންދާ ކަމަށެވެ. އެގޮތުން މިދިޔަ އަހަރަށްވުރެ މި އަހަރު ހޯދާ ފައިސާ އިތުރުވާނެ ކަމަށް އޭނާ ވިދާޅުވި އެވެ.

މީގެ އިތުރުން ފައިސާ ނުދައްކާ ފަރާތްތައް ގޮވައިގެން ކޯޓަށް ދިޔުމާއި އެ ފަރާތްތައް މަރުކަޒީ ބޭންކުގެ ކްރެޑިޓް ލިސްޓުގައި މިހާރު ހިމަނާފައިވާނެކަން ސާމިހު މިއަދު ފާހަގަކުރެއްވި އެވެ. އެ ލިސްޓުގަި ހިމެނުމާއެކެ، އެޗްޑީސީއަށް ފައިސާ ނުދައްކާ ފަރާތްތަކުން އައު ލޯނުތަކާއި ކްރެޑިޓު ފެސިލިޓީތައް ނަގަން ބޭންކުތަކުގައި އެދުމުން އެ ކުންފުންޏަށް ކުއްޔާއި އެހެނިހެން ފައިސާ ދެއްކުމުގެ ރެކޯޑުތަކަށް ބެންކުތަކުން މިހާރު އެދެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox