މުދަލުގެ އަގު އުފުލޭއިރު ބޮޑެތި ކުންފުނިތަކަށް ދޭ ޑޮލަރު ސަޕޯޓު ވަރަށް ކުޑަ!

މުދަލުގެ އަގު އުފުލޭއިރު ބޮޑެތި ކުންފުނިތަކަށް ދޭ ޑޮލަރު ސަޕޯޓު ވަރަށް ކުޑަ!

ބާޒާރުގައި މުދަލުގެ އަގު އުފުލެމުން ދާއިރު، ރާއްޖެއަށް އެންމެ ގިނައިން މުދާ އެތެރެކުރާ ބޮޑެތި ކުންފުނިތަކަށް ދޭ ޑޮލަރު ސަޕޯޓު ވަރަށް ކުޑަ ކަމަށް ބައެއް ކުންފުނިތަކުން ބުނެފި އެވެ.

ބެންކް އޮފް މޯލްޑިވްސް އިން 30 ޕަސަންޓާ ހަމައަށް ޑޮލަރު ސަޕޯޓް ދެނީ ކުދި އަދި މެދުފަންތީގެ ވިޔަފާރިތަކަށް ކަމަށް އެ ބޭންކު ބުނެފައިވެ އެވެ. ކުޑަ އަދަދުގެ އޯޑަރުތަކަށް އަގުގެ 50 ޕަސެންޓާ ހަމައަށް ވެސް ޑޮލަރު ސަޕޯޓު ދޭ ކަމަށް ބޭންކުން ބުނެފައިވެ އެވެ.

ނަމަވެސް، ބައެއް ވިޔަފާރިވެރިން ބުނި ގޮތުގައި 50 ޕަސެންޓާ ހަމައަށް ޑޮލަރު ސަޕޯޓު ދެނީ 2500 ޑޮލަރުގެ އޯޑަރުތަކަށެވެ. 30 ޕަސެންޓު ވެސް އާންމުކޮށް ލިބެނީ 10،000 ޑޮލަރުގެ އޯޑަރު ތަކަށް ކަމަށް ބައެއް ވިޔަފާރި ވެރިން ބުންޏެވެ.

އަދަދު ނޫހާ ވާހަކަ ދެއްކި ބޮޑެތި ބައެއް ކުންފުނިތަކުން ބުނީ އެ ކުންފުނިތަކުން އާންމު ގޮތެއްގައި އެއް ލައްކަ ޑޮލަރު ނުވަތަ އެއަށް ވުރެ ބޮޑެތި އަދަދުތަކުގެ އޯޑަރުތައް ކުރަންޖެހޭ ކަމަށެވެ.

"[ނަމަވެސް] ޑޮލަރު ސަޕޯޓަށް އެވްރެޖުކޮށް މި ލިބެނީ އޭގެ 9 ޕަސެންޓު ނޫނީ 10 ޕަސެންޓު ވަރު،" ވިޔަފާރިވެރިޔަކު ނަން ނުޖެހުމަށް ޝަރުތުކޮށް ބުންޏެވެ.

ބާކީ ބައި ހޯދަން ޖެހެނީ ބްލެކު މާކެޓުން ޑޮލަރެއް 20ރ. އަށް ވުރެ ބޮޑު ރޭޓެއްގައި ކަމަށް އެ ވިޔަފާރިވެރިޔާ ބުންޏެވެ.

އަދަދު ނޫހާ ވާހަކަ ދެއްކި ހުރިހާ ވިޔަފާރިވެރިން ވެސް ބުނީ ދުވަހެއް ދުވަހަކަށް މުދަލުގެ އަގު އުފެލުމުން ދަނީ، ޑޮލަރު މާރުކުރުމުގެ ސިޔާސަތަށް ރައީސް މުހައްމަދު މުއިއްޒު ގެންނެވި ބަދަލަށް ފަހު ކަމަށެވެ.

"އެއަށް ފަހު ޑޮލަރު ލިބުން މިހާ ތާށި މިވީ. ބްލެކްމާކެޓުން ޑޮލަރު މި ލިބެނީ އެންމެ ކުޑަކޮށް ވެސް 20ރ. އަށް. އެހެންވީމަ ދެން ބައްލަވާ މުދަލުގެ އަގު އުފުލޭނެ މިންވަރު،" އެހެން ވިޔަފާރިވެރިޔަކު ބުންޏެވެ.

ވިޔަފާރިވެރިޔަކު ބުނީ އާފަލާއި އޮރެންޖުގެ އަގު އުފުލުމުން، އެފަދަ ބާވަތްތައް ސަރުކާރުން އެތެރެކޮށްގެން ވިއްކަން މަސައްކަތް ކުރި ނަމަވެސް އެއީ ދާއިމީ ހައްލަކަށް ނުވާނެ ކަމަށެވެ.

ނަތީޖާއަކަށް ވެގެންދާނީ އަމިއްލަ ވިޔަފާރިތައް ބަނގުރޫޓުވެ، މީހުން ވަޒީފާ ގެއްލިގެން ދިޔުން ކަމަށް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox