ސަރުކާރަށް ބިލިއަން ޑޮލަރު ލިބިއްޖެ، އެކަމަކު ޑޮލަރެއް ލިބެނީ ވިއްސަށް

ގްރެފިކްސް: އިސްމާއިލް އިމްދާދު/އަދަދު

ގްރެފިކްސް: އިސްމާއިލް އިމްދާދު/އަދަދު

ޑޮލަރުން ދައްކަން ޖެހޭ ޓެކްސްތަކާއި ރިސޯޓު ތަރައްގީކުރަން ދޫކޮށްފައިވާ ރަށްތަކުގެ ބިމު ކުއްޔާއި ޓޫރިޒަމް ވިޔަފާރިތަކަށް ލިބޭ އާމްދަނީން މޯލްޑިވްސް މަނިޓަރީ އޮތޯރިޓީ (އެމްއެމްއޭ) އަށް މާރުކުރި ފައިސާގެ އެއްކޮށްލައިގެން މިދިޔަ މަހުގެ ނިޔަލަށް ދައުލަތަށް އެއް ބިލިއަން ޑޮލަރު ލިބިފައިވާ ކަމަށް ތަފާސްހިސާބުތަކުން ދައްކައިފި އެވެ.

އަދަދު ނޫހުން މި ހިސާބުތައް ހެދީ އެމްއެމްއޭއިން ހާމަކޮށްފައިވާ މައުލޫމާތާއި މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން އާންމުކޮށްފައިވާ ރިޕޯޓުތަކުގައި ހުރި މައުލޫމާތަށް ބިނާކޮށެވެ. އެ މައުލޫމާތުން ދައްކާ ގޮތުގައި މި އަހަރުގެ ފުރަތަމަ ހަތް މަސް ނިމުނުއިރު، 1.1 ބިލިއަން ޑޮލަރު ވަނީ ވަދެފަ އެވެ.

އަހަރުގެ މިހާތަނަށް ޑޮލަރުން ލިބުނު އަދަދަކީ މިދިޔަ އަހަރު މުޅި އަހަރުގެ ތެރޭގައި ޓެކްސް އާއި ޓެކްްސް ނޫން އާމްދަނީގެ ގޮތުގައި ލިބުނު އެއް ބިލިއަން ޑޮލަރަށް ވުރެ ވެސް ބޮޑު އަދަދެކެވެ. މި އަހަރުގެ ބާކީ އަދި ފަސް މަސް އޮތް އިރު، އިގުތިސޯދަށް ބޮޑު ލޮޅުމެއް ނާންނަ ހާލަތުގައި، 1.5 ބިލިއަން ޑޮލަރު ލިބޭނެ ކަމަށް އަންދާޒާކުރެ ވެ އެވެ.

މިދިޔަ މަހުގެ ނިޔަލަށް ދައުލަތަށް ލިބުނު ޑޮލަރުތަކުގެ ބޮޑު ބަޔެއް ލިބުނީ، އެއީ ޑޮލަރުން ލިބުނު އާމްދަނީގެ 70 ޕަސެންޓު ނުވަތަ 700 މިލިއަން ޑޮލަރު، ޓޫރިޒަމް ޓެކްސް (ޓީޖީއެސްޓީ އާއި ގްރީން ޓެކްސް) ތަކާއި އެއާޕޯޓު ޑިޕާޗާ ޓެކްސްއިންނެވެ. ދެން އެންމެ ގިނަ ޑޮލަރު ވަނީ ބޭރު ފައިސާގެ ގާނޫނުގެ ދަށުން ޓޫރިޒަމް ވިޔަފާރިތަކާއި ބޭންކުތަކަށް މާރުކުރި ޑޮލަރުގެ ތެރެއިން، އެމްއެމްއޭއަށް މާރުކުރި ފައިސާއިންނެވެ.

ޑޮލަރުން ލިބުނު އާމްދަނީ (ޖެނުއަރީ 2025 އިން ޖުލައި 2025 އަށް)

  • ޓީޖީއެސްޓީ - 440 މިލިއަން ޑޮލަރު
  • އިންކަމް ޓެކްސް - 109 މިލިއަން ޑޮލަރު
  • ގްރީން ޓެކްސް - 83 މިލިއަން ޑޮލަރު
  • އެއާޕޯޓު ޑިޕާޗާ ޓެކްސް - 67 މިލިއަން ޑޮލަރު
  • އެއާޕޯޓު ޑިވެލޮޕްމަންޓް ފީ - 68 މިލިއަން ޑޮލަރު
  • ލީސް ޕީރިއަޑް އެކްސްޓެންޝަން ފީ - 30 މިލިއަން ޑޮލަރު
  • ޓޫރިޒަމް ލޭންޑް ރެންޓު - 68 މިލިއަން ޑޮލަރު
  • މާރުކުރި ޑޮލަރުން އެމްއެމްއޭއަށް މާރުކުރި - 247 މިލިއަން ޑޮލަރު

ޑޮލަރުން ލިބުނު އާމްދަނީ ރެކޯޑު އަދަދަކަށް އިތުރުވީ، ބޭރު ފައިސާގެ އާމްދަނީ އިތުރުކުރަން މިދިޔަ އަހަރު އެޅި ފިޔަވަޅުތަކުގެ ސަބަބުންނެވެ. މި ފިޔަވަޅުތަކުގެ ދަށުން ކުރި ކަމަކީ ޓޫރިސްޓުންގެ އަތުން ނަގާ އެކިއެކި ޓެކްސްތައް އިތުރުކުރުމެވެ. މި ޓެކްސްތައް އިތުރުކުރި ނަމަވެސް ޓޫރިޒަމް ސިނާއަތުގެ ދުވެލި ރަނގަޅު ވަރެއްގައި ހިފެހެއްޓިފައި ހުރުމުން އާމްދަނީ އިތުރުވީ އެވެ.

ޑޮލަރުގެ އާމްދަނީ ރެކޯޑު މިންވަރަކަށް އުފުލުނުއިރު، އާންމުންނާއި ވިޔަފާރިތަކަށް ޑޮލަރު ގަންނަން މަޖުބޫރުވެފައިވާ ކަޅު ބާޒާރުގައި ޑޮލަރެއް ގަންނަން ވެސް ލިބެނީ ރެކޯޑު އަގެއްގަ އެވެ. ޑޮލަރެއްގެ އަގު 20ރ. އިން މަތީގައި ހުންނަތާ މިހާރު މަހަކަށް ވުރެ ގިނަ ދުވަސް ވެއްޖެ އެވެ.

އާމްދަނީ އިތުރު ވިޔަސް ޑޮލަރުގެ އަގު ދަށަށް ނުދާ ސަބަބެއް ކަމަށް އެމްއެމްއޭއިން ބުނަނީ ޑޮލަރުގެ ސަޕްލައިއަށް ވުރެ ޑިމާންޑު އިތުރު ޒަމާންވީ މައްސަލަ އެވެ. އެ އޮތޯރިޓީން ބުނި ގޮތުގައި އަހަރުގެ މިހާތަނަށް ވެސް ލިބުނު ގިނަ އަދަދެއްގެ ޑޮލަރުތައް ވަނީ ލޯނު ދައްކާށާއި އާންމުންނަށާއި ވިޔަފާރިތަކުގެ ބޭނުންތަކަށާއި އަސާސީ ބާވަތްތައް ގެންނަން ހަރަދުކޮށްފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox