ބޭންކުތަކާއި ޕޭމަންޓު ހިދުމަތްދޭ ވިޔަފާރިތަކުން ހިންގާ ހުރިހާ މާލީ މުއާމަލާތްތަކެއް އެއް ވިއުގައެއްގެ ތެރެއަށް ގުޅުވައިދޭ ނިޒާމެއް ނުވަތަ "ނޭޝަނަލް ޕޭމަންޓު ސްވިޗެއް" ގާއިމުކުރުމުގެ ބާރު މޯލްޑިވްސް މަނިޓަރީ އޮތޯރިޓީ (އެމްއެމްއޭ) އަށް ލިބޭ ގޮތަށް ރައްޔިތުންގެ މަޖިލީހުން ފާސްކުރި އިސްލާހު ރައީސުލްޖުމްހޫރިއްޔާ މުހައްމަދު މުއިއްޒު ތަސްދީގުކުރައްވައިފި އެވެ.
ގައުމީ ޕޭމަންޓު ސިސްޓަމްގެ ގާނޫނަށް ރައްޔިތުންގެ މަޖިލީހުން ގެންނަން ފާސްކުރި ބަދަލުތަކުގައި ވަނީ މި ޕޭމަންޓް ސްވިޗު ގާއިމުކުރުމުން ރާއްޖޭގައި ހުންނަ މާލީ އިދާރާތައް މެދުވެރިވެގެން ހިންގާ ޕޭމަންޓު މުއާމަލާތްތައް ރޫޓުކުރަން ޖެހޭނީ ގައުމީ ސްވިޗު މެދުވެރިކޮށް ކަމަށެވެ. އަދި، މިކަމަށް ފަހިކުރުމުގެ ގޮތުން ކުރަން ޖެހޭ ހުރިހާ މަސައްކަތެއް ނިންމަން އެ ތަންތަނުގެ މައްޗަށް ވަނީ ލާޒިމުކޮށްފަ އެވެ.
އެމްއެމްއޭއިން ބުނެފައިވާ ގޮތުގައި މި ބަދަލުގެ ބޭނުމަކީ ރާއްޖޭގެ ބޭންކުތަކާއި ފައިސާގެ ހިދުމަތްދޭ ފަރާތްތައް އެ ވިއުގައެއްގެ ތެރެއިން ގުޅާލުމެވެ. މި ނިޒާމު ގާއިމުކުރެވުމުން "އިންޓައޮޕަރަބިލިޓީ" ގާއިމުކުރެވި، ކާޑު ނުވަތަ ޑިޖިޓަލް ވޮލެޓު މެދުވެރިކޮށް ހުރިހާ ބޭންކެއްގެ ކިއުއާރު ކޯޑަށް ނުވަތަ ޕޭމަންޓު (ޕީއޯއެސް) މެޝިނަށް ފައިސާ ދެއްކޭނެ އެވެ.
ނޭޝަނަލް ޕޭމަންޓު ސްވިޗު ގާއިމުކުރަން މަޖިލީހުން ފާސްކޮށްފި
ރާއްޖޭގެ ހުރިހާ ބޭންކުތަކާއި މާލީ މުއާމަލާތްތައް އެއް ވިއުގައަކުން ގުޅާލުމަށްޓަކައި ގާއިމުކުރާ "ނޭޝަނަލް ޕޭމަންޓު ސްވިޗު" ގެ ސަބަބުން ކާޑާއި ޑިޖިޓަލް ވޮލެޓުތައް މެދުވެރިކޮށް ހުރިހާ ބޭންކެއްގެ ޕީއޯއެސް އަދި ކިއުއާރު ކޯޑަށް ފައިސާ ދެއްކޭނެ މަގު ފަހިވެ، މުއާމަލާތްތަކުން ނަގާ ފީ ކުޑަ ވެގެން ދާނެ.
މި ނިޒާމުގެ ސަބަބުން މުއާމަލާތްތަކުން ނަގާ ޕްރޮސެސިން ފީ ކުޑަ ވާނެ މަގު ފަހިވެ، ގައުމުގެ މާލީ މައުލޫމާތުތައް އެތެރޭގައި ހިފެހެއްޓޭނެ މަގުފަހިވެގެންދެ އެވެ. މިއީ އިންޑިއާގައި ބޭނުންކުރާ "ޔުނައިޓެޑް ޕޭމަންޓްސް އިންޓަފޭސް" (ޔޫޕީއައި) އަދި ބްރެޒިލްގައި ބޭނުންކުރާ "ޕިކްސް" ފަދަ ނިޒާމެކެވެ.
އެމްއެމްއޭގެ ޕޭމަންޓު ސްވިޗު ވެގެން ދާނީ އެ ބޭންކުން ކާމިޔާބާކަމާއެކީ ބޭނުންކުރަމުން އަންނަ އިންސްޓަންޓް ޕޭމަންޓް ނިޒާމު، "ފަވަރަ" އިތުރަށް ފުރިހަމަވެ، ޑިޖިޓަލް ފައިސާގެ ހިދުމަތްތައް އިތުރަށް ހަރުދަނާވާނެ އެވެ. މި ސްވިޗު ވެސް ގާއިމުކުރަނީ ޕޭމަންޓު ސިސްޓަމްތައް ހިންގަން މަރުކަޒީ ބޭންކުން އުފައްދާފައިވާ ޕޭމަންޓް މޯލްޑިވްސްގެ ދަށުންނެވެ.
މި ފަދަ ސްވިޗެއް ގާއިމުކުރެވޭތޯ އެމްއެމްއޭއިން މަސައްކަތް ކުރާތާ ދުވަސްތަކެއް ވެއްޖެ އެވެ. ނަމަވެސް އޭރު އެ މަސައްކަތް ނުވެ ރާއްޖޭގެ ބޭންކުތަކުން މި ކަމަށް އެއްބާރުލުން ނުދިނުމުންނެވެ.
މުއިއްޒު ގާނޫނު ތަސްދީގުކުރެއްވުމާއެކީ، މިއަދުން ފެށިގެން މި ގާނޫނަށް ވަނީ އަމަލުކުރަން ފަށާފަ އެވެ. މިހެން ނަމަވެސް ނޭޝަނަލް ޕޭމަންޓް ސްވިޗަށް ބަދަލުކުރެވޭނީ އެމްއެމްއޭއިން ގާއިމުކުރަން ޖެހޭ އިންފްރާސްޓްރަކްޗާ އާއި އޭގެ ތެރެއަށް ބޭންކުތައް ވައްދަން ކުރަން ޖެހޭ މަސައްކަތްތައް ނިމުމުންނެވެ.
