ރުފިޔާއިން މުސާރަ ދޭތީ މަންޓާގެ ޕައިލެޓުން ހަޅުތާލު ކުރަން ނިންމައިފި

ަމަންޓާގެ ސީޕްލޭނެއް. ރާއްޖޭގައި އެންމެ ފަހުން ހިދުމަތް ދޭން ފެށި ސީޕްލޭން ކުންފުންޏަކީ މަންޓާ. އެ އެއާލައިނުގައި 50 އަށްވުރެ ގިނަ ޕައިލެޓުން ހަރަކާތްތެރިވޭ --- ފޮޓޯ: މަންތާ އެއާ

ަމަންޓާގެ ސީޕްލޭނެއް. ރާއްޖޭގައި އެންމެ ފަހުން ހިދުމަތް ދޭން ފެށި ސީޕްލޭން ކުންފުންޏަކީ މަންޓާ. އެ އެއާލައިނުގައި 50 އަށްވުރެ ގިނަ ޕައިލެޓުން ހަރަކާތްތެރިވޭ --- ފޮޓޯ: މަންތާ އެއާ

ރައީސް މުހައްމަދު މުއިއްޒު ކަނޑައެޅި ޑޮލަރު މާރުކުރަން މަޖުބޫރުކުރުމުގެ ސިޔާސަތާ ގުޅިގެން މަންޓާ އެއާއަށް ޑޮލަރުގެ ތާށިކަން ބޮޑުވެ، މުވައްޒަފުންނަށް ޑޮލަރުން ދެމުންދިޔަ މުސާރައިގެ 50 ޕަސެންޓު ދިވެހި ރުފިޔާއިން ދެމުންދާތީ އެ ކުންފުނީގެ ޕައިލެޓުން ހިމެނޭހެން ހުރިހާ މުވައްޒަފުން ހަޅުތާލު ކުރަން ނިންމައިފި އެވެ.

ސަރުކާރުން ތަންފީޒުކުރަން ފެށި ޑޮލަރުގެ ސިޔާސަތާ ގުޅިގެން 20 ޕަސެންޓު ޑޮލަރު މާރުކުރަން މަޖުބޫރުވާތީ، މަންޓާގެ މުވައްޒަފުންނަށް މީގެކުރިން ޑޮލަރުން ދެމުންދިޔަ މުސާރައިގެ 50 ޕަސެންޓު ދިވެހި ރުފިޔާއިން ދޭން ފެށީ އެޕްރީލް މަހުން ފެށިގެންނެވެ.

މައުލޫމާތު ލިބިފައިވާ ގޮތުގައި މަންޓާގައި 50 ޕައިލްޓުން މަސައްކަތް ކުރެ އެވެ. އޭގެ ތެރެއިން 10 ޕައިލެޓުން މަސައްކަތް ކުރަނީ މެނޭޖުމަންޓް ފަޅީގަ އެވެ.

އަދަދު އަށް މައުލޫމާތު ލިބިފައިވާ ގޮތުގައި މަންޓާގެ މުވައްޒަފުން ހަޅުތާލުކުރާނީ އޮގަސްޓު ތިންވަނަ ދުވަހު އެވެ. އެ ކަން މިހާރު މެނޭޖުމަންޓަށް ވެސް ވަނީ އަންގާފަ އެވެ.

"އެ ދުވަހު ދަތުރުތައް ކުރާ ޕައިލެޓުންނާއި ކްރޫއިން މަސައްކަތަށް ނުނިކުންނާނެ،" އަދަދު ނޫހާ ވާހަކަ ދެއްކި ޕައިލެޓަކު ބުންޏެވެ.

މަންޓާގެ އޮފިޝަލަކު "އަދަދު" ނޫހަށް ބުނީ އެންމެ ފުރަތަމަ ދުވަހުން ފެށިގެން ވެސް މުވައްޒަފުންނަށް ޑޮލަރުން މުސާރަ ދޭން ނިންމީ އެ ކުންފުންޏަކީ ޑޮލަރުން އާމްދަނީ ލިބޭ ކުންފުންޏަކަށް ވުމުން ކަމަށެވެ.

"އެކަމަކު މިހާރު ލިބޭ ޑޮލަރުން ބައެއް މާރުކުރަން ސަރުކާރުން މަޖުބޫރު ކުރުމުން، ކުންފުންޏަށް ވެސް އެކަމުގައި މާލީ ގެއްލުން އެބަވޭ. އެހެެންވެ، ކުންފުނި ސަލާމަތް ކުރަން ވެގެން މުސާރައިން އެއްބައި ރުފިޔާއަށް ބަދަލުކުރީ. އެފޯޑު ނުކުރެވޭ ކަމެއް ކިހިނެއްތޯ ތަންފީޒުކުރާނީ," އޭނާ ބުންޏެވެ.

އެޕްރީލް މަހު ގެނައި ބަދަލަށް ފަހު މެނޭޖުމަންޓާ ގިނަ މަޝްވަރާތަކެއް ކުރި ކަމަށާއި ނަމަވެސް ކުރިން އޮތް ގޮތަށް މުސާރަ ނުދެވެނީ ސަރުކާރުގެ ސިޔާސަތުގެ ސަބަބުން ބޭނުންވާ ވަރަށް ޑޮލަރު ނުލިބޭތީ ކަމަށް ކުންފުނިން އަންގާފައިވާ ކަމަށް އިހުތިޖާޖުގެ މައުލޫމާތު އެނގޭ މީހަކު އަދަދު އަށް ބުންޏެވެ.

މިފަހުން ރާއްޖޭގެ އެންމެ ބޮޑު ސީޕްލޭން އޮޕަރޭޓަރު ކަމަށްވާ ޓްރާންސް މޯލްޑިވިއަން އެއާވޭސް (ޓީއެމްއޭ) ގެ މުވައްޒަފުން ވެސް އިހުތިޖާޖު އިއުލާން ކުރުމުން މުސާރަ އެއްކޮށް ޑޮލަރުން ދޭން އެ ކުންފުނިން ނިންމި އެވެ.

އެއީ ޑޮލަރު މާރުކުރުމުގެ ސިޔާސަތު އެމްއެމްއޭއިން ހަމަހަމަކަމާއެކު ތަންފީޒު ކުރަމުންދާކަމާމެދު ސުވާލު އުފެދޭ ކަމެއް ކަމަށް މަންޓާއިން ބުނެފައިވެ އެވެ.

"ޑޮލަރަށް މާބޮޑަށް ބަރޯސާވެފައިވާ މި ކުންފުނީގެ ވާދަވެރިއެއް [ޓީއެމްއޭ] އިން އެ ކުންފުނީގެ މުވައްޒަފުންނަށް 100 ޕަސެންޓު ޑޮލަރުން މުސާރަ ދޭން އަލުން ނިންމާފައިވުމުން ގަވާއިދުތައް ތަންފީޒު ކުރުމުގައި އެއް ހަމައެއް ގެންގުޅޭ ކަމާމެދު ސުވާލު އުފެދެ އެވެ. މާކެޓުގައި ވަކި ބަޔަކަށް އިސްތިސްނާތަކާއި ލުއިތައް ދިނުމަކީ ހަމަހަމަ ވާދަވެރިކަމުގެ އުސޫލުތަކަށް އުނިކަން އަންނާނެ ކަމެއް،" މަންޓާއިން، ޖުލައި 22 ގައި ނެރުނު ބަޔާނުގައި ބުންޏެވެ.

ސަރުކާރުން ޑޮލަރުގެ މައްސަލަ ހައްލުކުރަން އެޅި ފިޔަވަޅުތަކާއެކު ޑޮލަރުގެ ތާށިކަން އިތުރުވެ، ކަޅު ބާޒާރުގައި ޑޮލަރުގެ އަގު މިހާރު ހުރީ 20.20ރ. ގަ އެވެ. މި އަގަށް ވެސް ރާއްޖެއިން ބޭރުން މުދާ ގަންނަން ބޭނުންވާ ޑޮލަރު ނުލިބިގެން ވިޔަފާރިވެރިން ދަނީ ކަންބޮޑުވުން ފާޅުކުރަމުންނެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox