މުއްތަލިބު ދެއްކީ ދޮގު ވާހަކަތަކެއް، އެޑްވާންސް ފައިސާ ވެސް ފުރިހަމައަށް ދީފައި ނުވޭ: ސީއެމްސީ

ސީއެމްސީން ބިން ހިއްކުމުގެ މަސައްކަތް ކުރިއަށްގެންދަނީ -- ފޮޓޯ: ބޮސްކާލިސް

ސީއެމްސީން ބިން ހިއްކުމުގެ މަސައްކަތް ކުރިއަށްގެންދަނީ -- ފޮޓޯ: ބޮސްކާލިސް

ހުޅުމާލޭ ފޭސް ތިނަކާއި ގިރާވަރު ފަޅު ހިއްކުމުގެ މަސައްކަތް ކުރިއަށް ނުދަނީ އެ މަސައްކަތް ހަވާލުކުރި ސަރުކާރުގެ ދެ ކުންފުނިން ސަބް ކޮންޓްރެކްޓް ކުރި ކެޕިޓަލް މެރިން އެންޑް ކޮންސްޓްރަކްޝަން (ސީއެމްސީ) އިން އެ މަސައްކަތް ކުރަމުން ނުދާތީ ކަމަށް ވިދާޅުވެ ކޮންސްޓްރަކްޝަން މިނިސްޓަރު ޑރ. އަބްދުالله މުއްތަލިބު ހެދީ ދޮގު ކަމަށް އެ ކުންފުނިން ބުނެފި އެވެ.

މި ހަފްތާގެ ހޯމަ ދުވަހުގެ ރޭ ބޭއްވި "އަހާ ފޯރަމް"ގައި އާންމު މީހަކު ކުރި ސުވާލަކަށް ޖަވާބު ދެއްވަމުން މުއްތަލިބު ވަނީ ސީއެމްސީއަށް ތުހުމަތުތަކެއް އަމާޒު ކުރައްވާފަ އެވެ. އެގޮތުން، ކޮންޓްރެކްޓުގެ އެޑްވާންސަށްވާ ފައިސާ ދޫކުރި ނަމަވެސް ސީއެމްސީއިން މަސައްކަތް ނުކޮށް އިތުރަށް ފައިސާ ޑިމާންޑް ކުރަމުންދާ ކަމަށް ވިދާޅުވި އެވެ.

މިއަދު ނެރުނު ދިގު ބަޔާނެއްގައި ސީއެމްސީއިން ވަނީ ރާއްޖޭގެ ބޮޑެތި އިންފްރާސްޓްރަކްޗާ ޕްރޮޖެކްޓުތައް ބަލަހައްޓަވަމުން ގެންދަވާ މިނިސްޓަރަށް ރައްދު ދީފަ އެވެ.

Advertisement

ސީއެމްސީން ބުނި ގޮތުގައި އެ ފޯރަމްގައި އެ ކުންފުންޏާ މެދު މުއްތަލިބު ދެއްކެވީ ދޮގު އަދި އޮޅުވާލާފައިވާ ވާހަކަތަކެކެވެ. އެ ވާހަކަތަކަށް ރައްދު ނުދީފިނަމަ ކުންފުނީގެ ކުރިމަގަށް ބޮޑެތި އަސަރުތަކެއް ކުރާނެ ކަމަށް އެ ކުންފުނިން ބުނެފައިވެ އެވެ.

ސީއެމްސީން ބުނި ގޮތުގައި ކޮންޓްރެކްޓުގައި ބަޔާންކޮށްފައިވާ ހިލާފަށް އެއްވެސް ފައިސާއެއް ހޯދުމަށް އެ ކުންފުނިން ސަރުކާރުގައި ޑިމާންޑް ކޮށްފައި ނުވާނެ އެވެ. ފައިސާ ހަމަނުޖެހުނު ނަމަވެސް ގިނަ މަސައްކަތްތަކެއް ހެޔޮ ނިޔަތުގައި ކޮށްދީފައިވާ ކަމަށް ސީއެމްސީން ބުނެ އެވެ.

އެ ކުންފުންޏަށް މަސައްކަތް ހަވާލުކުރި މޯލްޑިވްސް ފަންޑް މެނޭޖުމަންޓް ކޯޕަރޭޝަން (އެމްއެފްއެމްސީ) އާއި ހައުސިން ޑިވެލޮޕްމަންޓު ކޯޕަރޭޝަން (އެޗްޑީސީ) އިން ވެސް ކޮންޓްރެކްޓުތަކާ އެއްގޮތަށް ފައިސާ ދޫކޮށްފައި ނުވާ ކަމަށާއި އެ ކަމަށް ގާނޫނީ ފިޔަވަޅު ވެސް އަޅާފައި ނުވާނެ ކަމަށް ސީއެމްސީގެ ބަޔާނުގައި ބުނެފައި ވެ އެވެ.

ސީއެމްސީއަށް އެޑްވާންސްގެ ގޮތުގައި ފައިސާ ދޫކުރި ނަމަވެސް ސަރުކާރުން ދިން އަދަދާ މެދު ހިތްހަމަނުޖެހިގެން އެ ކުންފުނިން މަސައްކަތް ނުކުރާ ކަމަށް މުއްތަލިބު ވިދާޅުވެފައިވާތީ ވެސް ސީއެމްސީން ރައްދު ދިނެވެ.

"މަސައްކަތް ހުއްޓިފައި ވަނީ ފައިސާ ނުދެއްކުމާއި، ޕްރޮޖެކްޓަށް ގެންނަން ޖެހޭ ބަދަލުތައް އެޕްރޫވް ކުރުމުގައި ލަސްވުމާއި، ހަރަދުތައް އަނބުރާ ހޯދޭނެ ގޮތް ނޭނގުން ފަދަ މައްސަލަތައް ފާހަގަވުމުން،" ސީއެމްސީން ބުނެފައި ވެ އެވެ.

އެޑްވާންސަށް ފައިސާ ދޫކުރުމަށް ކޮންޓްރެކްޓުގައި ބަޔާންކޮށްފައިވާ ހުރިހާ ގެރެންޓީއެއް ވެސް ފުރިހަމަކޮށްފައި ވާނެ ކަމަށާއި މަސައްކަތް ހުއްޓާލީ އެންމެ ފަހު ފިޔަވަޅެއްގެ ގޮތުން ކަމަށް ވެސް އެ ކުންފުނިން ބުނެ އެވެ.

ފުރަތަމަ އެޑްވާންސްގެ ގޮތުގައި ސީއެމްސީއަށް 20 މިލިއަން ޑޮލަރު ދޫކުރި ކަމަށާއި ނަމަވެސް އެ ފައިސާއަށް ވާ ވަރަށް އެ ކުންފުނިން ބިން ހިއްކުމުގެ މަސައްކަތް ކޮށްފައި ނުވާ ކަމަށް ވެސް މިނިސްޓަރު ވިދާޅުވި އެވެ. އެ ކުންފުނިން 140 ހެކްޓަރު ހިއްކާފައިވާ ކަމަށާއި މިނިސްޓަރު ވިދާޅުވި ނަމަވެސް އެއަށް ވުރެ އިތުރަށް މަސައްކަތް ކޮށްފައިވާނެ ކަމަށް ސީއެމްސީން ބުނެ އެވެ.

ޕްރޮޖެކްޓުތަކުގެ އެގްރީމެންޓުތައް ސީއެމްސީން ޑިޒައިން ކުރަނީ އާބިޓްރޭޝަނަށް ދެވޭނެ ފަދަ ގޮތަކަށް ކަމަށް މުއްތަލިބު ވިދާޅުވެފައިވާތީ އެ ކަމަށް ވެސް ސީއެމްސީން ވަނީ ކަންބޮޑުވުން ފާޅުކޮށްފަ އެވެ.

"ސަރުކާރު ހިއްސާވާ ކުންފުނިތަކާއެކު ހަދާފައިވާ ޕްރޮޖެކްޓް އެގްރީމެންޓްތައް ތައްޔާރުކުރަނީ ސީއެމްސީއަކުން ނޫން. މި އެއްބަސްވުންތަކަކީ ސަރުކާރު ހިއްސާވާ ކުންފުނިތަކުން ނުވަތަ އެ ކުންފުނިތަކުގެ އެޑްވައިޒަރުން ތައްޔާރުކޮށްފައިވާ އެއްބަސްވުންތަކަކަށް ވާއިރު، އާންމުކޮށް ބަލައިގަންނަ ބައިނަލްއަގްވާމީ މިންގަނޑުތަކަށް ފެތޭ ކަމަށާއި އޭގެ ތެރޭގައި ފިޑިކް ކޮންޓްރެކްޓް ޓެމްޕްލެޓްތައް ވެސް ހިމެނޭ. ސީއެމްސީން މި އެއްބަސްވުންތަކުގައި ސޮއިކުރީ ހެޔޮ ނިޔަތުގައި، ދެބަސްވުންތައް އުފެދޭނެ ނުވަތަ އިތުރުވާނެ ޝަރުތުތައް ހިމެނުމަށް މަސައްކަތް ކޮށްފައި ނުވާނެ،" އެ ކުންފުނިން ބުނެފައި ވެ އެވެ.

މި ޕްރޮޖެކްޓުތަކާ ގުޅިގެން ސަރުކާރާ ދެކޮޅަށް އެއްވެސް މައްސަލައެއް ހުށަހަޅާފައި ނުވާނެ ކަމަށާއި އެ ކުންފުނީގެ ވިޔަފާރި މޮޑެލް ބިނާވެފައިވަނީ ސަރުކާރުން ތުހުމަތު ކުރާ ގޮތަކަށް ނޫން ކަމަށް ސީއެމްސީން ބުނެ އެވެ.

މިވަގުތު މަސައްކަތްތައް ހުއްޓާލާފައި އޮތް ނަމަވެސް މައްސަލަތައް ހައްލުވުމާ އެކު ގިނަވެގެން 10 ދުވަހުގެ ތެރޭގައި މަސައްކަތް ފެށުމަށް އެ ކުންފުނިން ތައްޔާރަށް އޮތް ކަމަށް ވެސް ސީއެމްސީގެ ބަޔާނުގައި ބުނެފައި ވެ އެވެ.

އޭގެ އިތުރުން، އެޗްޑީސީ އަދި އެމްއެފްއެމްސީއިން ވެސް އެއްބަސްވުންތައް ބާތިލުކުރިކަން ރަސްމީކޮށް އަންގާފައި ނުވާ ކަމަށް ސީއެމްސީން ބުނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox