އާރުޑީސީއަށް ނުހެދުނު އައްޑޫގެ މަގުތައް ހަދަން އެހެން ކުންފުންޏަކާ ހަވާލުކުރަނި

ހައުސިން މިނިސްޓަރު އަބްދުﷲ މުއްތަލިބު: އައްޑޫ މަގުތައް ހެދުން ލަސްވެގެން އަންނަ މަހުގެ ތެރޭގައި ފެށޭނެ ކަމަށް މިނިސްޓަރު ވިދާޅުވި -- ފޮޓޯ: ޕީއެންސީ

ހައުސިން މިނިސްޓަރު އަބްދުﷲ މުއްތަލިބު: އައްޑޫ މަގުތައް ހެދުން ލަސްވެގެން އަންނަ މަހުގެ ތެރޭގައި ފެށޭނެ ކަމަށް މިނިސްޓަރު ވިދާޅުވި -- ފޮޓޯ: ޕީއެންސީ

އައްޑޫ ސިޓީގެ ލިންކްރޯޑާއި އެހެނިހެން މަގުތައް ޒަމާނީ ފެންވަރަށް ތަރައްގީކުރުމުގެ މަޝްރޫއު ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އަށް ކުރިއަށް ނުގެންދެވިގެން އެ މަޝްރޫއު އެހެން ކުންފުންޏަކާ ހަވާލުކުރުމަށް ނިންމާފައިވާ ކަމަށް ހައުސިން މިނިސްޓަރު ޑރ. އަބްދުﷲ މުއްތަލިބު އިއްޔެ ވިދާޅުވެއްޖެ އެވެ. 

ޕީއެންސީގެ ކޮންގްރެސްގައި މުއްތަލިބު ވިދާޅުވީ އައްޑޫ މަގުތައް ހެދުން މެޝިނަރީސް ގެނެސްގެން ވެސް އާރްޑީސީއަށް ކުރިއަށްގެންދަން ގޮންޖެހުންތައް ދިމާވުމާ ގުޅިގެން، އެ މަޝްރޫއު ކޮންޓްރެކްޓާ ފައިނޭންސް އުސޫލުން ވަރަށް ރަނގަޅު ކުންފުންޏަކާ އެންމެ ލަސްވެގެން އަންނަ ހަފުތާގެ ތެރޭގައި ހަވާލުކުރެވޭނެ ކަމަށެވެ. 

"އަޅުގަނޑުމެން މަސައްކަތްކޮށްފިން އާރްޑީސީއާ ހަވާލުކޮށްގެން މަސައްކަތް ފެށޭތޯ، އާރްޑީސީ އޮތް ހާލަތުން އެހާ ފަސޭހަ ކަމަކަށް ނުވި މެޝިނަރީސް ގެނެސްގެންވެސް އެ މަސައްކަތް ކުރިއަށް ގެންދެވޭނެ މަގެއް ސީދާ ފަހިވެގެނެއް ނުދިޔަ އަޅުގަނޑުމެންނަށް،" ކޮންގްރެސްގައި ހުށަހެޅުއްވި ޕްރެޒެންޓޭޝަންގައި މުއްތަލިބު ވިދާޅުވި އެވެ. 

"އެހެންވީމަ މިހާރު އަޅުގަނޑުމެން މި މަސައްކަތްކުރަނީ އިރާދަކުރެއްވިއްޔާ މި ހަފްތާ ނިންމާފައި، ލަސްވެގެން އަންނަ ހަފްތާ ތެރޭގައި އަޅުގަނޑުމެން ކޮންޓްރެކްޓާ ފައިނޭންސް އުސޫލުން އެ މަސައްކަތް ވަރަށް ބާރަށް ކުރިއަށްގެންދެވޭނެ ކޮންޓްރެކްޓަރަކާ އަޅުގަނޑުމެން ހަވާލުކޮށްދޭނަން. ވަރަށް ރަނގަޅަށް މަސައްކަތްކުރާ ކޮންޓްރެކްޓަރަކަށް،" މުއްތަލިބު ވިދާޅުވި 

މުއްތަލިބު ވިދާޅުވީ އަމާޒަކީ އައްޑޫ މަގުތައް ހެދުމުގެ މަސައްކަތް އަންނަ މަސް ނިމުމުގެ ކުރިން ފެށުން ކަމަށާއި އެންމެ ބޮޑު އިސްކަން ދޭނީ ލިންކްރޯޑުން ހަލާކުވެފައި އޮތްބައި ނިންމުމަށް ކަމަށެވެ. އެގޮތުން ލިންކް ރޯޑު ހަތަރު ލޭނަށް އިތުރުކޮށް ތާރުއަޅައި ނިންމުމަށްފަހު ސައިޑްވޯކްގެ މަސައްކަތް ކުރިއަށްގެންދާނެ ކަމަށް މުއްތަލިބު ވިދާޅުވި އެވެ. 

"ހަވާލުކޮށްފައި އިރާދަކުރެއްވިއްޔާމުން އަންނަ މަސް ނިމުމުގެ ކުރިން އަމަލީ މަސައްކަތް ފެށޭތޯ، އެހެންވީމަ އަޅުގަނޑުމެން ބަލާނީ ލިންކްރޯޑުގެ މަސައްކަތް ކުރުމަށް. މާނައަކީ މިހާރު އޮތްތަން، ހަލާކުވެފައި އޮތްބައި ހަތަރު ލޭނަށް ބަދަލުކޮށްފައި އެތާގައި ތާރު އަޅާފައި ދެން ހުރި ބައިގައިވެސް ތާރު އަޅާފައި ރަނގަޅަށް ހަދާނަން. އޭގެ ފަހުގައި ސައިޑްވޯކްގެ މަސައްކަތް ދާނީ. އެހެންވީމަ އެންމެ މުހިންމު ކަމަކަށްދޭނީ ލިންކް ރޯޑު ހެދުން،" މުއްތަލިބު ވިދާޅުވި އެވެ. 

އައްޑޫ ލިންކްރޯޑާއި އެހެނިހެން މަގުތައް ހެދުމުގެ މަޝްރޫއު މިދިޔަ އަހަރު ފެށޭނެ ކަމަށް ފެބްރުއަރީ 5، 2025، ގެ ރިޔާސީ ބަޔާނުގައި މުއއިްޒު ވިދާޅުވި ފަހުން އެ މަޝްރޫއު އާރްޑީސީއާ އެޕްރިލް 8، 2025 ގައި ހަވާލުކުރި އެވެ. ނަމަވެސް އަހަރު ނިމިގެންދިޔައިރުވެސް މަޝްރޫއު ފެށިފައެއް ނުވެ އެވެ. 

"އައްޑޫ ލިންކް ރޯޑާއި، އެހެނިހެން މުހިއްމު މަގުތައް، ރަނގަޅު ފެންވަރަކަށް ހެދުމުގެ މަސައްކަތް، މި އަހަރު ފެށިގެންދާނެ،" މިދިޔަ އަހަރުގެ ރިޔާސީ ބަޔާނުގައި މުއިއްޒު ވިދާޅުވި އެވެ. 

އައްޑޫ މަގުތައް ހެދުން އާރްޑީސީއާ ހަވާލުކުރީ 829 މިލިއަން ރުފިޔާއަށް، 11 މަހުގެ ތެރޭގައި ނިންމާ ގޮތަށެވެ. އެ މަޝްރޫއުގެ ދަށުން ލިންކްރޯޑުގެ  67.58 ކިލޯމީޓަރުގެ ސީޓީބީ އަޅާފައިވާ މަގުތަކުގައި ތާރުއެޅުމާއި ފޭދޫގައި ފެންހިންދާ ނިޒާމު ގާއިމްކުރުމާއި މަގުމަތީގައި ނިޝާންތައް ހަދައި ބޯޑު ހަރުކުރަން އޮތީ ރާވާފަ އެވެ. 

މި މަޝްރޫއު ކޮންޓްރެކްޓާ ފައިނޭންސް އުސޫލުން ދެން ހަވާލުކުރާނީ ކޮން ކުންފުންޏަކާ ކަމެއް ސަރުކާރުން މިހާތަނަށް ހާމަކޮށްފައެއް ނުވެ އެވެ. އައްޑޫގެ ލިންކްރޯޑުގެ ބޮޑުބައެއް ހަލާކުވެފައިވާތީ އެކަމާގުޅިގެން ރައްޔިތުން އަންނަނީ ވަރަށް ބޮޑަށް ސަރުކާރަށް ފާޑުކިޔަމުންނެވެ. 

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox