އޭދަފުށީ މަގުތަކުގައި ތާރު އެޅުމުގެ މަސައްކަތް، ތާރު އެޅުމުގެ "ގާބިލުކަން ނެތް" އާރުޑީސީއަށް

އޭދަފުށީގެ މަގުތައް ހެދުމުގެ މަޝްރޫއުގައި ސޮއިކުރުމުގެ ރަސްމިއްޔާތުގެ ތެރެއިން: މި މަސައްކަތް ހަވާލުކުރި އާރުޑީސީއާ އެހެން ރަށްރަށުގައި ވެސް ތާރުއަޅަން ގިނަ ޕްރޮޖެކްޓުތަކަށް ހަވާލުކޮށްފައިވޭ -- ފޮޓޯ: އިންފްރާސްޓްރަކްޗާ މިނިސްޓްރީ

އޭދަފުށީގެ މަގުތައް ހެދުމުގެ މަޝްރޫއުގައި ސޮއިކުރުމުގެ ރަސްމިއްޔާތުގެ ތެރެއިން: މި މަސައްކަތް ހަވާލުކުރި އާރުޑީސީއާ އެހެން ރަށްރަށުގައި ވެސް ތާރުއަޅަން ގިނަ ޕްރޮޖެކްޓުތަކަށް ހަވާލުކޮށްފައިވޭ -- ފޮޓޯ: އިންފްރާސްޓްރަކްޗާ މިނިސްޓްރީ

ބ. އޭދަފުށީގެ މަގުތައް ތަރައްގީކުރުމުގެ ދެވަނަ ފިޔަވަހީގެ ދަށުން 5.3 ކިލޯމީޓަރުގެ މަގުގައި ތާރު އެޅުމުގެ މަސައްކަތް، ތާރު އެޅުމުގެ ގާބިލުކަން ނެތް ރޯޑު ޑިވެލޮޕްމެންޓް ކޯޕަރޭޝަން (އާރުޑީސީ) އާ އިއްޔެ ހަވާލުކޮށްފި އެވެ.

އިންފްރާސްޓްރަކްޗާ މިނިސްޓްރީ ހުންނަ ދަރުބާރުގޭގައި ބޭއްވި ރަސްމިއްޔާތެއްގައި، އެ މަޝްރޫއުގެ އެއްބަސްވުމުގައި ސަރުކާރުގެ ފަރާތުން ސޮއި ކުރެއްވީ އެ މިނިސްޓްރީގެ ސްޓޭޓް މިނިސްޓަރު، ހަސަން ރަޝީދު އެވެ. އާރުޑީސީގެ ފަރާތުން އެއްބަސްވުމުގައި ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރު، އަލީ ޒުހައިރު އެވެ.

މި އެއްބަސްވުމުގެ ދަށުން އޭދަފުށީގެ 5.3 ކިލޯމީޓަރުގެ މަގުގައި ތާރު އެޅުމުގެ އިތުރުން ދުވާރުތައް ހެދުމާއި ފެން ހިންދާ ނިޒާމެއް ގާއިމު ކުރުން އަދި ރޯޑް މާކްސް އާއި ސައިން ބޯޑުތައް ހަރުކުރުމުގެ މަސައްކަތް އާރުޑީސީން ކުރަންޖެހޭނެ އެވެ. މި މަޝްރޫއުގެ ޖުމްލަ އަގަކީ 75.6 މިލިއަން ރުފިޔާ އެވެ.

އާރުޑީސީއާ މި މަސައްކަތް ހަވާލުކުރިިއިރު، ނިމުނު ހަފުތާގެ ތެރޭގައި ރައްޔިތުންގެ މަޖިލީހަށް ހާޒިރުވެވަޑައިގެން މެންބަރުން ކުރެއްވި ސުވާލުތަކަށް ޖަވާބުދެއްވަމުން އިންފްރާސްޓްރަކްޗާ މިނިސްޓަރު، އަބްދުالله މުއްތަލިބު ވަނީ ތާރު އެޅުމުގެ ގާބިލުކަން އާރުޑީސީގައި ނެތް ކަމަށް ވިދާޅުވެފަ އެވެ.

އޭނާ ވިދާޅުވީ ތިމަރަފުށީގެ މަގު ހެދުމުގެ މަސައްކަތް ހުއްޓިފައި އޮތީ އާރުޑީސީގައި ތާރު އެޅުމުގެ ގާބިލުކަން ނެތުމުން ކަމަށެވެ.

"މިހާރު އާރުޑީސީން [ތިމަރަފުށީގެ މަގު ހެދުމުގެ] އެ މަސައްކަތްކޮށް ތާރު އެޅުމާ ހަމައަށް ގެންގޮސްފައި އޮތީ، ދެން އާރުޑީސީން މި ވަގުތު އަމިއްލައަށް ތާރު އެޅުމުގެ ކެޕޭސިޓީއެއް ނެތުމާ އެއްކޮށް ތާރު އެޅުމުގެ މަސައްކަތް ނުފެށި އޮތީ، އެއަށް ހައްލެއް ލިބޭތޯ އަޅުގަނޑުމެން އާރުޑީސީއާ އެއްކޮށް މަސައްކަތްތަކެއް ކުރަމުން މިދަނީ، އެހެން ކޮންޓްރެކްޓަރެއް ލައްވައި ވެސް ތާރު އެޅުމުގެ މަސައްކަތް ފެށޭތޯ،" މުއްތަލިބު ވިދާޅުވި އެވެ.

ގާބިލުކަން ނެތް ކުންފުންޏަކަށް ތާރު އެޅުމުގެ މަޝްރޫއުއެއް ހަވާލުކުރި ސަބަބެއް ސަރުކާރުން ހާމައެއް ނުކުރެ އެވެ. އެކަމާ ގުޅޭގޮތުން ބަހެއް ހޯދުމަށް މިނިސްޓަރު މުއްތަލިބަށް ތަކުރާރުކޮށް ގުޅުމުން ވެސް ފޯނަށް ޖަވާބެއް ނުދެއްވަ އެވެ.

އާރުޑީސީއަކީ މަގު ހެދުމުގެ މަސައްކަތަށް ހާއްސަކޮށްގެން ސަރުކާރުގެ ސައްތައިންސައްތަ ހިއްސާވެގެން އުފެއްދި ކުންފުންޏެކެވެ. އެކަމަކު މިހާތަނަށް އެ ކުންފުނިން ކުރި މަސައްކަތްތަކުގެ ކޮލިޓީއާ ގިނަ ކަންބޮޑުވުންތަކެއް އެބަހުއްޓެވެ. އަދި އެ ކުންފުނި އުފެއްދި ދާއިރާއިން ބޭރުން ރަށްރަށުގެ ފުޓުސަލް ދަނޑުތަކާއި އެހެނިހެން މަސައްކަތް ހަވާލުކުރުމުން ކުންފުންޏަށް ނުކަތާ ވަރަށް މަސައްކަތްތައް ހަވާލުކުރުމާ ގުޅިގެން ވެސް ކުންފުނީގެ މަސައްކަތްތަކަށް ބުރޫއެރި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox