ސަރުކާރުން ބޭނުންވާ ގޮތަށް ގާނޫނުއަސާސީ ބަދަލުކުރަން ރައްޔިތުން "ހޭލުންތެރި" ކުރަނީ

ރިޔާސީ ކެމްޕޭނުގެ ތެރެއިން ރައީސް މުއިއްޒު ރަށަކަށް ވަޑައިގެން ސަޕޯޓަރުންނާ ސަލާމް ކުރައްވަނީ: އެމަނިކުފާނު ބޭނުންވާ ގޮތަށް ގާނޫނުއަސާސީ ބަދަލުކުރަން ސަރުކާރުން ރައްޔިތުން 'ހޭލުންތެރި' ކުރަން މަސައްކަތް ކުރާނެ ކަމަށް ރައީސް މިއަދު ވިދާޅުވި --- ފޮޓޯ: އަދަދު

ރިޔާސީ ކެމްޕޭނުގެ ތެރެއިން ރައީސް މުއިއްޒު ރަށަކަށް ވަޑައިގެން ސަޕޯޓަރުންނާ ސަލާމް ކުރައްވަނީ: އެމަނިކުފާނު ބޭނުންވާ ގޮތަށް ގާނޫނުއަސާސީ ބަދަލުކުރަން ސަރުކާރުން ރައްޔިތުން 'ހޭލުންތެރި' ކުރަން މަސައްކަތް ކުރާނެ ކަމަށް ރައީސް މިއަދު ވިދާޅުވި --- ފޮޓޯ: އަދަދު

ގާނޫނުއަސާސީއަށް އެމަނިކުފާނު ހުށަހަޅުއްވާ ބަދަލުތައް ގެނައުމަށް ރައްޔިތުންގެ ފެންނަ ނުފެންނަ ވޯޓަކަށް ދިޔުމުގެ ކުރިން ސަރުކާރުން އިސްނަގައިގެން 'ހޭލުންތެރިކަމުގެ' ކެމްޕޭނެއް ކުރިއަށް ގެންދާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ މިއަދު އެވެ.

ރައީސް މުއިއްޒު މިހެން ވިދާޅުވީ އެމަނިކުފާނުގެ ޕޮޑްކާސްޓުގެ ހަ ވަނަ އެޕިސޯޑުގައި ވާހަކަދައްކަވަމުންނެވެ. މި އެޕިސޯޑުގައި އެމަނިކުފާނު މައިގަނޑު ގޮތެއްގައި ދެއްކެވީ ގާނޫނުއަސާސީއަށް ގެންނަ މައިގަނޑު ބަދަލުތަކުގެ ވާހަކަ އެވެ.

އެގޮތުން މި އަހަރު ނަގާނެ ކަމަށް ބުނާ ފެންނަ ނުފެންނަ ވޯޓުގެ ކުރިން ރައްޔިތުން ހޭލުންތެރި ކުރުވުމަކީ ސަރުކާރުން ކުރާނެ ކަމެއް ކަމަށް ރައީސް ވިދާޅުވި އެވެ. އެކަމުގައި ދައުލަތުގެ މުއައްސަސާތައް ބައިވެރިވާނެ ކަމުގެ އިޝާރާތެއް ވެސް ރައީސް ދެއްވި އެވެ.

"އާދެ، ރައްޔިތުން ހޭލުންތެރިކުރުވުމަށް ހަމަ ސަރުކާރުން ވަރަށް އިސްނަގައިގެން ޕްރޮގްރާމްތަކެއް ހިންގާނަން. އަދި އަޅުގަނޑު އުންމީދު ކުރަން، ރައްޔިތުންގެ މަޖިލީހުން ވެސް އަދި ޖުމްލަކޮށް ހަމަ ހުރިހާ މުއައްސަސާތަކުން ވެސް މީގައި އެ ބޭފުޅުންގެ ދައުރު އަދާކުރައްވާނެ ކަމަށް،" ރައީސް ވިދާޅުވި އެވެ.

މީގެ އިތުރުން، މި ބަދަލުތައް ގެނައުމަށް ނަގާ ރައްޔިތުންގެ ފެންނަ ނުފެންނަ ވޯޓުގައި ހިމެނެނީ ރައްޔިތުންނަށް ވަރަށް މުހިންމު ހައްގުތަކެއްގެ ވާހަކަ ކަމަށް ވެސް ރައީސް ވިދާޅުވި އެވެ.

"ރައްޔިތުން އިތުރަށް ބާރުވެރިކުރުވާ ވާހަކަ މި ދައްކަނީ. އެހެންވީމާ، އެކަމުގައި ހަމަ ރައްޔިތުން ހޭލުންތެރިކުރުވުމަކީ، އަޅުގަނޑުމެން ކުރާނެ ކަމެއް،" އެމަނިކުފާނު ވިދާޅުވި އެވެ.

ގާނޫނުއަސާސީއަށް ގެންނަ ބަދަލުތަކުގެ ތެރޭގައި ރިޔާސީ އިންތިހާބާއި ރައްޔިތުންގެ މަޖިލިސް އިންތިހާބު އެއްކޮށްލުމާއި ރިޔާސީ އިންތިހާބުގެ ދެވަނަ ބުރު އުވާލާ ރިޔާސީ އިންތިހާބުގެ ވޯޓުލުން ޕްރެފެރެންޝަލް ސިސްޓަމަކަށް ބަދަލުކުރުމުގެ އިތުރުން މަޖިލީހުގެ މެންބަރުންގެ އަދަދު ހިފެހެއްޓުމާއި ލޯކަލް ކައުންސިލްތަކުގެ މެންބަރުންގެ އަދަދަށް ގެންނަ ބަދަލުތައް ހިމެނެ އެވެ.

ރައީސް މުއިއްޒު މީގެ ކުރިން ވިދާޅުވެފައިވަނީ ރައްޔިތުންގެ ނުފެންނަ ވޯޓު މި އަހަރުގެ ތެރޭ ނަންގަވާނެ ކަމަށެވެ. މި ވޯޓާ ގުޅޭގޮތުން ރައްޔިތުންގެ މަޖިލީހުގެ ދެވަނަ ދައުރުގައި ގާނޫނެއް އެކުލަވާލާނެ ކަމަށް ރައީސް މިއަދު ވިދާޅުވި އެވެ. ނަމަވެސް ވޯޓު ބާއްވާނެ ވަކި ތާރީހެއް އެމަނިކުފާނު ހާމައެއް ނުކުރައްވަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox