ޓެރަރިޒަމްގެ ބޮޑު އޮޕަރޭޝަނެއް ހިންގުމަށް ފަހު އެއްވެސް މައުލޫމާތެއް ނެތް

Mar 23, 2025, 6:37 AM
ސަލާމަތީ ބާރުތަކުން ހިންގި އޮޕަރޭޝަނުގައި މާލޭގައި ހުރި ގެއެއް ބަލައިފާސްކުރަނީ: ފުލުހުން އެ ރޭ ބުނި ގޮތުގައި އެހާތަނަށް އެ އޮޕަރޭޝަނުގެ ދަށުން ހައްޔަރުކުރީ ތިން މީހުން -- ފޮޓޯ: މިރާޝް ނާޝިމް/އަދަދު

ސަލާމަތީ ބާރުތަކުން ހިންގި އޮޕަރޭޝަނުގައި މާލޭގައި ހުރި ގެއެއް ބަލައިފާސްކުރަނީ: ފުލުހުން އެ ރޭ ބުނި ގޮތުގައި އެހާތަނަށް އެ އޮޕަރޭޝަނުގެ ދަށުން ހައްޔަރުކުރީ ތިން މީހުން -- ފޮޓޯ: މިރާޝް ނާޝިމް/އަދަދު

ގައުމީ ސަލާމަތާ ގުޅޭ ޓެރަރިޒަމްގެ ބޮޑު އޮޕަރޭޝަނެއް ހިންގިތާ ދެ ހަފުތާ ވާން ގާތްވީއިރު, އެ އޮޕަރޭޝަނާ ގުޅޭ އެއްވެސް މައުލޫމާތެއް ފުލުހުންނާއި ސިފައިން ވެސް ހާމަނުކުރި އެވެ.

ސަލާމަތީ ބާރުތަކުން މި އޮޕަރޭޝަން ހިންގީ ފުލުހުންގެ އިންޓެލިޖެންސަށް ޓެރަރިޒަމްގެ އަމަލެއް ހިންގަން އުޅޭ ކަމުގެ މައުލޫމާތު ލިބިގެން ކަމަށް ބުނެ އެވެ. އެ އޮޕަރޭޝަނުގައި މާލެ އާއި ހުޅުމާލޭން ތަންތަން ބަލައިފާސްކޮށް ތިން މީހަކު ފުލުހުންގެ ބެލުމުގެ ދަށަށް ގެންދިޔަ އެވެ.

މި އޮޕަރޭޝަނުގެ ދަށުން އެންމެ ފުރަތަމަ ބަލައި ފާސްކުރީ ޖުމްހޫރި މައިދާން ސަރަހައްދުން ދިޔަ ލޮރީތަކެކެވެ. ހައްޔަރުކުރި އެކަކަކީ މި ތަނުން އެއް ލޮރީ ދުއްވަން ހުރި މީހާ ކަން އެ ރޭ އެއްކުރި މައުލޫމާތުން ވަނީ ދެނެގަނެވިފަ އެވެ.

ސަލާމާތީ ބާރުތަކުން ބަލައިފާސްކުރި އެހެން ތަންތަނުގެ ތެރޭގައި ހިމެެނެނީ ވިނަރެސް ފްލެޓަކާއި ޝަބްނަމް މަގުގައި ހުރި ގެއަކާއި ހެންވޭރު ރާޅުގަނޑު ސަރަހައްދުގައި ހުރި ގެއެއްގެ އިތުރުން ހުޅުމާލެ ފޭސް ދޭކައި އެއްވެފައި އޮންނަ ފަރުކޮޅުފުށި ސަރަހައްދެވެ.

މި އޮޕަރޭޝަން ހިންގި ދުވަހު ފުލުހުން ނެރުނު ކުރި ބަޔާނެއްގައި ބުނީ, އޮޕަރޭޝަން ކުރިއަށް ދިޔަ މިންވަރަކުން, މި އޮޕަރޭޝަނާ ގުޅޭ އިތުރު މައުލޫމާތު, ހާމަކުރެވެން ހުރި މިންވަރަކުން އާންމުކުރަމުން ގެންދާނެ ކަމަށެވެ. ނަމަވެސް އެ ފަހުން މި އޮޕަރޭޝަނާ ގުޅޭ އެއްވެސް މައުލޫމާތެއް ފުލުހުން ހާމަނުކުރެ އެވެ.

މި ފަހަކަށް އައިސް ފުލުހުން އަމަލުކުރަމުން އަންނަ އުސޫލުގެ ދަށުން ބޮޑެތި ކުށްތަކުގައި ހައްޔަރުކުރާ މީހުންގެ ވަނަވަރު ހާމަކޮށް, އެ މީހުންނަށް ތުހުމަތުކުރެވޭ މައްސަލައިގެ ބައެއް ތަފުސީލުތައް އާންމުކުރެ އެވެ. ނަމަވެސް މި މައްސަލައިގައި އެ ގޮތަށް އަމަލުކޮށްފައި ނުވަނީ ކީއްވެގެން ކަމެއް ނޭނގެ އެވެ.

މިކަމާ ގުޅޭ އިތުރު މައުލޫމާތު ހޯދަން ފުލުހުންގެ މީޑިއާ އޮފިޝަލަށް ގުޅުމުން ފޯނަށް ޖަވާބު ނުދެއްވާތީ, ފުލުހުންގެ ބަހެއް ނުލިބުނެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox