ބާޒާރުގައި ކުރުނބާ އަގު ހެޔޮވެ، ފުޅިއެއް 120ރ. އަށް ވެއްޓިއްޖެ

ބާޒާރުގައި މީހަކު ކުރުނބާ ފުޅިއަށް އަޅަން ތައްޔާރުކުރަނީ: ކުރުނބާ ފުޅިއެއް މިއަދު 120ރ. އަށް ލިބެން އެބަހުރި -- ފޮޓޯ: އަދަދު ފައިލް

ބާޒާރުގައި މީހަކު ކުރުނބާ ފުޅިއަށް އަޅަން ތައްޔާރުކުރަނީ: ކުރުނބާ ފުޅިއެއް މިއަދު 120ރ. އަށް ލިބެން އެބަހުރި -- ފޮޓޯ: އަދަދު ފައިލް

މާލޭ ދަތުރުވެރިންގެ މާރުކޭޓުގައި ކުރުނބާ އަގުހެޔޮވެ، ރޯދަ މަސް ފެށުނު ފަހުން ފުރަތަމަ ފަހަރަށް ފުޅިއެއްގެ އަގު 120ރ. އަށް ވެއްޓިއްޖެ އެވެ.

މި ރޯދަ މަސް ފެށުނުއިރު ވެސް ކުރުނބާ ފުޅިއެއްގެ އަގު ހުރީ 150ރ. އަށްވުރެ މަތީގަ އެވެ. ތިންވަނަ ރޯދައާ ހިސާބުން 180ރ. އަށް ވެސް ކުރުނބާ ފުޅިއެއްގެ އަގު އުފުލުނެވެ. ނަމަވެސް މަޑުމަޑުން ކުރުނބާ ފުޅީގެ އަގު ދަށްވެ މިއަދު ފުޅިއެއް 120ރ. އަށް ލިބެން އެބަހުއްޓެވެ.

ބާޒާރުގައި ކުރުނބައެއް ވަކިން މިއަދު ލިބެން ހުރީ 20ރ. އާއި 35ރ. އާ ދެމެދު އެވެ. ރޯދަ މަސް ފެށުނު މަހުން އެންމެ އަގުހެޔޮކޮށް ކުރުނބައެއް ލިބުނީ 35ރ. އަށެވެ. އަދި ކުރުނބައެއްގެ އަގު 50ރ. އާއި 60ރ. އަށް ވެސް އެރިކަން ފާހަގަކުރެވެ އެވެ.

ކަނޑޫދޫ މިރުހާއި ލ. އަތޮޅު މިރުސް ރޯދަ މަސް ފެށުނު ފަހުން ފުރަތަމަ ފަހަރަށް 10ރ. އާއި 15ރ. އަށް 100 ގްރާމު މިއަދު ދަނީ ވިއްކަމުންނެވެ. ރޯދަ މަސް ފެށުނުއިރު މިރުހުގެ 100 ގްރާމު ލިބެން ހުރީ 20ރ. އާއި 25ރ. އާ ދެމެދުގަ އެވެ.

ބާޒާރުގައި މިއަދު އަނެއްކާ ވެސް އަގު އަރައިގެން ގޮސްފައި ވަނީ ލެޓިއުސްގެ އެވެ. އެގޮތުން 40ރ. އާއި 50ރ. އަށް މިދިޔަ ހަފްތާ ނިމެން ދިޔައިރު ލިބުނު ލެޓިއުސް ކިލޯއެއް މިއަދު ލިބެން ހުރީ 80ރ. އާއި 100ރ. އާ ދެމެދުގަ އެވެ.

ބާޒާރުގައި ހުރި އެހެން ބާވަތްތަކަށް ބަލާއިރު އެހެން ދުވަހެކޭ ވެސް އެއް ފަދައިން އަގުތައް ހުރީ ގާތްގަނޑަކަށް އެއް މިންވަރެއްގައި ހިފެހެއްޓިފަ އެވެ. އަދި މަސް މާރުކޭޓުގައި ކަނޑު މަސް އަދި ކަންނެލި ކިލޯއެއް މިއަދު ވެސް ލިބެން ހުރީ 30ރ. އާއި 35ރ. އާ ދެމެދުގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox