އެލް މޯބައިލްގެ ފަރާތުން، އެޕަލްގެ އުފެއްދުންތަކަށް ހާއްސަ "އެޕަލް މޮނޯ ސްޓޯރު" ހުޅުވައިފިއެވެ. މަޖީދީމަގުގައި ހުޅުވި މި ފްލެގްޝިޕް ސްޓޯރު ހުޅުވައިދެއްވީ ރާއްޖޭގެ މަޝްހޫރު ފުޓްބޯޅަ ލެޖެންޑް މޫސާ މަނިކު (ކުޑަމޫސަ) އެވެ.
ބުރާސްފަތި ދުވަހުގެ ރޭ ހުޅުވި މި އާ ފިހާރަ ހުޅުވުމުގެ އުފަލުގައި އެލް މޯބައިލްއިން ވަނީ ވަރަށް ހާއްސަ ޕްރޮމޯޝަނެއް ފަށައިފަ އެވެ. މާޗު 5 އިން ފެށިގެން 10 ވަނަ ދުވަހުގެ ނިޔަލަށް، ނުވަތަ ސްޓޮކް ހުސްވަންދެން ކުރިއަށްދާ މި ޕްރޮމޯޝަންގައި، އައިފޯން 17 ގަންނަ ކޮންމެ ކަސްޓަމަރަކަށް އަގުހުރި ހަދިޔާތަކެއް ލިބޭނެއެވެ.
އޭގެ ތެރޭގައި އެއާޕޮޑްސް 4، ސްކްރީން ގާޑް، ނުވަތަ 20W އެޑަޕްޓަރެއް ހިމެނެއެވެ. މީގެ އިތުރުން، ކުރީގެ ފޯނު ބަދަލުކުރަން ބޭނުންވާ ފަރާތްތަކަށް 1,000 ރުފިޔާގެ ޓްރޭޑިން ބޯނަސްއެއް ލިބޭނެ އެވެ.
ދަރިވަރުންނަށާއި ޕްރޮފެޝަނަލުންނަށް ހާއްސަކޮށްގެން، މެކްބުކް ޕްރޯ އަދި އައިޕެޑް ޕްރޯ އިން 8 ޕަސެންޓުގެ ޑިސްކައުންޓެއް ލިބޭނެއެވެ. އަދި މެކްބުކް ބައްލަވައިގަންނަވާ ފަރާތްތަކަށް ހިލޭ މަލްޓިޕޯޓް ޔޫއެސްބީ އެޑަޕްޓަރު ހަބެއް ވެސް ލިބިގެންދާނެއެވެ.
އެލް މޯބައިލްގެ އަމާޒަކީ އެޕަލްގެ އަސްލު އުފެއްދުންތައް ލިބޭނެ މަގު ފަހިކޮށް، އެ އުފެއްދުންތަކަށް ވޮރަންޓީ ވެސް ދިނުމެވެ. އޭރުން އެޕަލްގެ އަސްލު އުފެއްދުންތައް ބޭނުންކުރުމުގެ ފުރިހަމަ ހިތްހަމަޖެހުން ލިބޭނެ އެވެ.
އެލް މޯބައިލްގެ މި ހާއްސަ އޮފާތަކުގެ ބޭނުން ހިފުމަށް، މާޗު 10 ގެ ކުރިން "އެޕަލް މޮނޯ ސްޓޯރު" އަށް ޒިޔާރަތްކޮށްލާށެވެ.
