ރާއްޖޭގައި ފުޅާދާއިރާއެއްގައި އިލެކްޓްރޯނިކްސް އަދި ހޯމް އެޕްލަޔަންސްގެ ހިދުމަތް ދެމުން އަންނަ ރެފްކޫލްގެ "ރޯދަ ސޭލް 2026" ވަރަށް ފޯރިއާއެކު ކުރިއަށް އެބަދެއެވެ.
ކަސްޓަމަރުންގެ ބޮޑު ތަރުހީބެއް ލިބެމުންދާ މި ޕްރޮމޯޝަން ނިމޭނީ މި މަހުގެ 26 ނިޔަލަށެވެ،
ޕްރޮމޯޝަން ކުރިއަށްދަނީ ރެފްކޫލްގެ ތިން އައުޓްލެޓެއްގައެވެ. އެއީ މާލޭގެ ފަރީދީ މަގުގައި ހުންނަ ރެފްކޫލް ފިހާރައިގެ އިތުރުން، ސޯސަން މަގުގައި ހުންނަ ލެޓްސްކޫލް އަދި ހުޅުމާލޭ ނިރޮޅު މަގުގައި ހުންނަ ލެޓްސްކޫލް ފިހާރައިގައެވެ.
މިތަންތަނުން ކުރާ ވިޔަފާރީގެ ކޮންމެ 500ރ. އަކަށް ކޫޕަނެއް ލިބޭ މި ޕްރޮމޯޝަނަކީ އަގުހުރި އިނާމުތަކެއް ހޯދުމަށް ކަސްޓަމަރުންނަށް ލިބޭ ރަނގަޅު ފުރުސަތެކެވެ.
މި އަހަރުގެ ސޭލްގެ އެންމެ ހާއްސަ އިނާމަކީ ނަސީބުވެރި އެކަކަށް ލިބޭ އުމްރާ ދަތުރެވެ. ދެވަނަ އިނާމުގެ ގޮތުގައި ހޮވޭ ދެ ނަސީބުވެރިންނަށް 82 އިންޗީގެ ޖޭއޭވީ (JAV) އެންޑްރޮއިޑް ސްމާޓް ޓީވީ އަކާއި 8 ކިލޯގެ LG ދޮންނަ މެޝިނެއް ލިބޭނެ އެވެ. ތިންވަނަ އިނާމުގެ ގޮތުގައި 10 ނަސީބުވެރިންނަށް 55 އިންޗީގެ 5 ޓީވީ އާއި 5 އިލެކްޓްރިކް އަވަން ދިނުމަށް ވަނީ ހަމަޖެހިފައެވެ.
ރެފްކޫލްގެ މާކެޓިންގް މެނޭޖަރު ވިދާޅުވީ ރޯދަމަހަކީ އާއިލާތަކަށް ވަރަށް ހާއްސަ މަހެއް ކަމުން، ކަސްޓަމަރުންނަށް މާނަހުރި ހަދިޔާއެއް ދިނުމަށް އުމްރާ ދަތުރެއް ގްރޭންޑް ޕްރައިޒްގެ ގޮތުގައި ހިމެނީ ކަމަށެވެ. އަދި އެހެނިހެން އިނާމުތަކަކީ ވެސް ގޭތެރެއަށް ބޭނުންތެރި، އަގުހުރި ތަކެތިކަން އޭނާ ފާހަގަ ކުރެއްވިއެވެ.
