އެފްއެސްއެމް ވައްކަން: ބޯޓު ކައްޕިއެއްގެ އެކައުންޓުގައި 21 މިލިއަން ރުފިޔާ ދައުރުކޮށްފަ

އެފްއެސްއެމް ވައްކަން: ބޯޓު ކައްޕިއެއްގެ އެކައުންޓުގައި 21 މިލިއަން ރުފިޔާ ދައުރުކޮށްފަ

ދައުލަތާއި އާންމުން ހިއްސާވާ ވިޔަފާރި ކުންފުނި, އެސްޓީއޯގެ ސަބްސިޑަރީ، ފިއުލް ސަޕްލައިސް މޯލްޑިވްސް (އެފްއެސްއެމް) ގެ ތެޔޮ ވަގަށް ނަގައިގެން ވިއްކި މައްސަލައިގައި ތުހުމަތުކުރެވޭ އެކެއްގެ ބޭންކު އެކައުންޓުގައި 21 މިލިއަން ރުފިޔާ ދައުރުކޮށްފައިވާ ކަމަށް "އަދަދު" އަށް މައުލޫމާތު ލިބިއްޖެ އެވެ.

އެފްއެސްއެމް ތެލުގެ ވައްކަމުގެ މައްސަލަ ފުލުހުން ތަހުގީގު ކުރަން ފެށީ މިދިޔަ އަހަރުގެ ފަހުކޮޅެވެ. އެކަން ހާމަކުރަމުން ހޯމް މިނިސްޓަަރު އަލީ އިހުސާން ވިދާޅުވީ, މި މައްސަލަ ބަލަމުންދާ ހާއްސަ ފުލުހުންގެ ޓީމަކުން އެހާތަނަށް 10 މީހަކާއި ދެ ގެއަކާއި ތެޔޮ އުފުލާ ދެ ބާޖެއް ބަލައި ފާސްކޮށްފައިވާ ކަމަށެވެ.

ފުލުހުންގެ ރެއިޑުތަކުގައި މައްސަލައާ ގުޅުންހުރި އިލެކްޓްރޯނިކް ސާމާނާއި ލިޔެކިޔުންތަކެއް ހޯދާފައިވާ ކަމަށް ވެސް އިހުސާން އޭރު ވިދާޅުވި އެވެ.

ފުލުހުންގެ ތަހުގީގުގައި މައްސަލަ ބަލަމުންދާ އެކަކީ, އެފްއެސްއެމްގެ ތެޔޮ ބާޖެއްގެ ކައްޕި އެވެ. ތަހުގީގު ކުރިއަށް ދާތީ, ނަން ނުޖަހާ ގޮތަށް މި ނޫހަށް މައުލޫމާތު ދިން މަސްދަރުތަކުން ބުނީ, މަހު މުސާރައަށް 35,000ރ. ލިބޭ އެ މީހާގެ އެކައުންޓުގައި ކުރު މުއްދަތެއްގެ ތެރޭގައި 21 މިލިއަނަށް ވުރެ ގިނަ ރުފިޔާ ދައުރުކޮށްފައިވާ ކަމަށެވެ.

މިއީ އެ މީހާއަށް އަހަރެއްގެ ތެރޭގައި މުސާރައިގެ ގޮތުގައި ލިބޭ 420,000ރ. އަށް ވުރެ 50 ގުނަ އިތުރު އަދަދެކެވެ. ތެޔޮ ވިއްކައިގެން ލިބުނު ފައިސާގެ ބޭނުންކޮށްގެން އެ މީހާ އަގު ބޮޑު މުދާ ގަނެފައިވާ ކަމަށް ވެސް މައުލޫމާތު ދިން މީހުން ބުންޏެވެ.

އޭގެ ތެރޭގައި އެސްޓީއޯ މުވައްޒަފުންނަށް ތަރައްގީކުރި ފްލެޓުން އެޕާޓުމަންޓެއް ވެސް ހިމެނެ އެވެ. މި އެޕާޓުމަންޓަށް 1.8 މިލިއަން ރުފިޔާ އޭނާ ދެއްކީ އެކީ އެއްފަހަރާ ނަގުދު ފައިސާއިން ކަމަށް ވެސް މައުލޫމާތު ދިން މީހާ ބުންޏެވެ.

މައްސަލައިގެ ތަހުގީގަށް އޭނާގެ އިލެކްޓްރޯނިކް ޑިވައިސްތަކުގެ އިތުރުން އޭނާއާ އާއިލީ ގޮތުން ގުޅުން ހުރި ބައެއް މީހުންގެ ޑިވައިސްތައް ވެސް ފުލުހުންގެ ބެލުމުގެ ދަށަށް ވަނީ ގެންގޮސްފަ އެވެ.

އެފްއެސްއެމް ތެލުގެ ވައްކަމުގެ މައްސަލަ ފުލުހުން ތަހުގީގުކުރަމުން އަންނައިރު, ރައްޔިތުންގެ މަޖިލީހުން ވެސް ވަނީ އެ މައްސަލައިގެ މައުލޫމާތު ސާފުކުރަން އެސްޓީއޯގެ ވެރިން ހާޒިރުކޮށްފަ އެވެ. ނަމަވެސް އެ ކޮމިޓީ ބައްދަލުވުން ސިއްރުކުރުމުން މަޝްވަރާކުރި ކަންކަމުގެ މައުލޫމާތެއް ނުލިބެ އެވެ.

މި މައްސަލަ އަށް ފަހު އެފްއެސްއެމްއިން ގިނަ އަދަދެއްގެ މުވައްޒަފުންތަކެއް ވަކިކޮށްފައިވެ އެވެ. އަދި އެފްއެސްއެމްގެ މެނޭޖަރަކަށް އޭރު ހުންނެވި އިސްމާއީލް ސުހައިލް ވަކިކުރަން ނިންމާފައި ވަނިކޮށް، އޭނާ މަގާމުން އިސްތިއުފާ ދިނެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox