ހުޅުމާލޭގެ ސްޕާއެއްގައި މަސައްކަތްކުރާ ބިދޭސީ އަންހެނެއްގެ ގައިގައި ކަޓަރު އަޅައިފި އެވެ.
ފުލުހުން ބުނީ ރޭ އެފަދަ ހާދިސާއެއް ހިނގި ކަމުގެ މައުލޫމާތު ލިބިފައިވާ ކަމަށެވެ. ކަޓަރު އެޅުމަށް ފަހު ބިރު ދައްކައިގެން ފައިސާ ފޭރުނު ކަމަށް ވެސް ފުލުހުން ބުންޏެވެ.
"ރޭ ފަތިހު ވަގުތެއްގައި ހުޅުމާލެ ފޭސް އެކެއްގައި ސްޕާއެއްގައި މަސައްކަތް ކުރާ ބިދޭސީ އަންހެނެއްގެ ގައިގައި ކަޓަރު އަޅައި ބިރު ދައްކައިގެން ފައިސާ ފޭރުނު މައްސަލަ ފުލުހުން ދަނީ ތަހުގީގު ކުރަމުން،" މީޑިއާތަކަށް ފުލުހުން ފޮނުވި މެސެޖުގައިވެ އެވެ.
މި މައްސަލާގައި ފުލުހުން އަދި މީހަކު ހައްޔަރެއް ނުކުރެ އެވެ.
ސްޕާތަކުގައި ބިދޭސީން ބޭނުންކޮށްގެން ހަށިވިއްކުމާއި ބިރު ދެއްކުމާއި، ހަށި ވިއްކާ ކަމަށް ބުނެ މީހުން ގެނެސް ފައިސާ ފޭރޭ މައްސަލަތައް އަންނަނީ މި ފަހުން އިތުރުވަމުންނެވެ.
މި ގޮތަށް ރާއްޖެއަށް ބިދޭސީ އަންހެނުން ގެނެސްގެން ހަށި ވިއްކާ ނެޓުވޯކެއް ވެސް މި ފަހުން އަތުލައިގެންފައިވެ އެވެ. އޭގެ ފަހަތުގައި އުޅުނީ ދިވެއްސަކާ ކައިވެނިކޮށްގެން އުޅުނު ބިދޭސީ ފިރިިހެނެއް ކަމަށް ހޯމްލޭންޑް މިނިސްޓްރީން ބުނެފައިވެ އެވެ.
