އަމީނީ މަގުގައި ހުންނަ ފުރުގާން މިސްކިތު ކައިރިން ފައިވާންތަކެއް ވަގަށް ނަގައި، އެތަނުގައި ހުރި މީހަކަށް ވަޅިން ބިރުދެއްކި ކަމަށް ތުހުމަތުކުރެވޭ މީހަކު ހައްޔަރުކޮށް، އެމީހާގެ ވަނަވަރު ހާމަކޮށްފި އެވެ.
ފުލުހުން ބުނި ގޮތުގައި އެ މައްސަލާގައި ހައްޔަރުކުރީ ހއ.ހޯރަފުށި ފެހިއަލި، މުހަންމަދު ޝަރީފު 32، އެވެ.
އެ މައްސަލަ ތަހުގީގުކުރަމުން އަންނަ ކަަމަށާއި ހައްޔަރުކުރި މީހާގެ ބަންދާއި ގުޅޭގޮތުން ކޯޓުން އަދި ވަކިގޮތެއް ނުނިންމާ ކަަމަށް ވެސް ފުލުހުން ބުންޏެވެ.
އެކިއެކި ކުށްތަކުގެ ތުހުމަތަށް ހައްޔަރުކުރާ އެންމެންގެ ވަނަަވަރު ހާމަކުރުމަކީ ފުލުހުން މިފަހުން ކުރަން ފެށި ކަމެކެވެ.
ވައްކަމާއި ފޭރުމުގެ މައްސަލަތައް ތައް ފަހަކަށް އައިސް ވަނީ އިތުރުވެފަ އެެވެ. ފުލުހުންގެ ތަފާސް ހިސާބުތަކުން ދައްކާ ގޮތުގައި މިދިޔަ އަހަރުގެ ޖުލައި މަހާ އަޅާ ބަލާއިރު މި އަހަރުގެ ޖުލައިމަހު މި މައްސަލަތައް އިތުރެވެ.
