ރަސްމާލޭގެ އިތުރު ސައިޓެއް ހިއްކުމުގެ މަސައްކަތް އޮގަސްޓު މަހު ފަށަނީ

ރަސްމާލޭގެ މިހާރު ހިއްކަމުންދާ ސައިޓު ޖޭ: އެ ސައިޓު އަދި ނިމިފައި ނުވާއިރު އޮގަސްޓު މަހު ހިއްކަން ފަށަނީ ސައިޓު އެފް - ފޮޓޯ: މިރާޝް ނާޝިމް / އަދަދު

ރަސްމާލޭގެ މިހާރު ހިއްކަމުންދާ ސައިޓު ޖޭ: އެ ސައިޓު އަދި ނިމިފައި ނުވާއިރު އޮގަސްޓު މަހު ހިއްކަން ފަށަނީ ސައިޓު އެފް - ފޮޓޯ: މިރާޝް ނާޝިމް / އަދަދު

މި ސަރުކާރުން ހިންގާ އެންމެ ބިޔަ މަޝްރޫއު ކަމަށްވާ މާލެ އަތޮޅު ދެކުނުގައި އޮންނަ ފުށިދިއްގަރު ހިއްކާ ރަސްމާލޭގެ ނަމުގައި ތަރައްގީކުރުމުގެ މަސައްތަކުގެ ދަށުން އިތުރު ސައިޓެއް ހިއްކުމުގެ ތައްޔާރީތައް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ފަށައިފި އެވެ.

ޑިސެމްބަރު 18، 2023 ގައި ރަސްމާލެ ހިއްކުމުގެ މަޝްރޫއު ފެށި ފަހުން މިހައިތަނަށް ހިއްކުމުގެ މަސައްކަތް ކޮށްފައިވަނީ 29 ހެކްޓަރު އެކުލެވޭ ސައިޓު ޖޭ ގަ އެވެ. އެ މަސައްކަތުގެ ދަށުން ފުރަތަމަ ހަފުތާގައި 10 ހެކްޓަރު ހިއްކުމަށްފަހު މަޑުޖެހުނެވެ. ބާކީ 19 ހެކްޓަރު ހިއްކުމުގެ މަސައްކަތް ފެށީ މި މަހު އެވެ. އެ ސައިޓު އަދިވެސް ނުނިމެ އެވެ.

ސައިޓު ޖޭ އަށްފަހު ރަސްމާލޭގެ ޕްލޭނުގައިވާ 12 ސައިޓުގެ ތެރެއިން ދެން ހިއްކަން ފަށާނީ ސައިޓު އެފް އެވެ. އެ ސައިޓުގެ ބޮޑުމިނަކީ 24 ހެކްޓަރެވެ. އެ މަސައްކަތަށް ބޭނުންވާ އީއައިއޭ ހަދާ އެންވަޔަރަމަންޓް ޕްރޮޓެކްޝަން އެޖެންސީ (އީޕީއޭ) އިން ވަނީ އާންމުކޮށްފަ އެވެ.

އެ ސައިޓު ހިއްކުމަށްވެސް ވެލި ނަގަން ހަމަޖެހިފައިވަނީ ސައިޓު ޖޭ އަށް ވެސް ވެލިނަގަމުން އަންނަ، މާލެ އަތޮޅު ދެކުނުގައިވާ ބޮރޯ އޭރިއާއިންނެވެ.

ފުށިދިއްގަރުން އަލަށް ހިއްކަން ފަށާ ސައިޓު އެފް: މި ސައިޓުގައި އެކުލެވެނީ 24 ހެކްޓަރު - ފޮޓޯ: އީޕީއޭ
ފުށިދިއްގަރުން އަލަށް ހިއްކަން ފަށާ ސައިޓު އެފް: މި ސައިޓުގައި އެކުލެވެނީ 24 ހެކްޓަރު - ފޮޓޯ: އީޕީއޭ

ފުށިދިއްގަރުން އަލަށް ހިއްކަން ފަށާ ސައިޓު އެފް: މި ސައިޓުގައި އެކުލެވެނީ 24 ހެކްޓަރު - ފޮޓޯ: އީޕީއޭ

އީއައިއޭ ގައިވާ ގޮތުން ސައިޓު އެފްގެ މަސައްކަތް ފަށަން ނިންމާފައިވަނީ އޮގަސްޓު މަހު އެވެ. ސައިޓު ޖޭވެސް ހިއްކުމުގެ މަސައްކަތްކުރާ ކެޕިޓަލް މެރިން އެންޑް ސިވިލް ކޮންސްޓްރަކްޝަން (ސީއެމްސީސީ) އިން ކުރާ މި މަސައްކަތަށް 216 ދުވަސް ހޭދަވާނެ ކަމަށްވެސް އީއައިއޭގައި ބުނެފައިވެ އެވެ. އޮގަސްޓު މަހުގެ ފުރަތަމަ ދުވަހު އެ މަސައްކަތް ފެށި ނަމަވެސް ނިމޭނެ އެންމެ އަވަސް ތާރީހަކީ މާޗު 5، 2025 އެވެ.

ރަސްމާލެ މަޝްރޫއުގެ މަސައްކަތް ފަށްޓަވަމުން ޑިސެމްބަރު 18، 2023 ގައި ރައީސް ޑރ. މުހައްމަދު މުއިއްޒު ވަނީ އެ މަސައްކަތް މެދުނުކެނޑި އަށް މަސްދުވަހުގެ ތެރޭގައި ނިމޭނެ ކަމަށް ވިދާޅުވެފަ އެވެ. ނަމަވެސް މަޝްރޫއު މަޑުޖެހި އެ މުއްދަތު ހަމަވާން މިހާރު ވަނީ މަހަކަށްވެފަ އެވެ.

މަޝްރޫއު މަޑު ނުޖެހޭ ކަމަށް ސަރުކާރުން ތަކުރާރުކޮށް ބުނުމަށްފަހު ރައީސް މުއިއްޒު ވަނީ އެކަމަށް މާޗު 29، ގައި އެއްބަސްވެވަޑައިގަނެފަ އެވެ. ޕީއެސްއެމް އަށް ދެއްވި އިންޓަވިއުއެއްގައި ރައީސް އެ ދުވަހު ވިދާޅުވީ ފުށިދިއްގަރުފަޅުގެ ބިން ހިއްކުން ނިމޭނެ ކަމަށް މިހާރު ބެލެވެނީ މި އަހަރުގެ ނިޔަލަށް ކަމަށް ވިދާޅުވެފަ އެވެ.

ނަމަވެސް އެންމެ ފަހުން ހެދި އީއައިއޭއިން ފެންނަ ގޮތުގައި ރައީސްގެ އެ ތާރީހަށްވެސް ފުށިދިއްގަރު މަޝްރޫއުގެ ބިން ހިއްކުން ނުނިމޭނެ އެވެ. އެކަމަށް ތާރީހެއް މިހާރަކު ނެތެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox