ހުޅުމާލޭ ދެވަނަ ފިޔަވަހީގައި ޕާކު ކޮށްފައި އޮތް ކާރަކުން ފެނުނު ބަނގުރާ ކޭހަކާ ގުޅުންހުރި ކަމަށް ތުހުމަތު ކުރެވޭ ބިދޭސީއަކު ހޯދަން ފުލުހުން އިއުލާނު ކޮށްފި އެވެ.
ފުލުހުން މިއަދު ކުރި އިއުލާނެއްގައި ބުނީ ހޯދަމުން ދަނީ ބަންގުލަދޭޝްއަށް ނިސްބަތްވާ ޓަފްޖޮލް މިޔާ، 23އ. ކަމަށެވެ.
އޭނާ ހޯދަމުން ދަނީ ހުޅުމާލޭ ދެވަނަ ފިޔަވަހީގައި ހުންނަ ވިނަރެސް ފުލެޓުތައް ކައިރި ހުސްބިމެއްގައި ޕާކު ކޮށްފައި އޮތް ކާރަކުން ފެނުނު ބަނގުރާ ކަމަށް ޝައްކު ކުރެވޭ ހަ ކޭހުގެ މައްސަލައިގައި ހައްޔަރު ކުރުމަށް ކަމަށް ފުލުހުންގެ އިއުލާނުގައި ބުންޏެވެ.
އެ ބަނގުރާ ކޭސްތައް އަތުލައިގެންފައި ވަނީ މިދިޔަ ބުރާސްފަތި ދުވަހު އެވެ.
އެ މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
ޓަފްޖޮލް މިޔާ އާ ބެހޭ އެއްވެސް މައުލޫމާތެއް އެނގޭ ނަމަ ހުޅުމާލެ ދެވަނަ ފިޔަވަހީގެ ޕޮލިސް ސްޓޭޝަންގެ ނަންބަރު، 9393351 ނުވަތަ ފުލުހުންގެ ހޮޓްލައިން 3322111 އަށް ގުޅައި ހިއްސާ ކޮށްދިނުމަށް ފުލުހުން އެދިފައިވެ އެވެ.
