އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދުގެ އެއްބަނޑު އެއްބަފާ ކޮއްކޮ އަހުމަދު ޝިފާޒް އަލީ ސައީދު ޓޫރިޒަމް މިނިސްޓްރީގެ ނައިބަކަށް އައްޔަނުކޮށްފި އެވެ.
އެކަމާ ގުޅިގެން ރައީސް އޮފީހުގެ ތަރުޖަމާން ހީނާ ވަލީދުއާ "އަދަދު" އިން ސުވާލުކުރުމުން އެއްޗެއް ބުނެފައެއް ނުވެ އެވެ.
ނަމަވެސް، ރައީސް އޮފީހުގެ ވެބްސައިޓުން އެނގޭ ގޮތުގައި ޓޫރިޒަމް މިނިސްޓަރުގެ ނައިބުންނަށް 10 މީހުން ވަނީ އައްޔަނުކޮށްފަ އެވެ. އޭގެ ތެރޭގައި އަހުމަދު ޝިފާޒް ވެސް ހިމެނެ އެވެ.
ޝަހީމުގެ ދަރިފުޅު އަބްދުﷲ މާހިލް ޝަހީމް، އަށް މެލޭޝިއާގައި ހުންނަ ދިވެހި ހައި ކޮމިޝަންގެ އިސް މަގާމަކަށް ވަނީ އައްޔަނުކޮށްފަ އެވެ.
އެ މަގާމުގެ މުސާރަ އާއި އިނާޔަތްތަކުގެ ގޮތުގައި މާހިލް އަށް މަހަކު 100،000ރ. ލިބެ އެވެ.
މިނިސްޓަރު ޝަހީމްގެ އަނބިކަނބަލުން ފާތިމަތު އާފިޔާ އަކީ މާލޭ ސިޓީ ގްރޫޕް އޮފް ހޮސްޕިޓަލްސްގެ ގަވާނިން ބޯޑުގެ މެންބަރެކެވެ.
