ފިނޭންސް މިނިސްޓަރު މާލިއްޔަތު ކޮމިޓީއަށް ވަޑައިގަންނަވާ ބައްދަލުވުން ސިއްރުކުރަން އެދިއްޖެ

ފިނޭންސް މިނިސްޓަރު ޑރ.މުހައްމަދު ޝަފީގު ރައްޔިތުންގެ މަޖިލީހުގެ ޖަލްސާއެއްގައި މެމްބަރުންގެ ސުވާލުތަކަށް ޖަވާބުދެއްވަނީ. މާލިއްޔަތު ކޮމިޓީގެ ބައްދަލުވުން ސިއްރުކުރަން އޭނާ ވަނީ އެދިވަޑައިގެންފައި. ފޮޓޯ: މަޖިލީހުގެ އިދާރާ

ފިނޭންސް މިނިސްޓަރު ޑރ.މުހައްމަދު ޝަފީގު ރައްޔިތުންގެ މަޖިލީހުގެ ޖަލްސާއެއްގައި މެމްބަރުންގެ ސުވާލުތަކަށް ޖަވާބުދެއްވަނީ. މާލިއްޔަތު ކޮމިޓީގެ ބައްދަލުވުން ސިއްރުކުރަން އޭނާ ވަނީ އެދިވަޑައިގެންފައި. ފޮޓޯ: މަޖިލީހުގެ އިދާރާ

ރާއްޖޭގެ މާލީ ހާލަތު ދެނެގަތުމަށް، ފިނޭންސް މިނިސްޓަރު ޑރ. ޑރ. މުހައްމަދު ޝަފީގު ރައްޔިތުންގެ މަޖިލީހުގެ މާލިއްޔަތު ކޮމިޓީއަށް ހާޒިރުކުރާ އިރު އެ ބައްދަލުވުން ސިއްރުކުރަން އޭނާ އެދިވަޑައިގެންފި އެވެ.

އިތުބާރުހުރި މަސްދަރުތަކުން "އަދަދު" އަށް މައުލޫމާތު ލިބިފައިވާ ގޮތުގައި އެ ބައްދަލުވުން ސިއްރުކޮށްދެއްވުން އެދި ޝަފީގު ވަނީ ރައްޔިތުންގެ މަޖިލީހަށް ސިޓީއެއް ފޮނުއްވައިފަ އެވެ. އެހެން ނަމަވެސް އޭނާ އެގޮތަށް އެދިވަޑައިގެންނެވި ސަބަބެއް އަދި ނޭނގެ އެވެ.

އެކަމާ ބެހޭ ގޮތުން މިނިސްޓަރުގެ ޖަވާބެއް ހޯދަން މިނޫހުން މަސައްކަތް ކުރި ނަމަވެސް އަދި ޖަވާބެއް ނުލިބެ އެވެ.

Advertisement

މާލިއްޔަތު ކޮމިޓީ އަކީ ދައުލަތުގެ މާލިއްޔަތާ ގުޅޭ ކަންތައްތައް ހިނގާ ނުހިނގާ ގޮތް ބަލަން މަޖިލީހުގައި އޮންނަ ދާއިމީ ކޮމިޓީއެކެވެ. އެކޮމިޓީގެ ބައްދަލުވުމެއް ސިއްރުކުރަން މާލީ ވަޒީރަކު މީގެ ކުރިން އެދިވަޑައިގެންނެވިކަން އެނގޭކަށް ނެތެވެ.

މިނިސްޓަރު އެދިވަޑައިގެންނެވި ނަމަވެސް ބައްދަލުވުން ސިއްރުކުރުމާ މެދު ގޮތެއް ނިންމާނީ ބައްދަލުވުން ފެށުމަށް ފަހު ވޯޓަކުންނެވެ.

ފިނޭންސް މިނިސްޓަރު ކޮމިޓީއަށް ހާޒިރުކުރަން މާލިއްޔަތު ކޮމިޓީން ފާސްކުރީ ޖޫން 4، ގައި ބޭއްވި އެ ކޮމިޓީގެ ދެވަނަ ބައްދަލުވުމުގަ އެވެ. އެ ގޮތަށް ފާސްކުރަން އެ ދުވަހުގެ ބައްދަލުވުމުގައި ކޮމިޓީއަށް ހުށަހެޅުއްވީ މަޖިލީހުގެ ދިއްގަރު ދާއިރާގެ ޕީއެންސީގެ މެމްބަރު އަދި މަޖިލީހުގެ ނައިބުރައީސް އަހުމަދު ނާޒިމެވެ.

އެ ހުށަހެޅުމަށް ކޮމިޓީގެ ބައްދަލުވުމުގައި ބައިވެރިވި ހުރިހާ މެންބަރުން ތާއީދުކުރެއްވިއިރު، އެގޮތަށް ފާސްވީ މެންބަރުންގެ އިއްތިފާގުންނެވެ.

"މިހާރު މާލީ ހާލަތު އޮތް ގޮތް އަޅުގަނޑުމެން އެބަޖެހޭ ވަރަށް ރަނގަޅަށް ދެނެގަންނަން، ސާފުކުރަން، އެހެންވީމަ އަޅުގަނޑު އެންމެ ފުރަތަމަ ކަމަކަށް ކޮމިޓީގެ ހުރިހާ މެންބަރުންވެސް ތިއްބަވައިގެން ކޮމިޓީއަށް ތެދު ސައްހަ މައުލޫމާތު ދެއްވުމަށް ފިނޭންސް މިނިސްޓަރަށް ދަންނަވަން އަޅުގަނޑަށް ފެނޭ،" ކޮމިޓީގައި ނާޒިމް އެެދުވަހު ވިދާޅުވި އެވެ.

ދިވެހިރާއްޖޭގެ އިގުތިސާދީ ހާލަތު މިވަގުތު އޮތް ގޮތް ސަރުކާރުން ހާމަ ކުރަންޖެހޭ ކަމަށާއި މިހާރު ދިމާވެފައި އޮތް އިގުތިސާދީ ހީނަރުކަމުން އަރައިގަތުމަށް ހިތި ބޭހެއް ބޯންޖެހޭ ނަމަ އެކަން ވެސް ރައްޔިތުންނަށް ސަރުކާރުން ސާފުކޮށްދޭން ޖެހޭ ކަމަށް ވެސް އޭނާ އެދުވަހު ވިދާޅުވި އެވެ.

"ރާއްޖޭގެ ރައްޔިތުންނަށް ހަމަ ތެދުބަހުން ވަރަށް ތިލަކޮށް މިވާހަކަތައް އެބަޖެހޭ ދެކެވެން. އެއީ ސަބަބަކީ ރައްޔިތުންގެ އެކްސްޕެކްޓޭޝަންއާ މިހުރިހާ އެއްޗެއް މިބިނާ ވަނީ އެ ބޭފުޅުން ދައްކަވާ ވާހަކަތަކުގެ މައްޗަށް،" އޭނާ ވިދާޅުވި އެވެ.

ނާޒިމް ވިދާޅުވީ އިގްތިސާދީ ހަގީގަތާ ކުރިމަތިނުލާ ނަމަ ކުރިއަށް އޮންނާނީ ބަނަ ދުވަސްތަކެއް ކަމަށެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox