ރެޑްހޯކްސް އިން ހިތްވަރު ދައްކައި ހޭންޑްބޯލް މޯލްޑިވްސް ޗެމްޕިއަންޝިޕްގެ އަންހެން ޑިވިޝަނުގެ ތަށި ދިފާއުކޮށްފި

Jun 12, 2024, 2:15 AM
ރެޑްހޯކްސް ކުޅުންތެރިން ތަށްޓާ އެކު އުފާފާޅުކުރަނީ.--- ފޮޓޯ: މިރާޝް ނާޝިމް/ އަދަދު

ރެޑްހޯކްސް ކުޅުންތެރިން ތަށްޓާ އެކު އުފާފާޅުކުރަނީ.--- ފޮޓޯ: މިރާޝް ނާޝިމް/ އަދަދު

ހޭންޑްބޯލް މޯލްޑިވްސް ޗެމްޕިއަންޝިޕްގެ އަންހެން ޑިވިޝަނުގެ ފައިނަލުގައި، އޮރީކްސް ހޭންޑްބޯލް ކްލަބް ބަލިކޮށް ރެޑްހޯކްސް އިން މުބާރާތުގެ ތަށި ދިފާއުކޮށްފި އެވެ.

ޖެހިޖެހިގެން ދެ ވަނަ ފަހަރަށް ރެޑްހޯކްސް އިން ތަށި އުފުލާލިއިރު، ފައިނަލުގައި އެ ޓީމުން މި ވަނީ ކުރީގެ ޗެމްޕިއަނެއް ކަމަށްވާ އޮރީކްސް ބަލިކޮށްފަ އެވެ. ރޭގެ ފައިނަލުގައި އޮރީކްސްގެ މައްޗަށް ރެޑްހޯކްސް އިން ކުރިހޯދީ ފަހަތުން އަރައި، 21-23 އިންނެވެ.

ގައުމީ ހޭންޑްބޯލް ކޯޓުގައި ރޭ ކުޅުނު ފައިނަލުގެ ފުރަތަމަ ހާފު ނިމުނުއިރު، އޮރީކްސް އޮތީ ކުރީގަ އެވެ. ދެ ވަނަ ހާފު ވަރަށް ވާދަވެރިކޮށް ފެނުނުއިރު، މެޗުގެ ފަހުކޮޅަށް ދިޔައިރު ދެ ޓީމު އޮތީ އެއްވަރުވެފަ އެވެ. އެކަމަކު ފަހު ކޮޅުގައި، ރެޑްހޯކްސް އިން ފިޓްނަސް އާއި ތަޖުރިބާގެ އަލީގައި ތަފާތު ދައްކައި ދެ ގޯލުގެ ފަރަގަކުން މެޗު ކާމިޔާބުކުރީ އެވެ.

Advertisement

މެޗުން މޮޅުވުމަށް ފަހު ރެޑްހޯކްސް ކުޅުންތެރިން އުފާފާޅުކުރަނީ.---- ފޮޓޯ: މިރާޝް ނާޝިމް / އަދަދު

ފައިނަލް މެޗުގެ މޮޅު ކުޅުންތެރިއަކީ ރެޑްހޯކްސްގެ އައިޝަތު އާލާ އަލީ އެވެ. މެޗުގައި ރެޑްހޯކްސް އަށް ސްކޯ ދެމެހެއްޓުމުގައި އާލާ ވަނީ އިސް ރޯލެއް ކުޅެފަ އެވެ.

މި އަހަރުގެ ހޭންޑްބޯލް މޯލްޑިވްސް ޗެމްޕިއަންޝިޕްގެ އަންހެން ޑިވިޝަނުގައި، 16 ޓީމު ވާދަކުރިއިރު، ގިނަ ކުޅުންތެރިންތަކެއް ވަނީ ފެނިގެންގޮސްފަ އެވެ. ހަތަރު ގްރޫޕަށް ބަހާލައިގެން ގިނަ މެޗުތަކެއް ކުޅުމަށް ފަހު، ފައިނަލާ ހަމައަށް ވެސް ފޯރިގަދަ މެޗުތަކެއް ފެނިގެންދިޔަ އެވެ.

އޮރީކްސް އިން ފައިނަލުން ޖާގަ ހޯދީ ސެމީގައި ތުޅާދޫ އަތުން މޮޅުވެގެންނެވެ. ރެޑްހޯކްސް ވަނީ ސެމީ ފައިނަލުގައި ކީންސް ސްޕޯޓްސް ކުލަބްގެ މައްޗަށް ކުރިހޯދައިފަ އެވެ.

މުބާރާތުގެ ޑްރީމް ޓީމުގައި ހިމެނެނީ، ރެޑްހޯކްސްގެ ފިރުޝާނާ ނަސީރު، ޔަސްފާ އާދަމް، ފާތުމަތު ޖުނާ، ފާތިމަތު ތުހުފާ، އަދި އާލާ އެވެ. ދެން ހިމެނެނީ، އޮރީކްސްގެ އައިޝަތު ރީމާ އާއި ޒުލޭހާ އިބްރާހިމް އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox