ހޭންޑްބޯޅަ މުބާރާތަށް ވިއްސާރައިގެ އަސަރު: ވަގުތީ ހައްލެއް ހޯދޭތޯ މަސައްކަތް ކުރަނީ

May 19, 2024, 9:29 AM
މިހާރު ކުރިއަށްދާ ހޭންޑްބޯލް މޯލްޑިވްސް ޗެމްޕިއަންޝިޕްގެ މެޗެއްގެ ތެރެއިން.--- ފޮޓޯ: ހޭންޑްބޯލް މޯލްޑިވްސް

މިހާރު ކުރިއަށްދާ ހޭންޑްބޯލް މޯލްޑިވްސް ޗެމްޕިއަންޝިޕްގެ މެޗެއްގެ ތެރެއިން.--- ފޮޓޯ: ހޭންޑްބޯލް މޯލްޑިވްސް

މިހާރު ކުރިއަށްދާ ހޭންޑްބޯލް ޗެމްޕިއަންޝިޕްގެ މެޗުތައް ވިއްސާރައިގެ ސަބަބުން ފަސްކޮށް، ޝެޑިއުލަށް ބަދަލު ގެންނަން ޖެހުމުން އަނެއްކާ ވެސް ގިނަ ގޮންޖެހުންތަކެއް ކުރިމަތިވެފައިވާއިރު، އެ ކަމަށް ވަގުތީ ހައްލެއް ގެނެވޭތޯ ސަރުކާރާ ގުޅިގެން މަސައްކަތްތަކެއް ކުރަމުން އަންނަ ކަމަށް ހޭންޑްބޯލް އެސޯސިއޭޝަނުން ބުނެފި އެވެ.

އައުޓް ޑޯ ކޯޓެއްގައި ހޭންޑްބޯޅަ ކުޅެން ޖެހުމުން، ވިއްސާރަ ވެހޭ ކޮންމެ ފަހަރަކު ކަހަލަ ގޮތަކަށް މެޗުތައް ފަސްކުރަން ޖެހުމުގެ ތަކުލީފު މިދިޔަ އަހަރުތަކުގައި ވެސް ހޭންޑްބޯޅަ ކުޅުންތެރިންނަށް ވަނީ ކުރިމަތިވެފަ އެވެ. އެ ވާހަކަތައް އަބަދުމެ، ކުޅުންތެރިން އަންނަނީ އެކި ޕްލެޓްފޯމްތަކުގައި ދައްކަމުންނެވެ.

މާލޭގައި މި ވަގުތު ހޭންޑްބޯޅަ ކުޅެމުން އަންނަ އައުޓް ޑޯ ކޯޓު، 2021 ވަނަ އަހަރު އެޅި ފަހުން، އެ ތަން ހިޔާ ކުރުމުގެ ވާހަކަ އާއި އެ ތަން، އިންޑޯ އަކަށް ބަދަލުކުރުމުގެ ވާހަކަ އަންނަނީ ދެކެވެމުންނެވެ. އެކަމަށްޓަކައި، އެސޯސިއޭޝަނުން އަންނަނީ ގިނަގުނަ މަސައްކަތްތަކެއް ކުރަމުންނެވެ.

Advertisement

އެކަމަކު، މިހާތަނަށް އެކަމެއް އަދި ނުވެ އެވެ.

މިދިޔަ އަހަރުގެ، ގައުމީ ހޭންޑްބޯޅަ މުބާރާތުގެ ފައިނަލް މެޗުތައް ވިއްސާރައިގެ ސަބަބުން މަހެއްހާ ދުވަހަށް ފަސްކުރަން ޖެހުނެވެ.

މި ފަހަރުގެ ހޭންޑްބޯލް ޗެމްޕިއަންޝިޕްގެ މެޗުތައް ވެސް މި ވަނީ މިހާރު ކުރަމުން އަންނަ ވިއްސާރައިގެ ސަބަބުން އެކި ފަހަރު މަތިން ފަސްކުރަން ޖެހެމުންނެވެ.

މެޗުތައް ޝެޑިއުލާ އެއްގޮތަށް ނުދާތީ އެކަމާ ކުޅުންތެރިންގެ ކަންބޮޑުވުންތައް އަންނަނީ ސޯޝަލް މީޑިއާގައި ހިއްސާ ކުރަމުންނެވެ. އަދި ހޭންޑްބޯޅަ މުބާރާތުގައި ކުޅެން ދުރާލާ ވަގުތު ހޯދައިގެން އައި ކުޅުންތެރިންނަށް މީގެ ގެއްލުން ނުހަނު ބޮޑެވެ.

ހޭންޑްބޯޅަ އަކީ ދެ ޖިންސަށް ބަލާއިރު، މި ވަގުތު ރާއްޖޭގައި އެންމެ ހަލުވި ދުވެއްޔެއްގައި ކުރިއަރަމުން އަންނަ ކުޅިވަރެވެ. އެކަން ހޭންޑްބޯލް މުބާރާތްތަކުގައި ބައިވެރިވާ ޓީމުތަކުގެ ނިސްބަތުން ވެސް އެނގެ އެވެ. އަދި ރަށްރަށުން މުބާރާތް ކުޅެން އަންނަ ޓީމުތަކުގެ އަދަދުން ވެސް އެކަން ސާފެވެ.

ވިއްސާރައިގައި ޖެހި، ހޭންޑްބޯޅަ މުބާރާތެއްގެ މެޗުތައް ފަސްކުރަން ޖެހުމުގެ މައްސަލަ އަނެއްކާ ވެސް ކުރިމަތިވެފައިވާއިރު، "އަދަދު" އިން ކުރި ސުވާލެއްގެ ޖަވާބުގައި ހޭންޑްބޯލް އެސޯސިއޭޝަންގެ ރައީސް، އަހުމަދު މުޖުތަބާ (މުޖޭ) ވިދާޅުވީ، ދާއިމީ ހައްލަކީ އިންޑޯ ކަމަށާއި އެކަމަކު، މި ވަގުތަށް މި ކަމުގައި ކުރެވޭނެ ކަމަކީ ކޮބައިތޯ، ވަގުތީ ހައްލަކީ ކޮބައިތޯ ބަލައި، އެކަމެއް ކުރެވޭތޯ ސްޕޯޓްސް މިނިސްޓްރީއާ އެކު މަސައްކަތް ކުރަމުން އަންނަ ކަމަށެވެ.

"އަޅުގަނޑުމެން އަބަދުވެސް ދައްކާ ވާހަަކަ ދެއްތޯ މިއީ، ވިއްސާރަ އައިސްފިއްޔާ، މިހާލަތު ކުރިމަތިވެޔޭ، ދެން، ހައްލަކީ ހިޔާކޮށް، އިންޑޯ އަކަށް މި ތަން ބަދަލުކުރުން،" މުޖޭ ވިދާޅުވި އެވެ.

"އެކަމަކު، މި ވަގުތަށް ކުރެވޭނެ ކަމަކަށް އިސްކަންދީގެން މިހާރު ވެސް، އަޅުގަނޑުމެން މި އަންނަނީ މިނިސްޓްރީއާ ވާހަކަ ދައްކަމުން، ދެން، ރާއްޖޭގައި އިންޖިނިއަރުންނަށް ބަލާއިރު، އެންމެ ރަނގަޅު ކަމަށް މި ފެންނަނީ، ސިފައިންގެ ކުންފުނި، ސިވެކް، އެ މީހުންނާ ވެސް މަޝްވަރާކޮށް، މި ވަގުތަަށް ހިޔާކުރެވޭނެ ގޮތެއް ވެސް ވޭތޯ މަސައްކަތް ކުރަމުން މި އަންނަނީ،"

މުޖޭ ވިދާޅުވީ، ޗައިނާގެ ކުންފުންޏަކާ ވާހަަކަ ދައްކައިގެން ވެސް މި ކަމުގެ ހައްލެއް ލިބޭތޯ ބަލަމުން އަންނަ ކަމަށެެވެ.

ވިއްސާރަ މުސޫމެއްގައި ވެސް، ހޭންޑްބޯޅަ އަށް މުބާރާތުގެ ޝެޑިއުލް ބަދަލުކޮށްގެން ކުރިއަށް ދިއުން ނޫން ގޮތެއް މި ވަގުތަށް ބަލާއިރު ނެތެވެ. އަނެއްކޮޅުން، ރާއްޖޭގައި މުބާރާތް ކުޅެވޭނެ އިންޑޯ ފެސިިލިޓީ އަކަށް މި ވަގުތު އޮތީ، ސޯޝަލް ސެންޓަރު އިންޑޯ ކަމަށްވާއިރު، އެ ތަނުގައި މިހާރު ވެސް ވޮލީބޯޅަ، ބާސްކެޓްބޯޅަ އަަދި ނެޓްބޯޅަ މުބާރާތް ކުޅެ އެވެ.

އެ ތިން އެސޯސިއޭޝަނެއް މި ވަގުތު ވެސް އެ ފެސިލިޓީއަށް ބަރޯސާވެފައި އޮއްވައި، އަނެއްކާ ހޭންޑްބޯޅަ އެ ތަނަށް ގެންދިއުމަކީ، އެންމެ ރަނގަޅު ގޮތެއް ނޫން ކަމަށް ކުޅުންތެރިން ވެސް ގަބޫލުކުރެ އެވެ. ދެމެހެއްޓެނިވި ހައްލެއް ލިބެން އޮތީ، ހޭންޑްބޯޅަ ކުޅެން ދީފައި އޮތް ތަނުގައި ވެސް ހުރިހާ މޫސުމެއްގައި ޝެޑިއުލާ އެއްގޮތަށް މުބާރާތް ކުރިއަށް ގެންދެވޭ ގޮތް ވެގެންނެވެ. އެއީ ކުޅުންތެރިންނަށް ވެސް އަދި ހޭންޑްބޯޅައިގެ ޑިވެލޮޕްމަންޓަށް ވެސް އެންމެ ފައިދާ ބޮޑު ގޮތެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox