ރައީސް އެދިވަޑައިގެންނެވީ ރައްޔިތުން ބަލައިގަންނަ, ނަމޫނާ މަޖިލީހަކަށް ހަދައި ދޭން: އަބްދުއްރަހީމް

ސަރުކާރުގެ އިސް ވަޒީރު އަދި ޕީއެންސީގެ ޗެއާޕާސަން އަބްދުއްރަހީމް އަބްދުﷲ (އަދުރޭ): އަންނަ ހަފުތާގައި ހުވާކުރާ މަޖިލީހުގެ ރައީސް ކަމަށް ރައީސް ހުށަހެޅުއްވީ އަބްދުއްރަހީމް -- ފޮޓޯ: މިރާޝް ނާޝިމް/އަދަދު

ސަރުކާރުގެ އިސް ވަޒީރު އަދި ޕީއެންސީގެ ޗެއާޕާސަން އަބްދުއްރަހީމް އަބްދުﷲ (އަދުރޭ): އަންނަ ހަފުތާގައި ހުވާކުރާ މަޖިލީހުގެ ރައީސް ކަމަށް ރައީސް ހުށަހެޅުއްވީ އަބްދުއްރަހީމް -- ފޮޓޯ: މިރާޝް ނާޝިމް/އަދަދު

އިންތިހާބީ މެމްބަރުން ކުރެން ރައީސް އެދިވަޑައިގެންނެވީ ރައްޔިތުންގެ މަޖިލީހަކީ ރައްޔިތުން ބަލައިގަންނަ ނަމޫނާ މަޖިލީހަކަށް ހައްދަވައިދެއްވަން ކަމަށް، މި ސަރުކާރުގެ އިސް ވަޒީރު އަދި ފޮނަދޫ ދާއިރާގެ އިންތިހާބީ މެމްބަރު އަބްދުއްރަހީމް އަބްދުﷲ (އަދުރޭ) މިއަދު ވިދާޅުވެއްޖެ އެވެ.

އަބްދުއްރަހީމް މިހެން ވިދާޅުވީ ސަރުކާރުގެ ވެރިންނާއި ޕީއެންސީއަށް ނިސްބަތްވާ އަދި ސަރުކާރަށް ތާއީދުކުރައްވާ އިންތިހާބީ މެމްބަރުންނާއެކީ ރައީސް ޑރ. މުހައްމަދު މުއިއްޒު ބޭއްވެވި ބައްދަލުކުރެއްވުމަށް ފަހު މީޑިއާތަކަށް މައުލޫމާތު ދެއްވަމުންނެވެ.

އެގޮތުން ރައްޔިތުންނާ ގައުމަށް ފައިދާ ހުރި މަސައްކަތްތައް ލަސްނުކޮށް، ރައްޔިތުން ބަލައިގަންނަ މަޖިލީހަކަށް އެ މަޖިލިސް ހައްދަވައިދެއްވަން ވަރަށް ބޮޑަށް ރައީސް ބާރުއެޅުއްވި ކަމަށް އަބްދުއްރަހީމް ވިދާޅުވި އެވެ.

"އެންމެ ބޮޑަށް ބާރުއަޅުއްވާފައި ދެއްކެވި ވާހަކަފުޅަކީ ރައްޔިތުން ބަލައިގަންނަ މަޖިލީހަކަށް މި ވިހި ވަނަ މަޖިލިސް ހައްދަވައިދެއްވާށޭ" އޭނާ ވިދާޅުވި އެވެ.

މުލިއާގޭގައި ބޭއްވި ބައްދަލުކުރެއްވުމުގައި ރައީސް ވަނީ ރައްޔިތުންގެ މަޖިލީހުގެ ރައީސް ކަމަށް އަބްދުއްރަހީމް އިންތިހާބުކުރަން ހުށަހަޅުއްވާފަ އެވެ. ރައީސްގެ މި ނިންމެވުމާ މެދު އަބްދުއްރަހީމް އެއްޗެއް ވިދާޅުވާން ނޫސްވެރިޔަކު އެދުމުން އޭނާ ވަނީ އެކަމަށްޓަކައި ރައީސްއަށް ވަރަށް ބޮޑަށް ޝުކުރުއަދާކުރައްވާފަ އެވެ.

"އަޅުގަނޑު ހަމަ ވަރަށް ބޮޑަށް ވަރަށް އިހުލާސްތެރި ޝުކުރެއް ރައީސް މުއިއްޒަށް ދަންނަވަން ބޭނުން. އެއީ ދައުލަތުގެ ތިން ބާރުގެ ތެރެއިން އެއް ބާރުގެ ވެރިޔަކަށް އަޅުގަނޑު އިހުތިޔާރުކުރައްވާ އަޅުގަނޑަށް ކުރެއްވި އިތުބާރު އެއީ އިރާދަކުރެއްވިއްޔާމުން ދުވަހަކު ވެސް އަޅުގަނޑު ހަނދާން ނައްތާލާނެ ކަމެއް ނޫން" އޭނާ ވިދާޅުވި އެވެ.

ރައީސްއަށް ޝުކުރުއަދާކުރައްވަމުން، އަބްދުއްރަހީމް އިތުރަށް ވިދާޅުވީ މިހާތަނަށް މަސައްކަތް ކުރި ސިޔާސީ ލީޑަރުންގެ ތެރެއިން ކުރާ މަސައްކަތުގެ އަގު އެންމެ ބޮޑަށް ވަޒަންކުރައްވަނީ ވެސް ރައީސް މުއިއްޒު ކަމަށެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox