ބާރުތައް އަތުލުމަށް ފަހު، ކައުންސިލްތައް ބާކީކުރަން ބޭނުން ނުވާ ކަމަށް މުއިއްޒު ވިދާޅުވެއްޖެ

ޕީއެންސީން އިއްޔެ ބޭއްވި ސައިކަލް ބުރު ނިންމާލުމުގެ ގޮތުން ރައީސް މުހައްމަދު މުއިއްޒު ވާހަކަ ދައްކަވަނީ. -- ފޮޓޯ: އެމްއެމްޓީވީ

ޕީއެންސީން އިއްޔެ ބޭއްވި ސައިކަލް ބުރު ނިންމާލުމުގެ ގޮތުން ރައީސް މުހައްމަދު މުއިއްޒު ވާހަކަ ދައްކަވަނީ. -- ފޮޓޯ: އެމްއެމްޓީވީ

އަތޮޅު ކައުންސިލްތައް އުވާލައި، އަދި އެހެން ކައުންސިލްތަކުގެ ބާރު ކަނޑުވާލުމަށް ފަހު، އެފަދަ ކަންކަމަކީ އެ މަނިކުފާނު ގަބޫލުކުރައްވާ ހަމައެއް ނޫން ކަމަށް ރައީސް މުހައްމަދު މުއިއްޒު ވިދާޅުވެއްޖެ އެވެ.

ޕީއެންސީން އިއްޔެ މާލޭގައި ބޭއްވި ސައިކަލް ބުރު ނިންމާލުމުގެ ގޮތުން ބޭއްވި ރަސްމިއްޔާތުގައި މުއިއްޒު ވިދާޅުވީ "ކައުންސިލްތައް ބާކީކޮށް، ކައުންސިލްތަކުގެ ބާރު ކަނޑުވާލުމަކީ އަޅުގަނޑު ގަބޫލުކުރާ ހަމައެއް ނޫން" ކަމަށެވެ.

އޭޕްރީލް 4 ގައި ބާއްވާ ލޯކަލް ކައުންސިލް އިންތިހާބު ބޯމަތިވެފައި އޮއްވައި މުއިއްޒުގެ ރާގު ބަދަލު ކުރުމަށް، ޕީއެންސީގެ ކެންޑިޑޭޓުން ހޮވަންވީ އެއް ސަބަބެއްގެ ގޮތުގައި ދެއްކެވީ ކައުންސިލްތައް ބާކީ ކުރުމަކީ އެ މަނިކުފާނު ގެންގުޅުއްވާ ހަމައެއް ކަމަށް ނުވުމެވެ.

Advertisement

ނަމަވެސް މުއިއްޒު އެހެން ވިދާޅުވިއިރު، އަތޮޅު ކައުންސިލްތައް އުވާލައި، ލޯކަލް ކައުންސިލްތަކުގެ އިންތިހާބާ ދިމާކޮށް އެހެން ކައުންސިލްތަކުގެ މަސައްކަތް ހުއްޓުވުމުގެ ބޭނުމުގައި ލާމަރުކަޒީ ގާނޫނު ވަނީ ބަދަލުކޮށްފަ އެވެ.

އެ ބިލުގެ މަސައްކަތް މަޖިލީހުގައި ދިޔަ ދުވަސްވަރު އައްޑޫ މޭޔަރު އަލީ ނިޒާރު ވިދާޅުވެފައިވަނީ، އެއީ ލޯކަލް ކައުންސިލްތަކުގެ އިންތިހާބަށް ނުފޫޒު ފޯރުވުމަށް މުއިއްޒު ކުރެއްވި ކަމެއް ކަމަށެވެ.

އިއްޔެ މުއިއްޒު ފާހަގަކުރެއްވި އަނެއް ކަމަކީ، ރަށްރަށާއި ސިޓީތަކުގައި ކުރަން ހުރި ކޮންމެ ކަމަކީ ލާމަރުކަޒީ އުސޫލުގެ ތެރެއިން، ނިޒާމުގެ ތެރެއިން ކުރިއަށް ގެންދެވިއްޖެ ނަމަ، އޭގެ އެންމެ ހެވާއި ލާބަ ރައްޔިތުންނަށް ލިބޭނެ ކަމަށެވެ.

"އެހެންވީމާ ކައުންސިލްތަކުގައި މިކަމަށް އެއްބާރުލުން ދޭނެ ބޭފުޅުން ތިއްބެވުން މުހިއްމު ވަނީ. އެހެންވެ ކައުންސިލް އިންތިހަބުގައި ޕީއެންސީގެ ކެންޑިޑޭޓުން ހޮއްވައިދިނުމަށް އެދެނީ،" މުއިއްޒު ވިދާޅުވިއެވެ.

"މިކަމުގެ ނަތީޖާ ފޮނިވާނެ."

މުއިއްޒު މިހެން ވިދާޅުވިއިރު، އެ މަނިކުފާނު ވަނީ ކައުންސިލްތަކުގެ ބަހެއް ނެތިވެސް ރަށްރަށުގައި ތަރައްގީގެ މަޝްރޫއުތައް ކުރިއަށް ގެންދެވޭނެ ގޮތް ހައްދަވައިފައެވެ. މިހާރު ލާމަރުކަޒީ ގާނޫނު އޮތް ގޮތުން، ކައުންސިލަކުން ހުއްދައެއް ނުދިނަސް ސަރުކާރުން ބޭނުންވާ މަޝްރޫއެއް ކުރިއަށް ގެންދިޔުމަކަށް ހުރަހެއް ނެތެވެ.

ރަށްރަށުގައި ތަރައްގީގެ މަޝްރޫއުތައް ހުއްޓިފައި އޮތީ އިދިކޮޅު ކައުންސިލްތަކުގެ މެޖޯރިޓީ އޮވެގެންނެއް ނޫނެވެ. ރާއްޖޭގެ ގިނަ ރަށްތަކެއްގައި ތަރައްގީގެ މަޝްރޫއުތައް ގާތްގަނޑަކަށް ހުއްޓިފައިވާއިރު، ފެށުނީއްސުރެވެސް ޕީޕީއެމް/ޕީއެންސީގެ މެޖޯރިޓީ އޮންނަ ރަށްރަށުގައި ވެސް މަޝްރޫއުތައް ވަނީ ހުއްޓިފައެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox