ސިޔާސީ "ހަލަބޮލިކަން" މުއިއްޒަށް މައްސަލައަކަށް ވެއްޖެ!

ހުކުރު ދުވަހު ޕީއެންސީން ބޭއްވި ސައިކަލް ބުރު ނިންމުމުގެ ރަސްމިއްޔާތުގައި ރައީސް މުހައްމަދު މުއިއްޒު ވާހަކަ ދައްކަވަނީ. -- ފޮޓޯ: ސޯޝަލް މީޑިއާ

ހުކުރު ދުވަހު ޕީއެންސީން ބޭއްވި ސައިކަލް ބުރު ނިންމުމުގެ ރަސްމިއްޔާތުގައި ރައީސް މުހައްމަދު މުއިއްޒު ވާހަކަ ދައްކަވަނީ. -- ފޮޓޯ: ސޯޝަލް މީޑިއާ

ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއް ދުވަހެއްގައި ބާއްވަނީ "ސިޔާސީ ހަލަބޮލިކަން" އެއްކޮށް، އެކީ އެކައްޗަކަށް ނައްތާލަން ކަމަށް ރައީސް މުހައްމަދު މުއިއްޒު ވިދާޅުވެއްޖެ އެވެ.

ހުކުރު ދުވަހު ހަވީރު ޕީއެންސީން ބޭއްވި ސައިކަލް ބުރުގައި މުއިއްޒު އަމަލީ ގޮތުން ބައިވެރިވެވަޑައި ނުގަތަސް، އެ ހަރަކާތް ނިންމުމުގެ ގޮތުން އެ ޕާޓީގެ ޖަގަހަ ކުރިމަތީގައި ސަޕޯޓަރުންނާ ވާހަކަ ދައްކަވަމުން، ސިޔާސީ ހަލަބޮލިކަން މައްސަލައެއްގެ ގޮތުގައި އެ މަނިކުފާނު ފާހަގަ ކުރެއްވި އެވެ.

ދެ އިންތިހާބު އެއްކޮށްލުމުގެ މަގުސަދަކީ އެއީކަން، އުނދަގޫ ގޮތަކަށް ޖުމުލަ ފުރިހަމަ ކުރައްވަމުން މުއިއްޒު ވިދާޅުވި އެވެ.

"ދެ އިންތިހާބު ބޭއްވުމަށް ރައްޔިތުންގެ ގާތުގައި މި އަހާ އެހުމަށް ވެސް ރައްޔިތުން އާއެނކޭ ބުނުމަށް، އާއެނކޭ، އާއެނކޭ ދެންނެވުމަށް، ފާހަގަ އާއެނކޭ ޖެއްސެވުމަށް އަޅުގަނޑު މިއެދެނީ ވެސް ވަރަށް މާތް މަގުސަދެއްގައި،" މުއިއްޒު ވިދާޅުވި އެވެ.

"އަޅުގަނޑުމެންގެ ގައުމުގައި ހަމަޖެހުން ކުރިއަށް ގެންދިޔުމުގައި، މި ގައުމުގައި ސިޔާސީ ހަލަބޮލިކަން އެއްކޮށް އެކީ އެކައްޗަކަށް ނައްތާލުމަށްޓަކައި."

ދެ އިންތިހާބު އެ ދުވަހު ބޭއްވުމަކީ ރައްޔިތުންނަށް ބޭނުންވާ ކުރިއެރުމާއި ހެވާއި ލާބަ ހޯދައިދިނުމުގައި ރައްޔިތުން ބޭނުންވާ ގޮތަށް ކަންކަން ގެންދިޔުމަށް މުހިއްމު ކަމެއް ކަމަށް މުއިއްޒު ގަބޫލުކުރައްވަ އެވެ. ނަމަވެސް އޭގެ ތަފްސީލެއް ވިދާޅެއް ނުވެ އެވެ.

އިންތިހާބުތައް އެއް ދުވަހެއްގައި ބޭއްވުމުން ލިބޭނެ ފައިދާއަކީ ނުފޫޒުން އެއްކިބާވެ، އެންމެ ގިނަ ރައްޔިތުންނަށް ވޯޓުލުމުގެ ފުރުސަތު ފަހިވުން ކަމަށް މުއިއްޒު ފާހަގަކުރެއްވިއެވެ.

ދެ އިންތިހާބު އެއްކޮށްލަން ނުފެންނަ ކަމަށް ގިނަ ބަޔަކު އަޑު އުފުލާން ފަށާފައިވާއިރު މުއިއްޒު ހުކުރު ދުވަހު ފާހަގަ ކުރެއްވި ގޮތުގައި މިފަދަ ބަދަލުތައް މި ގެންނަނީ އިސްލާހީ އެޖެންޑާއެއްގެ ދަށުންނެވެ. އެގޮތުން ފާހަގަ ކުރެއްވި ކަންކަމުގެ ތެރޭގައި މަޖިލީހުގެ މެންބަރުންގެ އަދަދު ހިފެހެއްޓުމާއި ޝަރުއީ ދާއިރާ އަށް ނުފޫޒު ނުފޯރުވޭ ގޮތަށް އިސްލާހުކުރާނެ ކަމަށް ވިދާޅުވި އެވެ.

މި ފެންނަ ނުފެންނަ ވޯޓުގައި ގާނޫނީ މައްސަލައެއް ނެތް ކަމަށް އެ މަނިކުފާނު ގަބޫލު ކުރައްވަ އެވެ. ނަމަވެސް ގާނޫނީ ދާއިރާގެ ބޭފުޅުން އަންނަނީ މި ވޯޓުގައި ހުރި ގާނޫނީ މައްސަލަތައް ފާހަގަ ކުރައްވަމުންނެވެ.

ދެ އިންތިހާބު އެއްކޮށްލަނީ މުއިއްޒުގެ މުށުތެރެއަށް ބާރުތައް ޖަމާކުރަން ކަމަށް ބުނެ ފާޑުކިޔުމާއި ކަންބޮޑުވުންތައް ދަނީ އިތުރުވަމުންނެވެ.

ސިޔާސީ ހަލަބޮލިކަން މައްސަލައެއްގެ ގޮތުގައި މުއިއްޒު ފާހަގަ ކުރެއްވިއިރު، އެމަނިކާނު ވެރިކަމަށް ވަޑައިގަތީ އިންޑިއާ އައުންޓު ކެމްޕޭނު ހިންގައިގެންނެނެވެ. ނަމަވެސް ވެރިކަމަށް ވަޑައިގަތުމަށް ފަހު ވައުދުވި ގޮތަށް އިންޑިއާ އަސްކަރިއްޔާ ބޭރުކުރަން ކެރިވަޑައެއް ނުގަތެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox