އީސީއަށް ސަރުކާރުގެ ނުފޫޒު؛ އީފާސް ބޭނުންކުރަން ފެށީ ސަރުކާރުން އަންގައިގެން ކަމަށް މުއިއްޒު ވިދާޅުވެއްޖެ

ހޮނިހިރު ދުވަހުގެ ރޭ ޕީއެންސީން ބޭއްވި ކެމްޕޭނު ހަރަކާތުގައި ރައީސް މުއިއްޒު އާއި އަނބިކަނބަލުން ސާޖިދާ. -- ފޮޓޯ: ޕީއެންސީ

ހޮނިހިރު ދުވަހުގެ ރޭ ޕީއެންސީން ބޭއްވި ކެމްޕޭނު ހަރަކާތުގައި ރައީސް މުއިއްޒު އާއި އަނބިކަނބަލުން ސާޖިދާ. -- ފޮޓޯ: ޕީއެންސީ

ސިޔާސީ ޕާޓީތަކަށް މެންބަރުން ވެއްދުމުގައި އީފާސް ބޭނުންކުރަން އިލެކްޝަންސް ކޮމިޝަނުން (އީސީ) ނިންމީ ސަރުކާރުގެ ނުފޫޒުންކަން ހާމަވެއްޖެ އެވެ.

ހޮނިހިރު ދުވަހުގެ ރޭ އާޓިފިޝަލް ބީޗުގައި ޕީއެންސީން ބޭއްވި ޕީއެންސީގެ ކެމްޕޭން ހަރަކާތުގައި ރައީސް މުހައްމަދު މުއިއްޒު ވިދާޅުވީ އީފާސް މެދުވެރިކޮށް މެންބަރުން ރަޖިސްޓްރީ ކުރެވޭނެ އިންތިޒާމު އީސީން ހަމަޖެއްސީ ސަރުކާރުން އެކަމަށް އެދިގެން ކަމަށެވެ.

"އަޅުގަނޑުމެން އެދިގެން އަޅުގަނޑުމެން ހުށަހަޅައިގެން އީސީން ނިންމީ އީފާސް މެދުވެރިކޮށް ވަރަށް ޓްރާންސްޕޭރެންޓުކޮށް ޕާޓީތަކަށް މެންބަރުން ވެއްދޭ ގޮތް ހަދަން،" މުއިއްޒު ވިދާޅުވިއެވެ.

އެއީ ޕީއެންސީއަށް މެންބަރުން އިތުރުކުރުމުގައި އެއްވެސް އިލްޒާމެއް އެޅުވުމުގެ ފުރުސަތު ދޭން ބޭނުންނުވާތީ ކަމަށް އެމަނިކުފާނު ވިދާޅުވި އެވެ.

ސަރުކާރުން ހުށަހެޅި ބަދަލު އީސީން ގެނައުމުން އެކަމަށް މުއިއްޒު އެ ކޮމިޝަނަށް ޝުކުރު ވެސް އަދާކުރެއްވި އެވެ.

ރައީސް މުއިއްޒުގެ ވެރިކަމުގެ ދައުރު ނޮވެމްބަރު 17، 2023 ގައި ފެށިއިރު ޕީއެންސީގައި ތިބީ އެންމެ 3،000 މެންބަރުންނެވެ. ނަމަވެސް މިހާރު އެ ޕާޓީގެ މެންބަރުންގެ އަދަދު 75,000 އަށް އަރާފައިވާ ކަމަށާއި، އަމާޒަކީ އެ އަދަދު އެއް ލައްކައަށް އިތުރުކުރުން ކަމަށް އެމަނިކުފާނު ވިދާޅުވިއެވެ.

ޕާޓީގެ އެތެރޭގެ މައްސަލަތަކާއި ކޮންގްރެސް

ޕާޓީގެ އެތެރޭގެ ހިންގުން ހަރުދަނާކުރުމަށްޓަކައި މިއަހަރުގެ އޮކްޓޯބަރު މަހު ޕީއެންސީގެ ކޮންގްރެސް ބޭއްވުމަށް ލީޑަޝިޕުން ނިންމާފައިވާކަން މުއިއްޒު ހޮނިހިރު ދުވަހުގެ ރޭ އިއުލާނު ކުރެއްވި އެވެ.

މިއީ ސިޔާސީ ގޮތުން ކުރިއަށްދާން ބޭނުންވާ ފަރާތްތަކަށް ފަހި ފުރުސަތެއް ކަމަށާއި، ޕާޓީއާ އަލަށް ގުޅުމަށާއި، މިހާރު ތިބި މެންބަރުން އިތުރަށް ހަރަކާތްތެރިވުމަށް ވެސް ރައީސް ގޮވާލެއްވިއެވެ.

މީގެ އިތުރުން އެކި ސަބަބުތަކާ ހުރެ ހިތްހަމަނުޖެހިގެން ޕާޓީއާ ދުރުވެ، ގޭގައި ތިބި ފަރާތްތަކުން ވެސް ނުކުމެ މަސައްކަތް ކުރުމަށާއި މި ލޯކަލް ކައުންސިލް އިންތިހާބަށް ވެސް މަސައްކަތް ކޮށް ދިނުމަށް ގޮވާލެއްވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox