އިއުލާން ނުކޮށް ބިން ދެވޭނެ ބޭނުންތައް ބަޔާންކޮށް ގަވާއިދެއް ނެރެފި

ހައުސިން މިނިސްޓަރު ޑރ. އަލީ ހައިދަރު، ދިރިއުޅުމަށް ފިޔަވައި އެހެން ބޭނުންތަކަށް ބިން ދޫކުރާނެ ހަމަތަކުގެ ގަވާއިދެއް ނެރެފި - ފޮޓޯ: ރައީސް އޮފީސް

ހައުސިން މިނިސްޓަރު ޑރ. އަލީ ހައިދަރު، ދިރިއުޅުމަށް ފިޔަވައި އެހެން ބޭނުންތަކަށް ބިން ދޫކުރާނެ ހަމަތަކުގެ ގަވާއިދެއް ނެރެފި - ފޮޓޯ: ރައީސް އޮފީސް

އާންމު އިއުލާންނުކޮށް އަދި ބީލަމަށް އިއުލާން ނުކޮށް ރަށްރަށުން ބިން ދޫކުރެވޭނެ ބޭނުންތައް ބަޔާންކޮށް، ދިރިއުޅުން ނޫން އެެހެން ބޭނުންތަކަށް ބިން ދޫކުރުމާއި ރަޖިސްޓްރީ ކުރުމުގެ ގަވާއިދެއް ހައުސިން މިނިސްޓްރީން ނެރެފި އެވެ.

ހައުސިން މިނިސްޓްރީގެ ގަވާއިދުގައި ބުނާ ގޮތުން، ފަސް ގޮތަކަށް ބިން ދޫކުރެވިދާނެ އެވެ. އެއީ ކުއްޔަށް ދިނުން، ވިއްކުން، ވަގުތީ ގޮތުން ބެލެހެއްޓުމަށް ދިނުން، ދައުލަތުގެ ވުޒާރާތަކާއި އިދާރާތަކުގެ ބޭނުންތަކަށް ދޫކުރުމާއި ކުއްޔަކާ ނުލާ ދިނުމެވެ.

އެ ގަވާއިދުގެ ދަށުން ރައީސުލްޖުމްހޫރިއްޔާގެ ގަރާރުން ކަނޑައަޅުއްވާ، ކައުންސިލްތަކުގެ އިހުތިސޯސްގައި ހިމެނޭ ރަށަކުން ބިން ދޫކުރާނީ އެ ރަށެއް ހިމެނޭ ކައުންސިލަކުން ކަމަށާއި އެ ނޫން ބިންތައް ދޫކުރާނީ މިނިސްޓްރީން ކަމަށް ގަވާއިދުގައިވެ އެވެ.

Advertisement

ބީލަމުގެ އުސޫލުން ބިން ދޫކުރާނެ ހަމަތަކާއި، ބީލަމަކާ ނުލާ، އާންމު އިއުލާނަކުން ބިން ދޫކުރާނެ އުސޫލުތަކުގެ އިތުރުން އިއުލާން ނުކޮށް ބިން ދޫކުރާނެ ބޭނުންތައް ގަވާއިދުގައި ހިމަނާފައިވެ އެވެ.

އެ ގޮތުން ބީލަމުގެ އުސޫލުން ބިން ދޫކުރަން އިއުލާންކުރާއިރު ހަ ކަމެއް އޭގައި ހިމަނަން ގަވާއިދުގައި ބުނެ އެވެ. އެއީ؛

  1. ބިން އޮތް ތަން، ބިމުގެ ބޮޑުމިން، ބިމުގެ ބާވަތް، އަދި ބިން ދޫކުރާ ބޭނުމުގެ މައުލޫމާތު
  2. ބިންތައް ކުއްޔަށް ދޫކުރާ މުއްދަތު
  3. ބިން ލިބޭ ފަރާތް ކަނޑައަޅަން، ޕޮއިންޓް ދިނުމުގައި އަމަލު ކުރާނެ ގޮތް
  4. ފޯމު ހުށަހަޅަން ޖެހޭ މުއްދަތު
  5. ހުށަހެޅޭނެ އެންމެ ކުޑަ ކުލި ނުވަތަ ބިން ވިއްކުމަށް ހުށަހެޅޭނެ އެންމެ ކުޑަ އަގު
  6. ބިން ހޯދުމަށް ހުށަހަޅާ ފަރާތުގައި ޝަރުތުތަކެއް ހުންނަން ޖެހޭނަމަ އެ ޝަރުތުތައް

ބީލަމުގެ އުސޫލަށް ނުފެތޭ ގޮތަށް ނަމަވެސް އާންމު އިއުލާނަކުން ބިން ދޫކުރެވެން ވާނެ ބޭނުންތައް އަދި އެކި ބޭނުންތަކަށް ދޫކުރާނެ މުއްދަތު ވެސް ގަވާއިދުގައިވެ އެވެ. އެއީ

  1. މަސް، ލަނޑާ ކައްކައި ހިއްކުން ފަދަ މަސައްކަތަށް ތިން އަހަރަށް ވުރެ ދިގު ނޫން މުއްދަތަކަށް
  2. ދަނޑުވެރިކަމުގެ މަސައްކަތަށް ތިން އަހަރަށް ވުރެ ދިގު ނޫން މުއްދަތަކަށް
  3. ޖަނަވާރު ގެންގުޅެން ތިން އަހަރަށް ވުރެ ދިގު ނޫން މުއްދަތަކަށް
  4. ގާޑިޔާ ވިޔަފާރި ހިންގަން އެއް އަހަރަށް ވުރެ ދިގު ނޫން މުއްދަތަކަށް
  5. ސާފުކޮށް ބެލެހެއްޓުމަށް އެއް އަހަރަށް ވުރެ ދިގު ނޫން މުއްދަތަކަށް

އާންމުކޮށް އިއުލާން ނުކޮށް ބިން ދޫކުރެވޭނެ ފަސް ބޭނުމެއް ގަވާއިދުގައި ހިމަނާފައިވެ އެވެ. އެއީ؛

  1. ދައުލަތުގެ ވުޒާރާތައް އަދި އިދާރާތަކަށް ދޫކުރުން
  2. އާންމު އިޖުތިމާއީ ބޭނުމަށް ދޫކުރުން
  3. އާންމު ހިދުމަތްތަކަށް ބިން ދޫކުރުން
  4. ބޭރު ގައުމެއްގެ ޑިޕްލޮމެޓިކް މިޝަން އަދި ބައިނަލްއަގްވާމީ ޖަމިއްޔާއެއްގެ ބޭނުމަކަށް
  5. އޮޑިވަޅު ބިން

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox