ވެރި ވަރަށް މާލޭގައި 500 ހައުސިން ޔުނިޓު އަޅަން އެހީތެރިކަން ފޯރުކޮށްދިނުމުގެ އެއްބަސްވުމެއްގައި މިއަދު ސޮއިކޮށްފި އެވެ.
ހައުސިން މިނިސްޓްރީ އިން، ޗައިނާގެ ވެރި ރަށް ބެއިޖީންގް ގައި ސޮއި ކުރި އެ އެއްބަސްވުމުގެ ދަށުން ހައުސިން ޔުނިޓު އިމާރާތް ކުރަން ޗައިނާއިން އިންޓްރެސްޓް ފްރީ ލޯނެއް ދޫކުރާނެ އެވެ.
އެ އެއްބަސްވުމުގައި ސޮއި ކުރީ ގްލޯބަލް އެކްޝަން ފޯ ޝެއާޑް ޑިވެލޮޕްމަންޓް ކޮންފަރެންސުގެ ތެރެއިންނެވެ.
އޭގެ އިތުރުން، ޗައިނާއިން ރާއްޖޭގައި ކުރިއަށްގެންދާ ހިލޭ އެހީ ޕްރޮގްރާމްތަކުގެ މަސައްކަތް ކުރިއަށްދާ ގޮތުގެ މަޝްވަރާތައް ވެސް އެ ކޮންފަރެންސުގެ ތެރެއިން ކުރިއަށް ގެންގޮސްފައިވާ ކަމަށް ސަރުކާރުން ބުނެ އެވެ.
ޗައިނާގެ ހިލޭ އެހީގައި މާލޭގެ މަގުތައް ހެދުމުގެ އެއްބަސްވުމެއްގައި ވެސް މީގެ ކުރިން ވަނީ ސޮއިކޮށްފަ އެވެ. ނަމަވެސް އެ ޕްރޮޖެކްޓު އަދިވެސް ފެށޭ ގޮތެއް ނުވެ އެވެ.
ޗައިނާގެ އެހީގައި މަގު ހެދެން ނުފެށެނީސް ސަރުކާރުން ދަނީ ބޮޑުތަކުރުފާނުގެ މަގުގެ ބައެއް ބައިބައި ސެގްމެންޓުތަކަކަށް ބަހައިގެން ހަދަމުންނެވެ.
