ސްޓޮކު އާވެ، ބާޒާރުގައި އަނެއްކާ ވެސް ކުރުނބާ ތިޔާގިވެއްޖެ

ބާޒާރުގައި ކުރުނބާ މިއަދު ތިޔާގިވުން، އިއްޔެ ފެނުނީ ކުރުނބާ ވަރަށް މަދުކޮށް -- ފޮޓޯ: އިޔާދު / އަދަދު

ބާޒާރުގައި ކުރުނބާ މިއަދު ތިޔާގިވުން، އިއްޔެ ފެނުނީ ކުރުނބާ ވަރަށް މަދުކޮށް -- ފޮޓޯ: އިޔާދު / އަދަދު

މާލޭ ދަތުރުވެރިންގެ މާރުކެޓުގައި ކުރުނބާ މިއަދު ވަރަށް ބޮޑަށް ތިޔާގިވެއްޖެ އެވެ.

ބާޒާރުގެ ގޮޅިއެއްގައި މަސައްކަތްކުރާ މީހަކު "އަދަދު" އާ ވާހަކަ ދައްކަމުން ބުނީ ކުރުނބާ މިއަދު ތިޔާގިވީ ރޭ ރަށްރަށުން ކުރުނބާ ލިބުމުން ކަމަށެވެ.

ބާޒާރުގައި ކުރުނބާ ލިބެން ހުރީ 25ރ. އިން ފެށިގެން 50ރ. އާ ދެމެދުގެ އަގެއްގަ އެވެ. ގަބުޅި ލިބެން ހުރީ 20ރ. އާއި 25ރ. އާ ދެމެދުގެ އަގެއްގަ އެވެ. އަދި ކާށި ލިބެން ހުރީ 5ރ. އާއި 15ރ. އާ ދެމެދުގެ އަގެއްގަ އެވެ.

މިރުހުގެ އަގުތަކަށް ބަލާއިރު ކަނޑޫދޫ މިރުހުގެ 100 ގްރާމު 40ރ. އާއި 50ރ. އާ ދެމެދުގެ އަގެއްގައި ލިބެން ހުރިއިރު، ލާމު މިރުހުގެ 100 ގްރާމު ލިބެން ހުރީ 40ރ. އަށެވެ. އަދި ލަންކާ މިރުހުގެ 100 ގްރާމު ލިބެން ހުރީ 35ރ. އާއި 40ރ. އާ ދެމެދުގެ އަގެއްގަ އެވެ.

ތަރުކާރީއަށް ބަލާއިރު ލީކްސް ކިލޯއެއް ބާޒާރުން ލިބެން ހުރީ 70ރ. އާއި 80ރ. އާ ދެމެދުގެ އަގެއްގައި ކަމަށްވާއިރު، ކެބެޖު ކިލޯއެއްގެ އަގު ހުރީ 40ރ. އަށެވެ. އަދި ކެޕްސިކަމް ކިލޯއެއް 60ރ. އަށް ހުރިއިރު، ބީންސް ކިލޯއެއްގެ އަގު ހުރީ 65ރ. އަށެވެ.

ކިއުކަމްބާ ކިލޯއެއް 30ރ. އަށް ލިބެން ހުރިއިރު، ލޭޑީސް ފިންގާ ކިލޯއެއްގެ އަގު ހުރީ 60ރ. އަށެވެ. އަދި ތޮރާ ކިލޯއެއްގެ އަގު ހުރީ 35ރ. އަށެވެ.

މީގެ އިތުރުން ބަރަބޯ ކިލޯއެއް 35ރ. އަށް ހުރިއިރު، ކައްޓަލަ ކިލޯއެއްގެ އަގު ވަނީ 45ރ. އާއި 50ރ. ދެމެދުގެ އަގަކަށް ވެއްޓިފަ އެވެ. އަދި ބަނބުކޭލެއްގެ އަގު އުޅެނީ 40ރ. އާއި 50ރ. އާ ދެމެދުގެ އަގެއްގަ އެވެ.

ބާޒާރުގައި އެހެން ދުވަސްތަކަކާ އެއްގޮތަށް މިއަދު ވެސް މޭވާ ތިޔާގިކޮށް ފެނިގެންދިޔައިރު، ކަރާ ކިލޯއެއް ލިބެން ހުރީ 13ރ. އާއި 18ރ. އާ ދެމެދުގެ އަގެއްގަ އެވެ. އަދި އަލަނާސި ކަރާ ކިލޯއެއްގެ އަގު ހުރީ 25ރ. އާއި 30ރ. އާ ދެމެދުގެ އަގެއްގަ އެވެ.

އާފަލެއްގެ އަގު 5ރ. އާއި 6ރ. އަށް ހުރިއިރު، އޮރެންޖެއްގެ އަގު އުޅެނީ 9ރ. އާއި 10ރ. އާ ދެމެދުގެ އަގެއްގައިކަން ފާހަގަކޮށްލެވެ އެވެ. އަދި އަންނާރު ކިލޯއެއް ހުރީ 110ރ. އަށް ކަމަށްވާއިރު، ޖުމްހޫރީ މޭވާ ކިލޯއެއް ހުރީ 120ރ. އާއި 130ރ. އާ ދެމެދުގެ އަގެއްގަ އެވެ.

ގްރޭޕްސްގެ ހުރިހާ ބާވަތެއް ވެސް 18ރ. އަށް 100 ގްރާމު ލިބެން ހުރިއިރު، ސްޓްރޯބެރީގެ 250 ގްރާމުގެ ތަށްޓެއް ލިބެން ހުރީ 40ރ. އާއި 70ރ. އަށެވެ. އަދި ދޮންކެޔޮ ކިލޯއެއް ހުރީ 40ރ. އާއި 70ރ. އާ ދެމެދުގެ އަގެެއްގަ އެވެ.

ޕިއާސް ކިލޯއެއްގެ އަގު 120ރ. އަށް ހުރިއިރު، ރޯ ކަދުރު ކިލޯއެއްގެ އަގު ހުރީ 40ރ. އަށެވެ. އަދި ފަޅޯ ކިޅޯއެއްގެ އަގު އުޅެނީ 45ރ. އާއި 50ރ. އާ ދެމެދުގެ އަގެއްގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox