ބާޒާރުގައި މިރުހުގެ އަގު އަތް ނުފޯރާ ފަށުގައި

މާލޭ ލޯކަލް މާރުކޭޓުގައި ވިއްކަން ބަހައްޓާފައި ހުރި މިރުސްތަކެއް މީހަކު ކޮތަޅަކަށް އަޅަނީ. ބާޒާރުގައި ރާއްޖޭގެ ގިނަ އުފެއްދުންތަކުގެ އަގު ރޯދަަަމަހު ބޮޑުވޭ. ފޮޓޯ:މުހައްމަދު ޝަހުުޒާން/އަދަދު

މާލޭ ލޯކަލް މާރުކޭޓުގައި ވިއްކަން ބަހައްޓާފައި ހުރި މިރުސްތަކެއް މީހަކު ކޮތަޅަކަށް އަޅަނީ. ބާޒާރުގައި ރާއްޖޭގެ ގިނަ އުފެއްދުންތަކުގެ އަގު ރޯދަަަމަހު ބޮޑުވޭ. ފޮޓޯ:މުހައްމަދު ޝަހުުޒާން/އަދަދު

ބާޒާރުގައި މިރުހުގެ އަގު އަތް ނުފޯރާ ފަށަށް ބޮޑުވެއްޖެ އެވެ.

މާލޭ ލޯކަލް މާރުކޭޓުގައި މިރުހުގެ އަގު މިއަދު އެވްރެޖުކޮށް ކިލޯއެއް 800ރ. އަށްވުރެ މަތީގައި ހުރިއިރު، އިއްޔެ ކިލޯއެއް ލިބެން ހުރީ 700ރ. އާއި 800ރ. އާ ދެމެދުގެ އަގެއްގަ އެވެ.

މާރުކޭޓުގައި ލ. ގަމުގެ މިރުހުގެ އިތުރުން ކަނޑޫދޫ މިރުސް ލިބެން ހުރިއިރު، ކަނޑޫދޫ މިރުސް ލިބެން ހުރީ ގަމުގެ މިރުހަށްވުރެ އަގު ބޮޑު ކޮށެވެ. އެގޮތުން ގަމުގެ މިރުސް 70ރ. އަށް 100 ގްރާމު ލިބޭއިރު، ކަނޑޫދޫ މިރުހުގެ 100 ގްރާމު ލިބެން ހުރީ 85ރ. އަށެވެ.

މީގެއިތުރުން ދިގު މިރުސް މަދުން ނަމަވެސް މާރުކޭޓުގައި ހުރިއިރު އެ މިރުހުގެ 100 ގްރާމުގެ އަގު އުޅެނީ 10ރ. އަށެވެ.

ބާޒާރުގައި އިއްޔެ ދޮންކެޔޮ މަދުކޮށް ހުރި ނަމަވެސް، މިއަދު ދޮންކެޔޮ ވަނީ އިއްޔެއަށްވުރެ ތިޔާގިވެފަ އެވެ. އަދި ދޮންކެޔޮ ކިލޯއެއް މިއަދު 40، 50، 60 އަދި 65ރ. އަށް ލިބެން ހުއްޓެވެ.

ކަރާގެ އަގު އިއްޔެއާ އެއްވަރެއްގައި 20ރ. ގައި ހިފެހެއްޓިފައިވާއިރު، ބައެއް ގޮޅިތަކުން 18ރ އަށްވެސް ކިލޯއެއް އަންނަނީ ވިއްކަމުންނެވެ. އަދި ލުނބޯ ކިލޯއެއް އިއްޔެއާ އެއްވަރެއްގައި މިއަދުވެސް ލިބެން ހުރީ ކިލޯއެއް 70ރ. އަށެވެ.

ކިއުކަމްބާގެ އަގު 30ރ. އާއި 40ރ. އާ ދެމެދު ހުރިއިރު، ޓޮމާޓޯ ކިލޯއެއް ލިބެން ހުރީ 35ރ. އަށް ކިލޯއެކެވެ. އަދި ކެރެޓު ލިބެން ހުރީ 35ރ. އަށް ކިލޯއެކެވެ. ބަށި ކިލޯއެއް 65ރ. އަށް ހުރިއިރު، ބަޓާނާ ހުރީ ކިލޯއެއް 45ރ. އަށެވެ.

ފަތްޕިލާވެއްޔަށް ބަލާއިރު ބާޒާރުގައި ލެޓިއުސްގެ އަގު ހުރީ 50ރ. އާއި 70ރ. އާ ދެމެދުގެ އަގެއްގަ އެވެ. ކުއްޅަވަށް ބޮނޑިއެއް 10ރ. އިން 25ރ. އާ ދެމެދުގެ އަގަކަށް ހުރިއިރު، ކޮޕީފަތް ބޮނޑިއެއް ލިބެން ހުރީ 10ރ. އަށެވެ. އަދި ބަނބުކެޔޮ ކިލޯއެއް ލިބެން ހުރީ 40ރ. އަށެވެ.

މޭވާގެ ބާވަތްތަކަށް ބަލާއިރު މޭބިސްކަދުރު 15ރ. އާއި 20ރ. އާ ދެމެދު 100 ގްރާމު ލިބެން ހުއްޓެވެ. ސްޓްރޯބެރީ 250 ގްރާމުގެ ތަށްޓެއް 70ރ. އަށްލިބެން ހުރިއިރު، ފަޅޯ ކިލޯއެއް ލިބެން ހުރީ 50ރ. އަށެވެ. އަދި ކިވީ ކިލޯއެއް 150ރ އާއި 180ރ އަށް ހުރިއިރު، އޮރެންޖެއް ލިބެން ހުރީ 7ރ. އާއި 8ރ. އާ ދެމެދުގެ އަގެއްގަ އެވެ. އަދި މެންޑެރިން ކިލޯއެއް ލިބެން ހުރީ 70ރ. އަށެވެ.

މީގެއިތުރުން އަނބު ކިލޯއެއް 150ރ. ގެ މަގުން ލިބެން ހުއިރު، އަލަ ކިލޯއެއް ލިބެން ހުރީ 50ރ. އަށެވެ. އަދި ކައްޓަލަ ކިލޯއެއް ލިބެން ހުރީ 45ރ. އަށް ކިލޯއެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox