ލިވަޕޫލް (ޑިސެމްބަރު 28) - އިނގިރޭސި ޕްރިމިއާ ލީގުގައި ރޭ އެވަޓަން އަތުން ފަހަތުން އަރައި 3-1 އިން މެންޗެސްޓާ ސިޓީ މޮޅުވެއްޖެ އެވެ.
މެޗުގެ ފުރަތަމަ ހާފުގައި އެވަޓަންގެ ޖެކް ހެރިސަން ޖެހި ލަނޑާ އެކު، އެވަޓަން އިން ވަނީ ލީޑު ނަގައިފަ އެވެ.
އެކަމަކު, މެޗުގެ ދެވަނަ ހާފުގައި ސިޓީން ވަނީ އެ ޓީމު ކޮޅަށް މެޗު އަނބުރާލައިފަ އެވެ. މެޗުގެ 53 ވަނަ މިނިޓުގައި ސިޓީން ނަތީޖާ ހަމަހަކުރީ ފިލް ފޯޑެން ޖެހި ލަނޑުންނެވެ.
އަދި މެޗުގެ 64 ވަނަ މިނިޓުގައި ލިބުނު ޕެނަލްޓީއަކުން، ސިޓީ އަށް ލީޑު ހޯދައިދިނީ އާޖެންޓީނާގެ ފޯވަޑް ހޫލިއަން އަލްވަރޭޒް އެވެ.
މެޗުގެ 86 ވަނަ މިނިޓުގައި ސިޓީގެ ތިން ވަނަ ލަނޑު ޖަހައިދިނީ ޕޯޗުގަލްގެ މިޑްފީލްޑަރު ބެނާޑޯ ސިލްވާ އެވެ.
އެންމެ ފަހުން ލީގުގައި ކުޅުނު ހަ މެޗުގެ ތެރެއިން ސިޓީ މޮޅުވީ އެންމެ މެޗަކުންނެވެ. މި މެޗުން މޮޅުވިޔަސް، ލީގުގެ އެންމެ ފަހުގެ ޗެމްޕިއަން ސިޓީ އޮތީ އެއް ވަނައިގައި އޮތް ލިވަޕޫލަށް ވުރެ ފަސް ޕޮއިންޓް ފަހަތުގަ އެވެ. ސިޓީ މިހާރު އޮތީ ތާވަލްގެ ހަތަރު ވަނައިގަ އެވެ.
"އަހަރެން ކޮންމެ ދުވަހަކުވެސް މި ކުޅުންތެރިންނަށް ހަނދާންކޮށްގެން އެ ކުޅުންތެރިންގެ ފެންވަރު،" މެޗަށް ފަހު ސިޓީގެ ކޯޗު ގާޑިއޯލާ ބުންޏެވެ. "އަހަންނަށް އެނގޭ ހަ މެޗުން އެންމެ މޮޅެއް ލިބުނީމަ ސިޓީގެ ފެންވަރާމެދު މީހުން ސުވާލު އުފެއްދިކަން. އެކަމަކު އެއީ މައްސަލައެއް ނޫން. ނަތީޖާ މުހިންމުވާނީ."
މެޗުގެ 13 ވަނަ މިނިޓުގައި ޗެލްސީން ލީޑު ނެގީ މިހައުލޯ މުޑްރިކް ޖެހި ލަނޑުންނެވެ. އެކަމަކު މެޗުގެ ފުރަތަމަ ހާފު ނިމެން ގާތްވެފައި ވަނިކޮށް، ކްރިސްޓަލް ޕެލެސްގެ މިޝޭލް އޮލީސޭ ވަނީ ލަނޑެއް ޖަހައި މެޗުގެ ނަތީޖާ އެއްވަރުކޮށްފައެވެ.
ލީގުގައި އެންމެ ފަހުން ކުޅުނު ތިން މެޗުންވެސް ބަލިވެފައި އޮތް ޗެލްސީ މެޗުން މޮޅުވީ 88 ވަނަ މިނިޓުގައި ލިބުނު ޕެނަލްޓީއަކުން ނޯނީ މަޑުއެކޭ ކާމިޔާބުކުރި ލަނޑުންނެވެ.
"ޕްރިމިއާ ލީގަކީ ވަރަށް ވަރުގަދަ ލީގެއް. އެހެންވީމަ އެއް ފެންވަރެއްގައި ނަތީޖާތައް ހިފެހެއްޓުމަކީ އެންމެ މުހިންމު ކަންތައް،" މެޗަށް ފަހު ޗެލްސީގެ ކޯޗު މައުރީސިއޯ ޕޮޗެޓީނޯ ބުންޏެވެ.
ރަށުން ބޭރުގައި ރޭ ބްރެންޓްފޯޑް އަތުން ވުލްވްސް މޮޅުވީ 4-1 އިންނެވެ.
