މާލޭގައި މީހަކު ހައްޔަރުކުރަން އުޅުމުގެ ތެރޭގައި މިރޭ ފުލުހަކަށް އަނިޔާވެއްޖެ އެވެ.
ފުލުހުން ބުނި ގޮތުގައި މިކަމެއް ހިނގީ ޖަނަވަރީ މަގު ޕެޓްރޯލް ކުރަން އުޅުނު ފުލުހުންތަކަކަށް، މަސްތުވާތަކެތި ގެންގުޅުނު ކަމަށް ތުހުމަތު ކުރެވުނު މީހަކު ހައްޔަރު ކުރަން އުޅުމުގެ ތެރޭގައި ކަމަށެވެ. ފުލުސް މީހާއަށް ލިބުނު އަނިޔާގެ ތަފްސީލެއް ފުލުހުން ނުބުނެ އެވެ.
މި މައްސަލައިގައި 37 އަހަރުގެ ދިވެހި ފިރިހެނަކު ވަނީ ފުލުހުންގެ ބެލުމުގެ ދަށަށް ގެންގޮސްފަ އެވެ.
Advertisement
ސޯޝަލް މީޑީއާގައި ދައުރުވަމުންދާ ވީޑިއޯއެއްގައި މި މީހާ ހައްޔަރުކޮށްގެން ގެންދާ މަންޒަރު ފެނެ އެވެ. ނަމަވެސް އަޑު ފެތުރިފައިވާ ގޮތަށް އެ މީހާ ފުލުހަކަށް ހަމަލާ ދިން ކަމަށް ބާރުދޭ ފަދަ ވާހަކައެއް ފުލުހުން ހިއްސާ ނުކުރެ އެވެ.
ފުލުހުން އަންނަނީ މި މައްސަލަ އިތުރަށް ތަހުގީގު ކުރަމުންނެވެ.
