ވެރިކަން ނިމެން އެއް ދުވަހަށް ވެފައި އޮއްވައި ބްރިޖު ނިންމަންޖެހޭ ތާރީހު 2026 އަށް އޮތީ ބަދަލުކޮށްފައި: މިނިސްޓަރު މުއްތަލިބު

ބުރިޖުގެ މަޝްރޫއުއާ ގުޅޭގޮތުން މައުލޫމާތު ދެއްވުމަށް މިއަދު ބޭއްވި ނޫސްވެރިންގެ ބައްދަލުވުމުގެ ތެރެއިން --

ބުރިޖުގެ މަޝްރޫއުއާ ގުޅޭގޮތުން މައުލޫމާތު ދެއްވުމަށް މިއަދު ބޭއްވި ނޫސްވެރިންގެ ބައްދަލުވުމުގެ ތެރެއިން --

ކުރީގެ ސަރުކާރުން އޮތީ ދައުރު ހަމަވުމުގެ އެއް ދުވަސް ކުރިން އެފްކޮންސްއާ އެކު ސަޕްލިމެންޓަރީ އެއްބަސްވުމެއްގައި ސޮއިކޮށްފައި ކަމަށާއި އެ އެއްބަސްވުމުގެ ދަށުން މިހާރު ތިލަމާލެ ބްރިޖުގެ މަސައްކަތް ނިންމަންޖެހޭ ތާރީހަކީ ސެޕްޓެމްބަރު 30، 2026 ކަމަށް އިންފްރާސްޓްރަކްޗާ މިނިސްޓަރު ޑރ. އަބްދުﷲ މުއްތަލިބު މިއަދު ވިދާޅުވެެއްޖެ އެވެ.

ބްރިޖުގެ މަޝްރޫއުއާ ގުޅޭގޮތުން މައުލޫމާތު ދިނުމަށް މިއަދު އެ މިނިސްޓަރީގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްވަމުން މިނިސްޓަރު މުއްތަލިބު ވިދާޅުވީ ކުރީ ސަރުކާރުން އެފްކޮންސްއާ އެކު ސަޕްލިމެންޓަރީ އެއްބަސްވުމެއްގައި ސޮއިކޮށްފައި ވަނީ ކަނޑައެޅިފައި އޮތް މުއްދަތުގެ ތެރޭގައި ބްރިޖުގެ މަސައްކަތް ނުނިންމޭނެ ކަން އެފްކޮންސްއަށް ކަށަވަރުވެފައިވުމާއި ސަރުކާރުން ކޮންޓުރެކްޓަރަށް ދޭންޖެހޭ ބިންތަކެއް ހަވާލު ކޮށްފައި ނުވުމުގެ އިތުރުން މަސައްކަތް ނިިންމަންޖެހޭ ތާރީހަށްވުރެ ލަސްވެގެން ހިނގައްޖެ ނަމަ ކޮންޓުރެކްޓަރު ބޮޑު އަދަދަކުން ޖޫރިމަނާ ވާނެތީ އެކަމަށް ހައްލެއް ހޯދުމަށް ކަމަށެވެ.

"އާ ސަރުކާރު ހަވާލުވުމުގެ އެއްދުވަސް ކުރިން މިއޮތީ ސަޕްލިމެންޓަރީ އެގުރީމެންޓެއްގައި ސޮއިކޮށްފައި، އެ އެގުރީމަންޓުގައި ވާގޮތުން މިހާރު މަސައްކަތް ނިންމަންޖެހޭ ތާރީހަކީ 30 ސެޕްޓެމްބަރު، 2026،" މުއްތަލިބު ވިދާޅުވި އެވެ.

ވެރިކަން ބަދަލުވުމުގެ އެއް ދުވަސް ކުރިން އެފްކޮންސްއާ އެކު ވެފައިވާ އެއްބަސްވުމަށް މި ސަރުކާރުން ފުރިހަމައަށް އިހުތިރާމު ކުރި ނަމަވެސް އެފްކޮންސްއާ ވާހަކަ ދައްކައިގެން އަވަސް ކުރެވެން ހުރި ކަންކަން ބަލައި އެ ކަންކަން އަވަސް ކުރެވޭތޯ މަސައްކަތް ކުރައްވާނެ ކަމަށް ވެސް މުއްތަލިބު ވިދާޅުވި އެވެ.

ކުރީ ސަރުކާރުން އެފްކޮންސްއާ ތިލަމާލެ ބްރިޖު އެޅުމުގެ މަސައްކަތް ހަވާލު ކުރީ ދެ މަރުހަލާއަކަށް ބަހާލައިގެން މަސައްކަތް އެއްކޮށް ނިންމާ ގޮތަށް ސެޕްޓެމްބަރު 16، 2021 ގަ އެވެ. އެގޮތުން މާލެއިން ގުޅީފަޅާ ހަމައަށް ބްރިޖުން ގުޅައި 27 މަސްދުވަސް ތެރޭގައި ނިންމުމަށް ދެފަރާތުން އޭރު އެއްބަސްވެފައިވެ އެވެ. އަދި ބުރޖުގެ ދެވަނަ ފިޔަވަހީގެ ގޮތުގައި ތިލަފުށްޓާ ހަމައަށް 32 މަސްދުވަސް ތެރޭގައި ނިންމުމަށް ދެފަރާތުން އެއްބަސްވެފައިވެ އެވެ. މުޅި ބްރިޖުގެ މަސައްކަތް ނިންމަން ޖެހޭނެ ކަމަށް އޭރު ކަނޑައަޅާފައި ވަނީ މެއި 17، 2021 އަށެވެ.

ނަމަވެސް ކުރީގެ ސަރުކާރާ އެފްކޮންސްއާ ދެމެދު އެކުލަވާލައިފައިވާ ސަޕްލިމެންޓަރީ އެއްބަސްވުމުގައި ވާގޮތުން މިހާރު ފުރަތަމަ ފިޔަވަހީގެ މަސައްކަތް ވަނީ 51.5 މަހަށް އިތުރު ކޮށްދީފަ އެވެ. އަދި ދެވަނަ ފިޔަވަހީގެ މަސައްކަތް ވަނީ 45 މަސްދުވަހަށް އިތުރު ކޮށްދީފަ އެވެ.

ނޫސްވެރިންގެ ބައްދަލުވުމުގައި މިނިސްޓަރު މުއްތަލިބު ވަނީ މަސައްކަތް ދިގުލައިގެން ގޮސްފައި ވަނީ އެފަދަ މަސައްކަތެއް ކުރުމުގެ ތަޖުރިބާ އާއި ގާބިލުކަން އެފްކޮންސްގެ ނެތުމާއި ތިލަމާލެ ބްރިޖުގެ މަސައްކަތަކީ ވަރަށް ކުޑަ މަސައްތެއްގެ ގޮތުގައި އެ ކުންފުނި ދުށުން ކަމަށް ވިދާޅުވި އެވެ.

"ދެން ކުރެވޭނެ ކަމަކީ މި ސްކެޑިއުލުން ކައްސާ ނުލައި ކުރިއަށް ދެވޭނެ ގޮތެއް ހޯދުން، އެ އެއްބަސްވުމަށް އަޅުގަނޑުމެން އިހުތުރާމު ކުރަން، އެހެންނަމަވެސް ކޮންޓުރެކްޓަރާ ވާހަކަދައްކަައިގެން އަވަސް ކުރެވޭނެ ކަންކަން އަވަސް ކުރެވޭތޯ އަޅުގަނޑުމެން މަސައްކަތް ކުރާނަން،" މިނިސްޓަރު ވިދާޅުވި އެވެ.

ބްރިޖު އެޅުމުގެ މަސައްކަތުގައި އެފްކޮންސްގެ 1500 އަށްވުރެ ގިނަ މީހުން ހަރަކާތްތެރިވެ އެވެ. ބްރިޖުގެ މަސައްކަތް ފުރަތަމަ ހަވާލު ކުރިއިރު، އޮތީ އަންނަ މަހުގެ ނިޔަލަށް ގުޅީފަޅާ ހަމައަށް އަދި އަންނަ އަހަރުގެ މެއި މަހަށް ތިލަފުށްޓާ ހަމައަށް ގުޅައިލާ ގޮތަށެވެ. ނަމަވެސް ތާވަލު ކުރި ގޮތާ ހިލާފަށް މަސައްކަތް ވަނީ ވަރަށް ބޮޑަށް ލަސްވެގެން ގޮސްފަ އެވެ.

ގުރޭޓާ މާލެ ކަނެކްޓިވިޓީ ޕުރޮޖެކްޓަކީ މިހައިތަނަށް ރާއްޖޭގައި ހިންގޭ އުމްރާނީ ތަރައްގީގެ އެންމެ ބޮޑު މަޝްރޫއު އެވެ. އެ މަޝްރޫއުގެ ދަށުން 6.7 ކިލޯމީޓަރުގެ ބްރިޖާއި ކޯޒްވޭއިން މާލެއިން ފެށިގެން ގޮސް ތިލަފުށްޓާ ހަމައަށް ގުޅައިލާނެ އެވެ.

ބްރިޖު އެޅުމަށް ފަންޑު ކުރަނީ އިންޑިއާގެ އެގްޒިމް ބޭންކުން ލޯނުގެ ގޮތުގައި ދީފައިވާ 400 މިލިއަން ޑޮލަރުގެ އިތުރުން އިންޑިއާ ސަރުކާރުން ހިލޭ އެހީގެ ގޮތުގައި ދީފައިވާ 100 މިލިއަން ރުފިޔާއިންނާއި ދިވެހި ދައުލަތުގެ ފައިސާއިންނެވެ. ބްރިޖު އެޅުމަށް ހަރަދު ވާނެ ކަމަށް ކުރީގެ ސަރުކާރުން އަންދާޒާ ކޮށްފައި ވަނީ ޖީއެސްޓީ ނުހިމަނައި 500 މިލިއަން ޑޮރަލެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox