އުތުރު ތިލަފަޅުން ފެށިގެން ފުށި ދިއްގަރު ފަޅާ ހަމަޔަށް ޒަމާނީ އާ ސަހަރުތަކެއް އުފައްދާނަން: ރައީސް

އުތުރު ތިލަފަޅުން ގޯތި ދިނުމަށް ކުރީ ސަރުކާރުން ހިއްކަން ފަށާފައިވާ ސަރަހައްދު --- ފޮޓޯ: މިރާޝް ނާޝިމް/އަދަދު

އުތުރު ތިލަފަޅުން ގޯތި ދިނުމަށް ކުރީ ސަރުކާރުން ހިއްކަން ފަށާފައިވާ ސަރަހައްދު --- ފޮޓޯ: މިރާޝް ނާޝިމް/އަދަދު

ކުރިއަށް އޮތް ފަސް އަހަރު ތެރޭ އުތުރު ތިލަފަޅުން ފެށިގެން ފުށި ދިއްގަރު ފަޅާ ހަމަޔަށް ޒަމާނީ އިމާރާތްތަކާއި ބަގީޖާތަކުގެ ހާރެއް އަތުރައިލައްވާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.

ރައީސްކަމުގެ ހުވާ މިއަދު ކުރެއްވުމަށް ފަހު ގައުމާ މުހާތަބުކުރައްވަމުން ރައީސް މުއިއްޒު ވިދާޅުވީ ބިންވެރިކަމާ ގެދޮރުވެރިކަމަކީ ރާއްޖެއަށް ދިމާވެފައިވާ ވަރަށް ހައްސާސް މައްސަލައެއް ކަމަށެވެ. އަދި އެކަމުގެ ސަބަބުން އާއިލީ ގޮތުންނާއި އިޖުތިމާއީ ގޮތުންނާއި ދީނީ ގޮތުންވެސް ގިނަ މައްސަލަތަކެއް ކުރިމަތިވާ ކަމަށާއި ސިއްހީ އެތައް ގެއްލުންތަކަކާވެސް ކުރިމަތިލާންޖެހޭ ކަމަށް ވިދާޅުވި އެވެ.

"އިރާދަކުރެއްވިއްޔާ ބިންވެރިކަމާއި ގެދޮރުވެރިކަމުގެ ރަންޒަމާނެއް ގެނެސްދޭނީ މި ފެށުނު ރިޔާސީ އާ ދައުރުގައި. އުތުރު ތިލަ ފަޅުން ފެށިގެން ފުށި ދިއްގަރު ފަޅާ ހަމަޔަށް އެންމެ ޒަމާނީ އިމާރާތްތަކާއި ބަގީޗާތަކުގެ ހާރެއް އަތުރާލާނީ ތިޔަބޭފުޅުންގެ މި އާ ސަރުކާރުން" ރައީސް ވިދާޅުވި އެވެ.

ރައީސް ވިދާޅުވީ އެކަމަށް ބޭނުންވާ ލިޔެކިޔުންތަކުގެ ގިނަ މަސައްކަތްތަށް މިހާރުވެސް ހުރީ ނިމިފައި ކަމަށެވެ. އަދި ވަރަށް އަވަހަށް ޒަމާނީ އާ ސަހަރުތަކުގެ ޒީނަތްތެރި މަލަތައް ދިވެހި ފަޅުފަޅުން އުފުލިގެން އަންނާނެ ކަމަށް އެމަނިކުފާނު ވިދާޅުވި އެވެ.

ރައީސް ވިދާޅުވީ މީގެ އިތުރުންވެސް ރާއްޖެއަށް ދެމެހެއްޓެނިވި، އަދުލުވެރި ތަރައްގީގެ ނިޒާމެއް ބޭނުންވާ ކަމަށާއި މި ސަރުކާރުގެ ތަރައްގީގެ ހަރަކާތްތައް ކުރިއަށްގެންދާނީ އެ ވިސްނުމުގެ ތެރެއިން ކަމަށްވެސް ވިދާޅުވި އެވެ.

މާލެއަށް ދިމާވެފައިވާ ބޯހިޔާވަހިކަމުގެ މައްސަލައަށް ހައްލު ހޯދައިދިނުމަށްޓަކައި މާލެ ސަރަހައްދު އިތުރަށް ތަރައްގީކުރުމާއި ގެދޮރު އެޅުމަށް ލުއިފަސޭހެ ގޮތްތަކެއް ހަމަޖެއްސާނެ ކަމަށް ރައީސް މުއިއްޒުގެ މެނިފެސްޓޯގައި ވެސް ބުނެފައި ވެ އެވެ. އަދި ގޯއްޗާއި ފްލެޓަށް ޝަރުތު ހަމަވާ ކޮންމެ ރައްޔިތަކަށް އެކަން ކަށަވަރުކޮށްދިނުމަކީ ވެސް އެމަނިކުފާނުގެ ރިޔާސީ ވައުދުފުޅެކެވެ.

އެކަމަށްޓަކައި މާލެ ކައިރިން ތިން ފަޅެއް ހިއްކުމަށް އެމަނިކުފާނު ވަނީ މެނިފެސްޓޯގައި ޕްލޭން ކުރައްވާފަ އެވެ. އެއީ ގުޅީފަޅާއި, ގިރާވަރު ފަޅާއި, ފުށިދިއްގަރު ފަޅެވެ. އަދި މާލެ ރީޑެވެލޮޕް ކުރީމާ ހުސްވާ ބިންތަކާއި, ހުޅުމާލޭ އާއި ވިލިމާލެ މި ހުރިހާ ތަނަކުން ލިބޭ ބިންތައް އެއްކޮށްލައިގެން މާލެ ސަރަހައްދުން 65,000 ގެދޮރު ގާއިމުކޮށްދޭން ގޯތި ދިނުމަށް އެމަނިކުފާނު ވަނީ ވައުދުވެ ވަޑައިގެންފަ އެވެ.

ރައީސް މުއިއްޒުގެ ވައުދުފުޅާ އެއްގޮތައް ފުށިދިއްގަރު ފަޅު ހިއްކުމަށް އަންނަ އަހަރަށް ލަފާކުރާ ބަޖެޓުގައި 400 މިލިއަން ރުފިޔާ ވަނީ ހިމަނާފަ އެވެ. އެމަނިކުފާނު ވެރިކަމުގެ ފުރަތަމަ 100 ދުވަހުގެ ވައުދުތަކުގެ ތެރޭގައިވެސް އެ ފަޅު ހިއްކަން ފެށުން ވަނީ ހިމަނާފަ އެވެ.

މާލެެއަށް ދިމާވެފައިވާ ބޯހިޔާވަހިކަމުގެ މައްސަލަތަކަށް ހައްލެއް ހޯދައިދިނުމަށް ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުންވެސް ވަނީ ގިނަ މަސައްކަތްތަކެއް ފައްޓަވާފަ އެވެ. އެގޮތުން ގުޅީފަޅާއި ގިރާވަރު ފަޅާއި ހުޅުމާލެ ފަޅު އިތުރަށް ހިއްކައި މާލޭގެ ރައްޔިތުންނަށް އެމަނިކުފާނު ވަނީ ގޯތި ދެއްވާފަ އެވެ. އަދި އުތުރު ތިލަފަޅުން ހިއްކައިގެން އެތަނުންވެސް ގޯތި ދިނުމަށް އެމަނިކުފާނުގެ ސަރުކާރުގައި ޕްލޭން ކުރެއްވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox