މިދިޔަ މަހު ރާއްޖެއަށް އެންމެ ގިނަ ފަތުރުވެރިން ޒިޔާރަތްކުރީ ޗައިނާއިން ކަމަށް ޓޫރިޒަމް މިނިސްޓްރީގެ ތަފާސްހިސާބުތަކުން ދައްކައިފި އެވެ.
ޓޫރިޒަމުން އާންމުކޮށްފައިވާ ރާއްޖެ ޒިޔާރަތްކުރި ޓޫރިސްޓުންގެ އަދާހަމަ ތަފާސްހިސާބުތަކުން ދައްކާ ގޮތުގައި މިދިޔަ މަހުގެ ނިޔަލަށް 1.2 މިލިއަން ޓޫރިސްޓުން ރާއްޖެ އައިސްފި އެވެ. މިއީ މިދިޔަ އަހަރުގެ މި މުއްދަތަށް ވުރެ 14 ޕަސެންޓު އިތުރު އަދަދެކެވެ.
މިދިޔަ މަހު ރާއްޖެ އައި ޓޫރިސްޓުން އަދަދަކީ 151،587 އެވެ. މީގެ ތެރޭގައި ޗައިނާއިން އައި ޓޫރިސްޓުން އަދަދަކީ 28،939 އެވެ. މިއާ އެކީ ޗައިނާއިން ވަނީ ޓޫރިޒަމް މާކެޓުތަކުގެ ތިންވަނާގައި ހަމަޖެހިލާފަ އެވެ.
މިދިޔަ މަހު އެންމެ ގިނައިން ޓޫރިސްޓުން އައި ފަސް ގައުމު
- ޗައިނާ - 28،939
- ރަޝިއާ - 17،944
- އިންޑިއާ - 12،646
- އިޓަލީ - 10965
- އިނގިރޭސިވިލާތް (ޔޫކޭ) - 10809
އެންމެ ގިނަ ޓޫރިސްޓުން މިހާރު އަންނަނީ ޗައިނާއިން ކަމުގައިވީ ނަމަވެސް މުޅި އަހަރަށް ބަލާއިރު އަދިވެސް އެއްވަނައިގައި އޮތީ ކޮވިޑު ދުވަސްވަރުން ފެށިގެން ގިނަ އަދަދަކަށް ޓޫރިސްޓުން އަންނަ ރަޝިއާ އެވެ. ދެވަނައިގައި އޮތީ މިދިޔަ އަހަރު އެންމެ ގިނައިން ޓޫރިސްޓުން އައި އިންޑިއާ އެވެ.
