18 ގައުމަކުން 87 އެތުލީޓުންނާ އެކު އޭޝިއާގެ ބޮޑު ސާފިން މުބާރާތް ތުލުސްދޫގައި

Jul 9, 2023, 6:28 AM
އޭޝިއަން ސާފިން ޗެމްޕިއަންޝިޕް 2023 ރަސްމީކޮށް ފެށުމުގެ ގޮތުން އިއްޔެ ބޭއްވި ރަސްމިއްޔާތުގެ ތެރެއިން.--- ފޮޓޯ: އަބްދުﷲ އިޔާން/ އަދަދު

އޭޝިއަން ސާފިން ޗެމްޕިއަންޝިޕް 2023 ރަސްމީކޮށް ފެށުމުގެ ގޮތުން އިއްޔެ ބޭއްވި ރަސްމިއްޔާތުގެ ތެރެއިން.--- ފޮޓޯ: އަބްދުﷲ އިޔާން/ އަދަދު

ޖުމްލަ 18 ގައުމަކުން 87 ސާފަރުންނާ އެކު އޭޝިއަން ސާފިން ޗެމްޕިއަންޝިޕް ކ.ތުލުސްދޫގައި ފަށައިފި އެވެ.

މިއަދުން ފެށިގެން މި މަހުގެ 15އާ ހަމައަށް ތުލުސްދޫގައި ކުރިއަށްދާ މުބާރާތުގައި ވާދަކުރާ ގައުމުތަކަކީ އަފްގާނިސްތާން، ބަންގްލަދޭޝް، ޗައިނާ، ޗައިނީޒް ޓައިޕޭ، އިންޑިއާ، އިންޑޮނޭޝިއާ، އިރާން، ޖަޕާން، ލެބަނަން، މެލޭޝިއާ، މޮންގޯލިއާ، ފަލަސްތީން، ސައުދީ އަރަބިއްޔާ، ސިންގަޕޫރު، ދެކުނު ކޮރެއާ، ސްރީ ލަންކާ، ތައިލެންޑުގެ އިތުރުން ރާއްޖެ އެވެ.

އޭޝިއާ ސަރަހައްދުގެ އެންމެ ބޮޑު ސާފިން މުބާރާތް ރަސްމީކޮށް ހުޅުވައިދެއްވީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އެވެ. މި މުބާރާތް ހުޅުވުމުގެ ގޮތުން އިއްޔެ ބޭއްވި ރަސްމިއްޔާތުގައި، ރައީސުލްޖުމްހޫރިއްޔާގެ ނައިބު ފައިސަލް ނަސީމް އާއި މިނިސްޓަ އޮފް ޔޫތު ސްޕޯޓްސް އެންޑް ކޮމިއުނިޓީ އެމްޕަވަމެންޓް އަހުމަދު މަހުލޫފް ބައިވެރިވެވަޑައިގެންނެވިއެވެ. އަދި އޭޝިއާ ސާފިން ފެޑަރޭޝަންގެ ރައީސް ވެސް ބައިވެރިވެ ވަޑައިގެންނެވި އެވެ.

އޭޝިއާގެ 18 ގައުމެއްގެ މަތީ ފަންތީގެ ސާފަރުން ވާދަކުރާ މުބާރާތުގައި ރާއްޖޭގެ އެތުލީޓުން ވާދަކުރަނީ ފިރިހެން ޑިވިޝަން، އަންހެން ޑިވިޝަން އަދި ޖޫނިއާ ފިރިހެން ޑިވިޝަންގަ އެވެ.

އިއްޔެ ބޭއްވި އިވެންޓްގެ ތެރެއިން ރައީސް އިބްރާހިމް މުހައްމަދު ސޯލިހު އަށް ޝަރަފްވެރިކަމުގެ ފިލައެއް ހަދިޔާކުރަނީ.--- ފޮޓޯ: އަބްދުﷲ އިޔާން/ އަދަދު

ފިރިހެން ޑިވިޝަންގައި އަށް އެތުލީޓުން ވާދަކުރެ އެވެ. އެއީ މިދިޔަ އަހަރުގެ ގައުމީ ސާފް ލީގުގެ ޗެމްޕިއަން އަހުމަދު އާގިލް (އައްމަޑޭ)، ހޫދު އަހުމަދު، ޖައިލަމް ނިޒާރު، ހުސައިން އަރީފް (އިބޫ)، އަބްދުﷲ އަރީފް (ފުކު)، އިސްމާއިލް މިގްލާލް (ކުޑަ އިއްސެ)ގެ އިތުރުން ވައިލްޑް ކާޑް ސްލޮޓުގެ ގޮތުގައި ތުލުސްދޫގެ ސާފަރުންގެ ތެރެއިން ފުރުސަތު ލިބުނު އާދަމް މުއީން އިބްރާހިމް އާއި ހަސަން ނާސިހު (ޗިކާ) އެވެ.

އަންހެން ޑިވިޝަނުގައި ރާއްޖެއިން ވާދަކުރާ ބައިވެރިއަކީ އާޔާ ނަސީމް އެވެ. އާޔާ އަކީ ބައިނަލްއަގްވާމީ ސާފިން މުބާރާތެއްގައި ރާއްޖެ ތަމްސީލްކުރާ ފުރަތަމަ އަންހެން ރާޅާ އެޅުންތެރިޔާ އެވެ.

ޖުނިއާ ޑިވިޝަން ކަމަށްވާ 18 އަހަރުން ދަށުގެ ފިރިހެން ބައިގައިވެސް ރާއްޖޭގެ އަށް ރާޅަ އެޅުންތެރިން ވާދަކުރާނެ އެވެ. އެއީ ކަޔާން އަބްދުﷲ އަރީފް، ޔާސިން އަހުމަދު ނާޝިދު، މުހައްމަދު ޒަޔާން، ސައްޔިދު ސަލާހުއްދީން، އިސްމާއިލް މަދޫހު އަހުމަދު، ޝާނިފް ޝަފީގް، މުހައްމަދު އިނާން އަބްދުލްހަންނާން އަދި ޔޫސުފް ކަޔާން ހަމްދާން ޒަކީ އެވެ.

އޭޝިއަން ސާފިން ޗެމްޕިއަންޝިޕް 2023 ރަސްމީކޮށް ފެށުމުގެ ގޮތުން އިއްޔެ ބޭއްވި ރަސްމިއްޔާތުގެ ތެރެއިން.--- ފޮޓޯ: އަބްދުﷲ އިޔާން/ އަދަދު

މިއީ ޖޫނިއާ ސާފަރުންވެސް ބައިނަލްއަގްވާމީ އިވެންޓެއްގައި އަޅާ ފުރަތަމަ ފަހަރެވެ.

މުބާރާތުގެ އިވެންޓުތައް ފަށާނީ ފިރިހެން އޯޕަން ބައިގެ ހީޓުތަކުންނެވެ. ފުރަތަމަ ބުރުގައި 12 ހީޓެއް ކުރިއަށްދާނެ އެވެ.

އޭޝިއަން ސާފިން ޗެމްޕިއަންޝިޕަށް ތައްޔާރުވުމަށް ގައުމީ ޓީމުން އަންނަނީ މިދިޔަ ފެބްރުއަރީ މަހުން ފަށައިގެން ފަރިތަކުރުންތައް ކުރިއަށްގެންދަމުންނެވެ. ސައުތު އެފްރިކާގެ ތަޖުރިބާކާރު ކޯޗު ކްލައުޑް މާޓިންގެ އިރުޝާދުގެ ދަށުން ތައްޔާރުވެފައިވާ ގައުމީ ޓީމްގެ އަމާޒަކީ މި އިވެންޓުން މެޑަލްތަކެއް ހޯދުމެވެ.

އޭޝިއަން ސާފިން ޗެމްޕިއަންޝިޕް މި އަހަރު ރާއްޖޭގައި ބާއްވަނީ ތިން އަހަރުގެ މެދުކެނޑުމަކަށް ފަހުގަ އެވެ. އެންމެ ފަހުން މުބާރާތް ބޭއްވީ ޖަޕާނުގަ އެވެ. އެ ފަހަރު ރާއްޖޭ އިން ވެސް ވާދަކުރި އެވެ. މުބާރާތުގެ ފައިނަލު ހީޓުގައި ވާދަކޮށް ރާއްޖޭގެ ހުސައިން އަރީފް (އިބޫ) ލޯ މެޑަލް ހޯދިއިރު އިސްމާއިލް ރަޝީދު (ސްމައިލީ) ދިޔައީ ހަތަރަކަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox