އޭޝިއަން ސާފިން ޗެމްޕިއަންޝިޕް: ފިރިހެން ބައިން ދެ ވަނަ ރާއްޖެ އަށް

Jul 18, 2023, 8:26 AM
އޭޝިއަން ސާފިން ޗެމްޕިއަންޝިޕް 2023ގެ ފިރިހެން ބައިން ދެވަނަ ހޯދި ރާއްޖޭގެ ޓީމްގެ ކުޅުންތެރިންނާ އޮފިޝަލުން - ފޮޓޯ: މުހައްމަދު ޝާބިން/އަދަދު

އޭޝިއަން ސާފިން ޗެމްޕިއަންޝިޕް 2023ގެ ފިރިހެން ބައިން ދެވަނަ ހޯދި ރާއްޖޭގެ ޓީމްގެ ކުޅުންތެރިންނާ އޮފިޝަލުން - ފޮޓޯ: މުހައްމަދު ޝާބިން/އަދަދު

ކ.ތުލުސްދޫގައި އިއްޔެ ނިމުނު އޭޝިއަން ސާފިން ޗެމްޕިއަންޝިޕްގެ ފިރިހެން ބައިގެ ދެ ވަނަ ރާއްޖެ އިން ހޯދައިފި އެވެ.

މި މަހުގެ 8 އިން އިއްޔެގެ ނިޔަލަށް ކުރިއަށްދިޔަ މުބާރާތުގައި 18 ގައުމަކުން ސާފަރުން ވާދަކުރި އެވެ. އެ ގޮތުން ފަސް އިވެންޓެއް މި މުބާރާތުގައި ވަނީ ކުރިއަށް ގެންގޮސްފަ އެވެ. އެއީ، ފިރިހެން އޯޕަން، އަންހެން އޯޕަން، ޖޫނިއާ ފިރިހެން، ޖޫނިއާ އަންހެން އަދި މިކްސް ޓީމް އިވެންޓްކަމުގައިވާ އަލޯހާ ކަޕެވެ.

މުބާރާތުގެ ފިރިހެން ބައިގެ ގަދަ ތިން ގައުމާއި، އަންހެން ބައިގެ މޮޅު ތިން ގައުމު ވެސް ނިމުމުގެ ރަސްމިއްޔާތުގައި ވަނީ ހޮވައިފަ އެވެ. ފިރިހެން ބައިގެ އެންމެ ކާމިޔާބު ޓީމަކަށް ހޮވުނީ ޖަޕާނެވެ. ފިރިހެން ބައިގައި ހަތަރު އެތުލީޓުން ޖަޕާނުން ވާދަކުރިއިރު، ފިރިހެން އޯޕަން ބައިގެ ފައިނަލުގައި އޭގެ ތެރެއިން ދެ އެތުލީޓަކު ވާދަކުރި އެވެ. ޖޫނިއާ ފިރިހެން ބައިގެ ފައިނަލުގައި ވާދަކުރި ހަތަރު އެތުލީޓުންނަކީ ވެސް ޖަޕާންގެ އެތުލީޓުންނެވެ.

Advertisement

ފިރިހެން ބައިގެ ދެ ވަނަ ހޯދީ ރާއްޖެ އެވެ. ރާއްޖެ އިން ފިރިހެން ބައިގައި 16 އެތުލީޓުން ވަދަކުރި އެވެ. ފިރިހެން އޯޕަން އަދި ޖޫނިއާ ބައިގައި ވެސް ދިވެހި އެތުލީޓުން ވާދަކުރިއިރު، ރާއްޖޭގެ ހުސައިން އަރީފް (އިބޫ) ވަނީ ފިރިހެން އޯޕަން ބައިން ބްރޯންޒް މެޑަލް ހޯދާފަ އެވެ.

ފިރިހެން ބައިގެ ތިން ވަނަ ލިބުނީ އިންޑިއާ އަށެވެ. އެ ޓީމުން ވެސް ފިރިހެން ބައިގައި ވާދަކުރީ ފަސް އެތުލީޓުންނެވެ. އެއީ ޖޫނިއާ ބައިގައި ވާދަކުރި އެތުލީޓަކާއި ފިރިހެން އޯޕަން ބައިގައި ވާދަކުރި ހަތަރު އެތުލީޓުންނެވެ.

އަންހެން ބަޔަށް ބަލާއިރު، މި ބައިގެވެސް އެއް ވަނަ ހޯދީ ޖަޕާނެވެ. އެޓީމުން އަންހެން ދެ އިވެންޓުގައި ވެސް ވާދަކުރީ ހަތަރު އެތުލީޓުންނެވެ. ދެ ބައިން ވެސް ރަން މެޑަލް ހޯދީ ޖަޕާންގެ އެތުލީތުންނެވެ. ޖަޕާންގެ އަންހެން ޓީމަށް ދެ އިވެންޓުގެ ހަ މެޑަލްގެ ތެރެއިން ގެއްލުނީ ދެ މެޑަލް އެވެ.

އަންހެން ބައިގެ ދެ ވަނަ ހޯދީ ޗައިނާ އެވެ. ޗައިނާއިން އަންހެން ބައިގައި ވާދަކުރީ ތިން އެތުލީޓުންނެވެ. ޗައިނާގެ ފަހަތުން ތިން ވަނަ ލިބުނީ ތައިލެންޑަށެވެ.

މުބާރާތުގެ އިންޑިވިޖުއަލް އިވެންޓްތަކަށް ބަލާއިރު ފިރިހެން ބައިގެ ޗެމްޕިއަންކަން ހޯދީ އިންޑޮނޭޝިއާގެ ޑަނީ ވިޑިއަންޓޯ އެވެ. ދެ ވަނަ ޖަޕާންގެ ރިކީ ސާޓޯ ހޯދިއިރު ތިން ވަނަ ހޯދީ ރާއްޖޭގެ އިބޫ އެވެ.

އަންހެން ބައިގެ ޗެމްޕިއަންކަން ހޯދީ ޖަޕާންގެ ސުމޯމޯ ސަޓޯ އެވެ. ދެ ވަނަ ޖަޕާންގެ މިރާއީ އިކޭޑާ ހޯދިއިރު ތިން ވަނަ އަށް ދިޔައީ އިންޑޮނޭޝިއާގެ ޑިއާ ނަޓާޝާ އެވެ.

ޖޫނިއާ ބައިގެ އަންހެން ޗެމްޕިއަންކަން ވެސް ހޯދީ ސުމޯމޯ އެވެ. ދެ ވަނަ ހޯދީ ޗައިނާގެ ސިކީ ޔަން އެވެ. ތިން ވަނަ ހޯދީ ޖަޕާންގެ މިރާއީ އެވެ. ޖޫނިއާ ފިރިހެން އެއް ވަނަ ޖަޕާންގެ އިކޯ ވަތަނާބޭ ހޯދިއިރު، ދެ ވަނަ ހޯދީ ރިކީ ސަޓޯ އެވެ. ތިން ވަނަ ހޯދީ ޓާރޯ ޓަކާއީ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox