މަޖިލީހުގެ މަރުތަޅު: ހައްލު ހޯދަން ނަޝީދު ހިތްވަރު ދެއްވީ އިދިކޮޅަށް

ރައްޔިތުންގެ މަޖިލީހުގެ ރައީސް މުހައްމަދު ނަޝީދު މީގެ ކުރިން މައިނޯރިޓީ ލީޑަރާ ބައްދަލުކުރައްވަނީ. ފޮޓޯ:މުހައްމަދު ޝަހުޒާން/އަދަދު

ރައްޔިތުންގެ މަޖިލީހުގެ ރައީސް މުހައްމަދު ނަޝީދު މީގެ ކުރިން މައިނޯރިޓީ ލީޑަރާ ބައްދަލުކުރައްވަނީ. ފޮޓޯ:މުހައްމަދު ޝަހުޒާން/އަދަދު

ރައްޔިތުންގެ މަޖިލިސް ހުއްޓިަފއި އޮތް އޮތުން ނިމުމަކަށް ގެންނަން މަސައްކަތް ކުރަން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ހިތްވަރު ދެއްވަމުން ގެންދަވާ ކަމަށް އިދިކޮޅު ޕީޕީއެމް/ޕީއެންސީން މިއަދު ބުނެފި އެވެ.

ރައްޔިތުންގެ މަޖިލީހުގެ މައިނޯރިޓީ ލީޑަރު އަދި އޭދަފުށި ދާއިރާގެ މެމްބަރު އަހުމަދު ސަލީމާއި ނައިފަރު ދާއިރާގެ މެމްބަރު އަހުމަދު ޝިޔާމާއި މަޑުއްވަރީ ދާއިރާގެ މެމްބަރު އާދަމް ޝަރީފު އަދި މާވަށު ދާއިރާގެ މެމްބަރު މުހައްމަދު ސައީދު މަޖިލީހުގެ ގޯތިތެރޭގައި މަޖިލީހުގެ ރައީސް މުހައްމަދު ނަޝީދާ މިއަދު ބައްދަލުކުރެއްވި އެވެ.

އެ ބައްދަލުވުމަށް ފަހު ނޫސްވެރިންގެ ސުވާލުތަކަށް ޖަވާބު ދެއްވަމުން ސަލީމް ވިދާޅުވީ މަޖިލިސް ކުރިއަށް ގެންދެވޭނެ ގޮތްތައް ހޯއްދަވަން ނަޝީދު އެދިވަޑައިގަންނަވާ ކަމަށާއި އެކަމަށް މަސައްކަތް ކުރަން އެމަނިކުފާނު ހިތްވަރު ދެއްވާ ކަމަށެވެ. މަޖިލިސް ހުއްޓިފައި އޮންނާތީ އެމަނިކުފާނު ހުންނެވީ އެކަމުގެ ހިތާމައިގައި ކަމަށް ވެސް ސަލީމް ވިދާޅުވި އެވެ.

"އަޅުގަނޑުމެންނަށް ވަރަށް ހިތްވަރު ދެއްވާ ހަމަ މަޖިލިސް ހުޅުވުމަށް މަސައްކަތް ކޮށްދެއްވާށޭ، ތިމަންނާ ބޭނުންވަނީ މަޖިލިސް ކުރިއަށް ގެންދާށޭ [ވިދާޅުވެ]. އެހެންވީމާ ހަމަ ވަރަށް ނޯމަލްކޮށް އިނގޭތޯ. އެމަނިކުފާނަށް ވަރަށް އަސަރުކޮށްފައި ހުރީ މަޖިލިސް ނުހިނގައިގެން،" ސަލީމް ވިދާޅުވި އެވެ.

ނޫސްވެރިންނާ ބައްދަލުކުރައްވައި ސަލީމް ފުރަތަމަ ދެއްކެވި އެއް ވާހަަކައަކީ ނަޝީދުގެ އިތުބާރު ނެތް ކަމަށް މައްސަލަ ހުށަހަޅަން ސޮއި ހަމަކުރީ މެމްބަރުންނަށް ސަރުކާރުން ނުފޫޒު ފޯރުވައިގެން ކަމަށް ކުރައްވާ ތުހުމަތެއްގެ ވާހަކަ އެެވެ.

އެއީ ރައްޔިތުންގެ މަޖިލީހުގައި އިއްޔެ ބޭއްވި މީޑިއާ ބްރީފިންގައި ރައީސް ނަޝީދު ވެސް ކުރެއްވި ތުހުމަތެކެވެ. އެެހެން ނަމަވެސް, ސަލީމް ވިދާޅުވި ގޮތުގައި އޭނާއަށް އެކަން އެނގިވަޑައިގެންނެވީ މިދިޔަ ދުވަސްތަކުގައި ބަލައިލި ބަލައިމަކުންނެވެ.

"އެހެންވީމާ މަޖިލިސް މެމްބަރުންނަށް ވެސް އެބަ އެނގޭ މި ހެދެނީ ގޯހެއްކަން. އެހެން ނަމަވެސް ސަރުކާރުގެ ނުފޫޒާއި އާރާއި ބާރުގެ ބޭނުންކޮށްގެން ވަރަށް ގިނަ މީހުން ލައްވާ އެބަހުރި ސޮއިކުރުވާފައި،" ސަލީމް ތުހުމަތުކުރެއްވި އެވެ.

ހައްލެއް ކަމަށް ދެކެނީ ނަޝީދު ވިދާޅުވާ ހައްލު

އިދިކޮޅު މެމްބަރުން ބޭއްވި ނޫސްވެރިންގެ ބައްދަލުވުމުގައި އެންމެ ބޭފުޅުން ވެސް ތުހުމަތުކުރެއްވީ މަޖިލީހުގައި މަރުތަޅު އެޅިގެން އުޅެނީ މަޖިލީހުގެ ރައީސާއި ނައިބު ރައީސްގެ އިތުބާރު ނެތްކަމުގެ މައްސަލަ އެއްފަހަރާ ވެއްދުމުގެ ސަބަބުން ކަމަށެވެ. އެއީ އެކަމުގައި މަޖިލީހުގެ ރައީސް ނަޝީދު ވެސް ދެކެވަޑަައިގަންނަވާ ގޮތެވެ.

އެހެންވީމާ މަޖިލީހަށް އޮތް ހަލެއް ކަމަށްވެސް އިދިކޮޅުން ދެކެނީ ނަޝީދުވެސް ވިދާޅުވާ ހައްލެވެ. އެއީ ކޮންމެވެސް އެއް ބޭފުޅެއްގެ މައްސަލަ އަނބުރާ ގެންދިއުމެެވެ.

އެހެން ނަމަވެސް ސަލީމް ވިދާޅުވި ގޮތުގައި މަޖލީހުގެ ކުޑަދަށުން ނަޝީދާ މިއަދު ބައްދަލުވެވަަޑައިގެންނެވީ އިއްތިފާގުން ކަމަށެވެ.

"އަަޅުގަނޑުމެން ހަމަ އިއްޔެއިން ފެށިގެން [ނިންމާފައި] އޮތީ މިއަދު މިތަނަށް އަންނަ ގޮތަށް. އިއްތިފާގުން ދެން ރައީސް ވަޑައިގެންނެވީ. ދެން ރައީސަށް އަޅުގަނޑުމެން ފެނުނީމާ ރައީސް އެތާ މަޑުކޮށްލެއްވީ،" ސަލީމް ވިދާޅުވި އެވެ.

އޭނާ ވިދާޅުވީ ރައީސް ނަޝީދު ހުންނެވީ "ވަރަށް ދެރަފުޅުވެފައި" ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox