ވަކިކުރި ދެ މިނިސްޓަރުންނާއި ދިޔާނާއަށް ދިނީ "އިތުރު މަގާމެއް ނޫން" ކަމަށް މުއިއްޒު ވިދާޅުވެއްޖެ

އެޕްރީލް 27، 2025: ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި މުއިއްޒު ވާހަކަ ދައްކަވަނީ --- ފޮޓޯ: ރައީސް އޮފީސް

އެޕްރީލް 27، 2025: ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި މުއިއްޒު ވާހަކަ ދައްކަވަނީ --- ފޮޓޯ: ރައީސް އޮފީސް

ކެބިނެޓުން ވަކިކުރި މިނިސްޓަރުންގެ ތެރޭގައި ހިމެނޭ ތޯރިގު އިބްރާހިމް އާއި އާދަމް ޝަރީފް އުމަރު އާއި ރިފަރެންޑަމް ވޯޓުގައި "އާނއެކޭ" ބުނަން ސަރުކާރާ އެއްކޮޅަށް ވަކާލާތުކޮށްދެއްވި ދިޔާނާ ޝަރީފަށް ފޮރިން މިނިސްޓްރީން "އިތުރު މަގާމެއް" ދީފައި ނުވާނެ ކަމަށް ރައީސް މުހައްމަދު މުއިއްޒު ވިދާޅުވެއްޖެ އެވެ. 

އެ ތިން ބޭފުޅުން ވެސް އައްޔަނުކޮށްފައިވަނީ ފޮރިން މިނިސްޓްރީގެ އެމްބެސެޑާ އެޓް ލާޖުގެ މަގާމަށެވެ. އެއީ ސިޔާސީ މަގާމެކެވެ. މިހާރު ކުރިއަށްދާ ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން މުއިއްޒު ވަނީ އެ ބޭފުޅުން މަގާމުތަކަށް އައްޔަނުކުރި ނަމަވެސް އެއީ އިތުރުވާނެ މަގާމެއް ނޫން ކަމަށް ވިދާޅުވެފަ އެވެ. 

""އެމްބަސީތަކަށް ނުވަތަ ހައި ކޮމިޝަންތަކަށް ބޭފުޅުން އައްޔަނު ކުރުމަށްޓަކައި އެއް ފަހަރާ އެއް ދުވަހުން ކުއްލިއަކަށް ގައުމެއްގެ އެމްބެސެޑަރު ގޮތަށް އައްޔަނެއް ނުކުރެވޭ، އެހެންްވެ އެމްބެސެޑާ އެޓް ލާޖުގެ މަގާމަށް އައްޔަނުކޮށްފައި، ދެން އެ ގައުމުގެ ފަރާތުން ގޯ އަހެޑް ލިބުނީމައި އައްޔަނު ކުރުން ކުރިއަށްގެންދެވޭނީ،" މުއިއްޒު ވިދާޅުވި އެވެ. 

Advertisement

"އެއީ އިތުރު މަގާމެއް ނޫން. އިތުރެއް ނުވާނެ، މި ސަރުކާރުގައި މަދުވެގެން ދާނީ،"

އެމްބެސެޑާ އެޓް ލާޖުގެ މަގާމަށް އައްޔަނުކުރި ތިން ބޭފުޅުންގެ ތެރެއިން ތޯރިގާއި އާދަމް ޝަރީފަކީ "ރައްޔިތުންގެ ވިންދާ އެއް ގޮތަށް" ވެރިކަން ހިންގަން ވެގެން ރައީސް މުހައްމަދު މުއިއްޒު އަންގަވައިގެން އިސްތިއުފާ ދެއްވަން މަޖުބޫރުވި ދެ ބޭފުޅުންނެވެ. މުއިއްޒު ވިދާޅުވި ގޮތުގައި ބައެއް ވަޒީރުން ވަކިކުރީ ހަމައެކަނި ޕާފޯމަންސަށް ބެލުމަށް ފަހުއެއް ނޫނެވެ. 

"މިނިސްޓަރުންގެ ގޮތުގައި ތިބި ބޭފުޅުން ވަކިކުރުމުގައި ވެސް ޕާފޯމަންސަކީ އެއް ކަންތައް، އަދި އެހެން ކަންތައްތައް ވެސް ބަލާފައި ހުންނާނެ. ބޭނުންވީ ސަރުކާރުގެ ސައިޒު ކުޑަކުރަން، ކޮންމެ ބޭފުޅަކު ވަކިކުރީ ޕާފޯމަންސް ދަށްވެގެނެއް ނޫން. ހަމަ ވަރަށް ރަނގަޅަށް މަސައްކަތް ކުރެއްވި ބޭފުޅުން ވެސް އެބަތިއްބެވި،" މުއިއްޒު ވިދާޅުވި އެވެ.

"ވަރަށް ހިދުމަތްތެރި ރަނގަޅަށް މަސައްކަތް ކުރީ، އެހެން ނަމަވެސް ސަރުކާރުގެ ސައިޒު ކުޑަކޮށް، ސަރުކާރު މަސައްކަތް ކުރަމުންދާ ސިސްޓަމް ބަދަލުކުރުމަށްޓަކައި ނިންމި ބަދަލުތަކެއް އެއީ،"

މި ސަރުކާރު އައުމަށް ފަހު މިހާތަނަށް އައްޔަނުކުރީ ކިހާ ސިޔާސީ މުވައްޒަފުންނެއް ކަމެއް މިހާތަނަށް ނޭނގެ އެވެ. އެ އަދަދު މިހާތަނަށް ސަރުކާރުން ހާމަކޮށްފައި ނުވާއިރު މުއިއްޒު ވިދާޅުވަނީ މިހާރު ކުރިއަށްދާ މަސައްކަތްތަކަށް ފަހު އެ އަދަދު ވަރަށް ބޮޑުތަނުން މަދުވާނެ ކަމަށެވެ. 

"ވަރަށް ބޮޑު ތަނުން އިދާރީ މަސައްކަތްތައް ނިމޭއިރުގައި ޕޮލިޓިކަލް އެޕޮއިންޓީސްގެ އަދަދު ވަރަށް ކުޑަވެގެންދާނެ، އެ ޕްރޮސެސް އެގޮތަށް އެބަ ހިނގާ،" މުއިއްޒު ވިދާޅުވި އެވެ. 

ފޮރިން މިނިސްޓްރީއަށް އައްޔަންކުރި ކުރީގެ އެޓާނީ ޖެނެރަލް ދިޔާނާ މި ސަރުކާރުގެ އެއްވެސް މަގާމެއްގައި ކުރިން ނޫޅުއްވަ އެވެ. ނަމަވެސް ރިފަރެންޑަމް ވޯޓަށް އަހަން ނިންމި ދުވަސްވަރުން ފެށިގެން ދިޔާނާ ވަނީ ސަރުކާރާ ގާތުން މަސައްކަތްތަކެއް ކުރައްވާފަ އެވެ.

ސިޔާސީ މަގާމުތައް އިތުރު ނުކުރައްވާނެ ކަމަށް ވިދާޅުވުމަށް ފަހު ތިން ބޭފުޅަކަށް ފޮރިން މިނިސްޓްރީގެ އިސް މަގާމުތަކެއް ދިނުމާ ގުޅިގެން އާންމުންގެ ފާޑުކިޔުން ވެސް ސަރުކާރަށް ވަނީ އަމާޒުވެފަ އެވެ.  

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox