ފްރާންސްގެ އިރު ދެކުނުގައި ލޭކް އެނެސީ ކައިރީގައި އޮންނަ ޕާކެއްގެ ތެރޭގައި ކުދިންތަކަކަށް ވަޅިން ހަމަލާދީ ޒަހަމްކޮށްލައިފި އެވެ.
އިންޓީރިއާ މިނިސްޓަރު ޖެރާލްޑް ދަރްމަނިން ވިދާޅުވީ ހަމަލާ ދިން މީހާ ހުއްޓުވީ ފުލުހުން ކުރި މަސައްކަތުން ކަމަށެވެ. ހަތަރު ކުއްޖެއްގެ ގަޔަށް އޭނާ ވަޅި ހެރި އެވެ. އޭގެ އިތުރުން ދެ ބޮޑު މީހުންނަށް ވެސް އަނިޔާވި އެވެ.
އެ ހުރިހާ ކުދިންނަކީ ވެސް ތިން އަހަރުން ދަށުގެ ކުދިންނެވެ. އޭގެ ތެރެއިން ދެ ކުއްޖެއްގެ ހާލު ސީރިއަސް ކަމަށް އިދާރާތަކުން ބުނެ އެވެ.
އިނގިރޭސި ފޮރިން ސެކެޓްރީ ޖޭމްސް ކްލެވާލީ ވިދާޅުވީ އޭގެ ތެރެއިން އެއް ކުއްޖަކީ އިނގިރޭސި ކުއްޖެއް ކަމަށެވެ. ނެދަލޭންޑްސްގެ ކުއްޖަކަށް ވެސް އަނިޔާވެފައިވެ އެވެ.
ފުލުހުން ބުނީ ހައްޔަރު ކުރި އުމުރުން 31 އަހަރުގެ ސީރިއާ ފިރިހެން މީހާއަކީ ގާނޫނީ ގޮތުން ރެފިއުޖީއެއްގެ ގޮތުގައި ސްވިޑަންގައި ރަޖިސްޓްރީކޮށްފައިވާ މީހެއް ކަމަށެވެ.
ހަމަލާދޭ މަންޒަރު ފެންނަ ވީޑިއޯއެއް ސޯޝަލް މީޑިއާގައި އާއްމުވި އެވެ. ވީޑިއޯއިން ފެންނަ ގޮތުގައި ފިރިހެން މީހާ ވަޅި ހިފައިގެން އައިސް، ހަމަލާ އަމާޒު ކުރީ ހަމައެކަނި ކުޑަކުދިންނަށެވެ.
ފްރާންސްގެ އޮފިޝަލުން ބުނީ ހަމަލާ ދިން މީހާއަކީ ޖިނާއީ ކުށުގެ ރިކޯޑެއް އަދި ނަފުސާނީ ބަލީގެ ރިކޯޑެއް އޮތް މީހެއް ނޫން ކަމަށެވެ.
ހަމަލާތައް އަމާޒު ކުރި އުމުރުގެ ކުއްޖަކު އޭނާގެ ވެސް ހުރެ އެވެ. އޭނާ ދާދި ފަހުން ފްރާންސަށް ދަތުރު ކުރީ ސްވިޑަންގައި އަންހެނުންނާއި ތިން އަހަރުގެ ދަރިފުޅު ބަހައްޓައިފަ އެވެ.
