ބަޖެޓް ކުޑަކޮށް ޓެކްސް ބޮޑުކުރަން އުޅުމުން، އިތުބާރު ނެތް ކަމަށް ފާސްކޮށް ފްރާންސްގެ ބޮޑުވަޒީރު ވަކިކޮށްފި

Dec 5, 2024, 2:05 AM
ފްރާންސްގެ ބޮޑުވަޒީރު މިޝޭލް ބާނިއާ، ބާނިއާގެ އިތުބާރުނެތް ކަމަށް އެގައުމުގެ ޕާލަމެންޓުން އިއްޔެ ފާސްކުރި. ފޮޓޯ: ރޮއިޓާސް

ފްރާންސްގެ ބޮޑުވަޒީރު މިޝޭލް ބާނިއާ، ބާނިއާގެ އިތުބާރުނެތް ކަމަށް އެގައުމުގެ ޕާލަމެންޓުން އިއްޔެ ފާސްކުރި. ފޮޓޯ: ރޮއިޓާސް

ބަޖެޓް ކުޑަކޮށް، އިތުރު ބައެއް ޓެކްސްތައް ނަގަން ނިންމެވުމުން ފްރާންސްގެ ބޮޑުވަޒީރު މިޝޭލް ބާނިއާގެ އިތުބާރު ނެތް ކަމަށް ފްރާންސްގެ ޕާލަމެންޓުގެ ތިރިގެ، ނެޝަނަލް އެސެމްބްލީން ފާސްކޮށްފި އެވެ.

ފްރާންސްގެ ޕާލަމެންޓްގެ ތިރިގޭގައި 577 މެންބަރުން ތިއްބަވާ އިރު ބޮޑުވަޒީރުގެ އިތުބާރު ނެތް ކަމަށް ފާސްކުރެވެނީ 289 ވޯޓުންނެވެ. ބާނިއާގެ އިތުބާރު ނެތް ކަމަށް އިދިކޮޅު ނެޝަނަލް ފްރޮންޓުން ހުށަހެޅި މައްސަލަ ފާސްކުރީ 331 ވޯޓާ އެކުގަ އެވެ.

ސެމީ-ޕްރެޒިޑެންޝަލް ނިޒާމެއް އޮންނަ ފްރާންސްގައި ބޮޑުވަޒީރަކީ އެގައުމުގެ ރައީސް އިހުތިޔާރުކުރައްވާ ބޭފުޅެކެވެ. ބޮޑުވަޒީރަކީ ޕާލަމެންޓްގެ ތެރެއިން ރައީސް ނަންގަވާ ބޭފުޅަކަށް ވާއިރު ބޮޑުވަޒީރު ޕާލަމެންޓް އެކުލަވައިލައްވާނީ ވެސް ޕާލަމެންޓް ތެރެއިންނެވެ. އެކަމުގައި އާއްމު އުސޫލަކީ ޕާލަމެންޓްގައި މެޖޯރިޓީ އޮންނަ ޕާޓީއަކުން ބޮޑުވަޒީރަކު ނަގައި، ސަރުކާރު އެކުލަވައިލަން އެޕާޓީއަކާ ހަވާލުކުރުމެވެ.

Advertisement

އެހެން ނަމަވެސް ފްރާންސްގައި އެންމެ ފަހުން ބޭއްވި ޕާލަމެންޓްރީ އިންތިހާބުގައި އެއްވެސް ޕާޓީއަކަށް މެޖޯރިޓީ ލިބިފައި ނުވާތީ، ބާނިއާގެ ސަރުކާރަކީ މައިނޯރިޓީ ޕާޓީއަކުން އެކުވަލައިލި ސަރުކާރެެކެވެ.

ބާނިއާގެ އިތުބާރު ނެތް ކަަމަށް ފާސްކުރި ނަމަވެސް އެގައުމުގެ ރައީސް އިމެނުއަލް މެކްރޮން، ބޮޑުވަޒީރު ކަމަށް އެހެން ބޭފުޅަކު އައްުޔަންކުރައްވަންދެން ވަގުތީ ބޮޑުވަޒީރެއްގެ ގޮތުގައި ބާނިއާ ހުންނަވާނެ އެވެ.

ފްރާންސްގެ މަސްދަރުތަކާ ހަވާލާދީ ބައިނަލް އަގުވާމީ މީޑިއާތަކުން ބުނި ގޮތުގައި މެކްރޮން ނިންމަވާ ގޮތެއް މިއަދުގެ ފަހުގެ ވަގުތެއްގައި ހާމަކުރައްވާނެ އެވެ. އެއީ ޓީވީ މެދުވެރިކޮށް ގައުމާ މުހާތަބުކުރައްވައި ދެއްވާ ބަޔާނުގަ އެވެ.

ބަޖެޓް ޑެފިސިޓްގެ މައްސަލަަ

ފްރާންސްގެ ބޮޑުވަޒީރު މިޝޭލް ބާނިއާގެ އިތުބާރު ނެތް ކަމަށް އެގައުމުގެ ޕާލަމެންޓުން ފާސްކުރީ ޑެފިސިޓް ކުޑަކުރުމަށް ޓަކައި، ހަރަދު ކުޑަކުރުމުގެ ބައެއް ފިޔަވަޅުތައް އަޅާށާއި ބައެއް ޓެކްސްތައް ނަގާ ގޮތަށް އެކުލަވާލައިފައި އޮތް 2025 ބަޖެޓް، ޕާލަމެންޓަށް ހުށަނާޅާ ކުރިއަށް ގެންދަވަން އުޅުއްވުމުންނެވެ.

ފްރާންސްގެ ނިޒާމު އޮންނަ ގޮތުން ބަޖެޓްގެ ބައެއް ޕާލަމެންޓަށް ހުށަހަޅަން ޖެހެ އެވެ. އެހެން ނަމަވެސް އެ ގޮތަށް ހުށަހަޅާ ބައި ފާސް ނުކުރެވިދާނެ ކަމަށް ފެންނަ ހާލަތްތަކުގައި، ގާނޫނުއަސާސީގައި އޮންނަ މާއްދާއަކުން ބޮޑުވަޒީރަށް އޮންނަ ބާރެއް ބޭނުންކޮށްގެން، އެ ބައި ވެސް ކުރިއަށް ގެންދެވެ އެވެ.

އެހެން ނަމަވެސްް އެގޮތަށް ކަންތައް ކޮށްފި ނަމަ ބޮޑުވަޒީރުގެ އިތުބާރު ނެތް ކަމުގެ މައްސަލައެއް ހުށަހެޅުމުގެ ފުރުސަތު ޕާލަމެންޓް މެންބަރުންނަށް އޮވެ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox