ތުރުކީއަށް އައި ނުރައްކާތެރި ބިންހެލުމުގައި އަނިޔާވި މަންމައަކާއި ތުއްތު ދަރިފުޅު ދެ މަސް ފަހުން ބައްދަލުވެއްޖެ އެވެ.
ޔާސެމީން ބެގްދާސްއަށް އޭނާގެ ދަރިފުޅު ވެތިން އުރާލަން ލިބުނީ ޑީއެންއޭ ޓެސްޓު ހަދައި، ދަރިފުޅާ އޮތް ގުޅުން ސާބިތުވުމުންނެވެ.
ތިން މަހުގެ ވެތިން އިމާރާތުގެ ދަށުން ނެގީ ބިންހެލުން އައިތާ ފަސް ދުވަސް ފަހުން ހަތޭ ޕްރޮވިންސްގެ ރެސްކިއު ޓީމުންނެވެ.
ތުރުކީގެ ފެމިލީ މިނިސްޓްރީން ނެރުނު ބަޔާނެއްގައި ބުނީ ވެތިން އިމާރާތުގެ ދަށުން ނެގި އިރު ސިއްހީ ހާލު ރަނގަޅު ކަމަށެވެ.
ބިންހެލުން އައިތާ 54 ދުވަސް ފަހުން ވެތިން، މަންމައާ ހަވާލުކޮށްދިނީ އަަދަނާ ސިޓީގެ ހޮސްޕިޓަލެއްގައި ތުރުކީގެ ފެމިލީ މިނިސްޓަރު ދެރްޔާ ޔަނިކް އެވެ.
"މަންމައަކާއި ދަރިފުޅު ގުޅުވާލަދިނުމަކީ މި ދުނިޔޭގައި ކުރެވޭނެ އެންމެ އަގުހުރި އެއް މަސައްކަތް،" ޔަނިކް ވިދާޅުވި އެވެ.
ފެބްރުއަރީ ހަ ވަނަ ދުވަހު ތުރުކީގެ ދެކުނާއި ސީރިއާއަށް އައި ބިންހެލުމުގައި 56،000 އަށް ވުރެ ގިނަ މީހުން މަރުވި އެވެ.
އޭގެ ތެރެއިން ގިނަ މީހުން މަރުވީ ތުރުކީގަ އެވެ. ވެތިން އާއި މަންމަ ބައްދަލުވި ނަމަވެސް ބައްޕަ އާއި ދެ ބޭބެ ބިންހެލުމުގައި މަރުވި އެވެ.
