ތުރުކީން ދިން މަނަވަރުގެ ކޮމާންޑަރަކީ ލެފްޓިނެންޓް ކާނަލް ޝިނާން

ކޮމާންޑަރު ޝިނާންއާ މުއިއްޒު ދިދަ ހަވާލު ކުރައްވަނީ. އޭނާ ހުންނެވީ ލެފްޓިނެންޓް ކާނަލްގެ ރޭންކުގައި --- ފޮޓޯ: ރައީސް އޮފީސް

ކޮމާންޑަރު ޝިނާންއާ މުއިއްޒު ދިދަ ހަވާލު ކުރައްވަނީ. އޭނާ ހުންނެވީ ލެފްޓިނެންޓް ކާނަލްގެ ރޭންކުގައި --- ފޮޓޯ: ރައީސް އޮފީސް

ތުރުކީވިލާތުން ރާއްޖެއަށް ހަދިޔާކުރި އަސްކަރީ މަނަވަރު, ދަރުމަވަންތައިގެ ކޮމާންޑިން އޮފިސަރަކަށް ލެފްޓިނެންޓް ކާނަލް ހަސަން ޝިނާން ހަމަޖައްސައިފި އެވެ.

ތުރުކީން ރާއްޖެއަށް ހަދިޔާކުރި މަނަވަރަށް ނަން ދީފައި ވަނީ ދިވެހިރާއްޖެ އިސްލާމްވިއިރު ރަސްކަމުގައި ހުންނެވި ދަރުމަވަންތަ ރަސްގެފާނުގެ ނަމުންނެވެ.

ދަރުމަވަންތަ ދިވެހިރާއްޖެއާ ހަވާލު ކޮށްދެއްވީ ތުރުކީ ނޭވީގެ ފްލީޓު ކޮމާންޑަރު، އެޑްމިރަލް ކަދިރް ޔިލްޑްޒް އެވެ. އެ މަނަވަރާ ދިވެހިރާއްޖޭގެ ފަރާތުން ހަވާލުވެވަޑައިގަތީ ޗީފް އޮފް ޑިފެންސް ފޯސް، މޭޖާ ޖެނެރަލް އިބްރާހިމް ހިލްމީ އެވެ.

Advertisement

ރޭ ބޭއްވި ރަސްމިއްޔާތުގައި ލެފްޓިނެންޓް ކާނަލް ޝިނާންއާ ވަނީ ދިވެހި ދިދަ ހަވާލުކޮށްދެއްވީ ރައީސް މުހައްމަދު މުއިއްޒެވެ. އެވެ. އެ ދިދަ އެ މަނަރުގައި ރޭ ވަނީ ނަގާފަ އެވެ.

ތުރުކީން ހަދިޔާ ކުރި އެ މަނަވަރަކީ މިސައިލް ފޮނުވުމުގެ ގާބިލްކަން ހުރި މަނަވަރެކެވެ. ޖަރުމަނު ކުންފުންޏަކުން ފަރުމާކޮށްފައިވާ އެ މަނަވަރަކީ ވަޔާއި ކަނޑުގެ މަގުން ހަމަލާދިނުމުގެ ގާބިލިއްޔަތުކަން ލިބިފައިވާ އުޅަނދެކެވެ. އެއީ މެއި، 1984، އިން ފެށިގެން ތުރުކީ އަސްކަރިއްޔާއިން ޓީސީޖީ ވޮލްކަންގެ ނަމުގައި ބޭނުންކުރަމުން އައިސްފައިވާ އުޅަނދެކެވެ. އެ މަނަވަރު ރާއްޖެ ގެނައީ ރީފިޓިން ހެދުމަށްފަހު އެވެ.

އެ މަނަވަރު އޮޕަރޭޓުކޮށް، މަރާމާތު ކުރުމަށްޓަކައި ދިވެހި ސިފައިން ވަނީ ތުރުކީއަށް ގޮސް ތަމްރީނުވެފަ އެވެ. ދަރުމަވަންތަ ދުއްވާނީ ދިވެހި ސިފައިންނެވެ.

ތުރުކީ އަސްކަރިއްޔާއިން ޑޮލްގަން ކްލާސްގެ އެ މަނަވަރު ބޭނުންކުރަން ފެށީ މެއި 12، 1981، ގަ އެވެ. އެ މަނަވަރަށް އަންނަ މަހު 44 އަހަރު ފުރޭނެ އެވެ.

އެ މަނަވަރުގެ އިތުރުން އެހެން މަނަވަރެއް ދިވެހި ސިފައިންނަށް ހަދިޔާކުރާ ގޮތަށް ވަނީ ހަމަޖެހިފަ އެވެ. އެއީ ވެސް ޓީސީޖީ ވޮލްކަން ފަދަ "ޑޯގަން ކްލާސް" ގެ މަނަވަރެކެވެ. ތުރުކީ ސިފައިން މިހާރު ޓެސްޓިން އަދި ތަމްރީނުތަކުގައި ބޭނުންކުރާ އެ މަނަވަރުގެ ނަމަކީ ޓީސީޖީ ޓޭފުން އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox