ތުރުކީގެ ޓޫރިޒަމް މިނިސްޓަރު ވެލާނާ އެއާޕޯޓުގެ ސީއައިޕީ ޓާމިނަލުގެ ލިފްޓެއްގައި ތާށިވެއްޖެ

ތުރުކީގެ ޓޫރިޒަމް މިނިސްޓަރު ވެލާނާ އެއާޕޯޓުގެ ސީއައިޕީ ޓާމިނަލުގެ ލިފްޓެއްގައި ތާށިވެއްޖެ

ރާއްޖެއަށް ކުރެއްވި ދަތުރަކަށް ފަހު އެނބުރި ގައުމަށް ވަޑައިގަތުމަށް އިއްޔެ ވެލާނާ އެއާޕޯޓުގެ ސީއައިޕީ ޓާމިނަލުގައި ހުންނަވަނިކޮށް ތުރުކީގެ ޓޫރިޒަމް މިނިސްޓަރު މެހުމަތު ނޫރީ އާސޯއި ލިފްޓެއްގައި ތާށިވެ ބައިގަޑިއިރަށްވުރެ ގިނަ ވަގުތު ހޭދަކުރިކަން އެނގިއްޖެ އެވެ.

އިތުބާރު ހުރި މަސްދަރަކުން އަދަދު ނޫހަށް މައުލޫމާތު ދިން ގޮތުގައި އޭނާ އާއެކު އާއިލާގެ ބައެއް މެންބަރުން ވެސް ލިފްޓުގައި ތާށިވި އެވެ. ލިފްޓަށް ދިމާވި މައްސަލަ ހައްލު ކުރުމަށް ފަހު މިނިސްޓަރާއި އާއިލާ ނެރުމަށް 35 މިނެޓު ވަރު ހޭދަވިކަން ވަނީ އެނގިފަ އެވެ.

މިކަމާ ގުޅޭ ގޮތުން ވެލާނާ އެއާޕޯޓު ހިންގާ އެމްއޭސީއެލްއާ ސުވާލުކުރުމުން ބުނެފައިވަނީ އެފަދަ ކަމެއް ހިނގިތޯ ޖެހޭނީ ބަލާލަން ކަމަށެވެ.

Advertisement

މެހުމަތު ދަތުރުކުރުމަށް ހަމަޖެހިފައި އޮތީ ވެލާނާ އިންޓަނޭޝަނަލް އެއާޕޯޓުން އިސްތަންބޫލަށް ރޭ ފުރި އެ ގައުމުގެ ގައުމީ އެއާލައިން، ޓާކިޝް އެއާލައިންސްގެ ފްލައިޓުންނެވެ.

ފްލައިޓު ރެކޯޑުތައް ބަލަހައްޓާ "ފްލައިޓްރޭޑާ" ގެ މައުލޫމާތުން ދައްކާ ގޮތުގައި 21:55 ގައި ފުރަން ހަމަޖެހިފައި އޮތް ފްލައިޓު ނައްޓާލީ 22:34 ގަ އެވެ. ފާއިތުވި ހަފްތާގައި 22:00 ގެ ކުރިން އެ ފްލައިޓު ރާއްޖެއިން ފުރާކަން އެ މައުލޫމާތުން އެނގެ އެވެ. މި ޑިލޭ އައީ މިނިސްޓަރު ލަސްވުމުގެ ސަބަބުން ކަމެއް ސާފެއް ނުވެ އެވެ.

ޖުލައި 2018، އިން ފެށިގެން މެހުމަތު ފުރުއްވަމުން ގެންދަވަނީ ތުރުކީ ކެބިނެޓުގައި ކަލްޗާ އެންޑް ޓޫރިޒަމް މިނިސްޓަރުގެ މަގާމެވެ. ނޮވެމްބަރު 2023، ގައި ތުރުކީއަށް ރައީސް މުހައްމަދު މުއިއްޒު ކުރެއްވި ދަތުރުގައި އެމަނިކުފާނާ ވެސް މެހުމަތު ބައްދަލުކުރެއްވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox