ކޮންމެ މީހަކަށް އަދަބު ދިނުމަކީ ހައްލެއް ނޫން: އިމްރާން

ކެނދިކުޅުދޫ ޕޮލިސް ސްޓޭޝަން ހުޅުވުމުގެ ރަސްމިއްޔާތުގައި އިމްރާން ވާހަކަ ދައްކަވަނީ. --- ފޮޓޯ: ހޯމް މިނިސްޓްރީ

ކެނދިކުޅުދޫ ޕޮލިސް ސްޓޭޝަން ހުޅުވުމުގެ ރަސްމިއްޔާތުގައި އިމްރާން ވާހަކަ ދައްކަވަނީ. --- ފޮޓޯ: ހޯމް މިނިސްޓްރީ

ކުށްކުރާ ކޮންމެ މީހަކަށް އަދަބު ދިނުމަކީ ހައްލެއް ނޫން ކަމަށާއި، އެކަމުގެ ހައްލަކީ ފުލުހުންނާއި، ކައުންސިލް އަދި މުޖުތަމައު ގުޅިގެން ކުށަށް އަރައިގަތުން ނެތިކޮށްލުން ކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެ އެވެ.

ނ. ކެނދިކުޅުދޫ ޕޮލިސް ސްޓޭޝަން ހުޅުވުމުގެ ރަސްމިއްޔާތުގައި ވާހަކަ ދައްކަވަމުން އިމްރާން ވަނީ އަމަންއަމާންކަމާއި, ރައްކާތެރިކަމާއި, އަދުލު އިންސާފު ގުޅުން އޮތީ ފުލުހުންގެ މުއައްސަސާގެ އެ އަގުތައް ހިފެހެއްޓުނު މިންވަރަކުން ކަމަށް ވިދާޅުވެފަ އެވެ.

"ފުލުހުންގެ އިއްޒަތާއި ޝަރަފް މަތިވެރިވި ވަރަކަށް, ފުލުހުންނަށް ރީތިނަން ލިބުނު ވަރަކަށް ފުލުހުން އަދާކުރާ ޒިންމާ ރައްޔިތުން ބަލައިގަތް ވަރަކަށް މުޖުތަމައު ކުރިއަށްދާނެ, މުޖުތަމައުގެ އަމާންކަމާއި ރައްކާތެރިކަން ކަށަވަރުވާކަން އަޅުގަނޑުމެން ވަޒަންކުރާ ގޮތަކީ, ރައްޔިތުން ވަޒަންކުރާ ގޮތަކީ އެއީ،" އެ ރަސްމިއްޔާތުގައި އިމްރާން ވިދާޅުވި އެވެ.

ކުށްކުރާ މީހުން ފުލުހުންނަށް ބަންދުކުރެވިދާނެ ކަމަށާއި އަދި އެފަދަ މީހުން ޖަލަށްވެސް ލެވިދާނެ ކަމަށް އޭނާ ވިދާޅުވި އެވެ. ނަމަވެސް، އެފަދަ ކޮންމެ މީހަކަށް އަދަބު ދިނުމަކީ ހައްލެއް ނޫން ކަމަށް ވިދާޅުވި އެވެ.

ކެނދިކުޅުދޫގެ އިތުރުން ނ. ކުޑަފަރީގައި ވެސް ވަނީ ޕޮލިސް ސްޓޭޝަނެއް ހުޅުވާފަ އެވެ. އެ ރަސްމިއްޔާތުގައި ވެސް އިމްރާން ވަނީ ކުށްކުރުމުގެ ސަގާފަތް ނައްތާލުމާ ގުޅޭގޮތުން ވާހަކަ ދައްކަވާފަ އެވެ.

"އޮންނަންވީ ފުލުހުން ތިބެ ހައްޔަރުކޮށްގެން، އަދަބު ދީގެން ކުށް ހުއްޓުވުމުގެ ސަގާފަތަށްވުރެ ބޮޑަށް، އަޅުގަނޑުމެންގެ ތެރޭގައި އޮންނަ ރީތި އާދަކާދަތަކާއި، އަހުލާގާއި، މަތިވެރި ސިފަތަކުން ކުށްތަކާ ދުރުވުމުގެ ސިފަތަކެއް،" ކުޑަފަރި ޕޮލިސް ސްޓޭޝަން ހުޅުވުމުގެ ރަސްމިއްޔާތުގައި ވާހަކަ ދައްކަވަމުން އިމްރާން ވިދާޅުވި އެވެ.

ރާއްޖޭގެ ކުށުގެ ވެށީގެ ހާލަތަށް އަލިއަޅުވާލައްވާ އިމްރާން ވިދާޅުވީ ރާއްޖޭގެ ކޮންމެ ރަށެއްގައި ހިނގާ ކޮންމެ ކުށެއްގެ ފަހަތުގައި އޮތީ މަސްތުވާތަކެތީގެ މައްސަލަ ކަމަށެވެ.

މިއީ ރާއްޖޭގައި ގާތްގަނޑަކަށް ބައި ގަރުނެއްހާ ދުވަސްވީ ބޮޑު މައްސަލައެއް ކަމަށާއި, އެކަމުން އަރައިގަތުން އެއީ މުޅި މުޖުތަމައު ގުޅިގެން ކުރަންޖެހޭ ކަމެއް ކަމަށް އިމްރާން ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox