ބޮޑެތި ޖަރީމާތައް ހުއްޓުވުމުގެ ޒިންމާ ހަމައެކަނި ފުލުުހުން ބޮލަކު ނޭޅުވޭނެ: އިމްރާން

ބޮޑެތި ޖަރީމާތައް ހުއްޓުވުމުގެ ޒިންމާ ހަމައެކަނި ފުލުުހުން ބޮލަކު ނޭޅުވޭނެ: އިމްރާން

މީހުން މެރުން ފަދަ ބޮޑެތި ޖަރީމާތައް ގިނަވުމަކީ އެކަމުގެ ޒިންމާ ހަމައެކަނި ފުލުހުންގެ ބޮލުގައި އެޅުވޭނެ ކަމެއް ނޫން ކަމަށް ހޯމް މިނިސްޓަރު އިމްރާން އަބްދުﷲ މިއަދު ވިދާޅުވެއްޖެ އެވެ.

ފުލުހުންނަށް ބޭނުންވާ އުމްރާނީ ވަސީލަތްތައް ގާއިމްކުރަން ހިންގާ ބޮޑު މަޝްރޫއެއް ފަށަން ކ. ތުލުސްދޫގައި މިއަދު ބޭއްވި ރަސްމިއްޔާތެއްގައި އިމްރާން ވިދާޅުވީ އެފަދަ ކުށްތައް މަދުކުރެވޭނީ ތައުލީމީ ނިޒާމާއި މުޖުތަމައުގެ ހަމަތައް ހިފަހައްޓަން ހުރި އެހެން މުއަައްސަސާތަކާއި މުޖުތަމައުން ވެސް މަަސައްކަތް ކޮށްގެން ކަމަށެވެ. ކުށް މަދުކުރަން ރަށްރަށުގެ ކައުންސިލްތަކާއި ޖަމިއްޔާ ޖަމާއަތްތަކުން ވެސް ބުރަ މަސައްކަތްތަކެއް ކުރަން ޖެހޭ ކަމަށް ވެސް އޭނާ ވިދާޅުވި އެވެ.

"މިކަންކަމާ ޑީލްކުރަން ތިބީ ހަމައެކަނި ފުލުހުންނެއް ނޫން. މިކަމުގެ ޒިންމާ ހަމައެކަނި ފުލުހުންގެ ބޮލުގައި އަޅުވާފައި އަަޅުގަނޑުމެންނަކަށް ނުތިބެވޭނެ،" އިމްރާން ވިދާޅުވި އެވެ.

Advertisement

އިމްރާން ވިދާޅުވި ގޮތުގައި މީހަކަށް އަމިއްލަ ނަފުސުގެ ކޮންޓްރޯލް ގެއްލި، ޝަރީއަތާއި ގާނޫނުގެ އުސޫލުތަކުން ބޭރުވުމުން ފުލުހުންނަށް ވުރެ ކުރިން އޭނާއަށް އަޅާލަން ޖެހޭ އެތައް ބަޔަކު އެބަތިއްބެވެ. އެއީ އޭނާ ވިދާޅުވި ގޮތުގައި އާއިލާ އާއި އަވަށްޓެރިންނާއި މުޖުތަމަ އެވެ.

"އާއިލާއަށް ވެސް އޭނާއަށް ހަމަ މަގު ނުދެއްކުނީ، އޭނާ ރަނގަޅު ގޮތުގައި ހުރުމަށް ދޭންޖެހޭ ފުރިހަމަ އެއްބާރުލުމާއި އެހީތެރިކަމާއި އިރުޝާދު ނުދެވުނީ. އެކަން އެހިސާބަށް ގޮސްފި ކަމަށް ވާނަމަ، ޖެހިގެން އޮތް އޭނާގެ އަވަށްޓެރިން އެބަ ޖެހޭ އެކަމަށް ޓަކައި މަސައްކަތްކުރަން،" ގާނޫނީ އަދި ޝަރުއީ އިލްމުވެރިންނާ ހަވާލާ ދެއްވައި އިމްރާން ވިދާޅުވި އެވެ.

ފުލުހުން ފިޔަވަޅު އަޅަން ޖެހޭނީ ކުރަން ޖެހޭނީ އާއިލާ އާއި އަވަށްޓެރިންނާއި މުޖުތަމައަށް ވެސް މީހާ އިސްލާހުނުކުރެވުނީމާ ކަމަށް ވެސް އޭނާ ވިދާޅުވި އެވެ. އޭނާ ވިދާޅުވީ މިހާރު ކޮންމެ ކަމެއް ހިނގާ އިރަށް އެކަމުގެ ޒިންމާ ނަގަން ޖެހެނީ ފުލުހުން ކަމަށާއި މިއީ އަބުރުވެރި މުޖުތަމައެއް އޮންނަންވީ އޮތް ނޫން ކަމަށެވެ.

"ފުލުހުން ފަރުދަކު ހުއްޓުވަން ވަންނަން މި ޖެހެނީ އަނެއް ހަތަރު މަރުހަލާ ނާކާމިޔާބުވީމާ،" އިމްރާން ވިދާޅުވި އެވެ.

ފުލުުހުންނާ މުހާތަބުކުރައްވައި އޭނާ ވިދާޅުވީ އެއީ ގާނޫނީ ގޮތުން ވަރަށް ބޮޑު ޒިންމާއެއް އެޅިފައިވާ ބައެއް ކަމަށާއި އެކަމުގައި އިންސާފުވެރިވާން އެދިވަޑައިގަންނަވާ ކަމަށެވެ. ގާނޫނު ހިންގުމުގައި ވަކި ރަށަކަށް އާއިލާއަކަށް ނުބަލައި މަސައްކަތް ނުކުރެވިއްޖެ ނަމަ އެއީ ދުނިޔެއާ އާޚިރަތުގެ ނާކާމިޔާބީ އެއް ކަމަށް ވެސް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox